សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ រាជរដ្ឋាភិបាលកម្ពុជា ដែលមានក្រសួងសេដ្ឋកិច្ច និងហិរញ្ញវត្ថុ ជាសេនាធិការ បានជួបពិភាក្សាជាមួយតំណាងធនាគារពិភពលោក (World Bank) ដើម្បីស្វែងរកយុទ្ធសាស្ត្រកាត់បន្ថយថ្លៃដើមលើការដឹកជញ្ជូន និងជំរុញការនាំចេញឱ្យកាន់តែមានភាពល្អប្រសើរជាងពេលបច្ចុប្បន្ន។
ឯកឧត្តម វង្សី វិស្សុត រដ្ឋមន្ត្រីប្រតិភូអមនាយករដ្ឋមន្ត្រី និងជារដ្ឋលេខាធិការអចិន្ត្រៃយ៍នៃក្រសួងសេដ្ឋកិច្ច និងហិរញ្ញវត្ថុ នៅថ្ងៃដើមសប្ដាហ៍នេះបានជួបពិភាក្សាជាមួយមន្ត្រីតំណាងធនាគារពិភពលោក ដោយបានបានលើកឡើងថា វិស័យភស្តុភារ គឺជាគន្លឹះសម្រាប់ជំរុញពាណិជ្ជកម្ម និងការវិនិយោគនៅកម្ពុជា ហើយកម្ពុជាត្រូវការប្រព័ន្ធដឹកជញ្ជូន(ឡូជីស្ទីក)ប្រកបដោយប្រសិទ្ធភាព និងរស់រវើក ក្នុងបរិបទដែលខ្សែច្រវ៉ាក់ផ្គត់ផ្គង់សកលត្រូវរាំងស្ទះដោយសារវិបត្តិនៃជំងឺកូវីដ-១៩។
ឯកឧត្តម វង្សី វិស្សុត បានទទួលស្គាល់ការចំណាយខ្ពស់ខ្លះនៃការដឹកជញ្ជូនរបស់កម្ពុជា ក៏ដូចជាបញ្ហាហេដ្ឋារចនាសម្ព័ន្ធដឹកជញ្ជូន ក៏ដូចជាការតភ្ជាប់ ដោយរាជរដ្ឋាភិបាលកំពុងកែលម្អផ្នែកភស្តុភាររបស់កម្ពុជា ដើម្បីទាក់ទាញការវិនិយោគពីបរទេស ដើម្បីឆ្លើយតបទៅនឹងបរិបទពាណិជ្ជកម្មដែលផ្លាស់ប្តូរ។
ឯកឧត្តម វង្សី វិស្សុតបានមានប្រសាសន៍ថា ៖
“សេដ្ឋកិច្ចកម្ពុជាពិតជាមិនអាចរីកចម្រើនលូតលាស់ជឿនលឿនទៅមុខបានវែងឆ្ងាយឡើយ ប្រសិនបើកម្ពុជាពុំមានប្រព័ន្ធឡូជីស្ទីក ដែលប្រកបដោយប្រសិទ្ធភាព ស័ក្ដិសិទ្ធភាព និងរស់រវើកនោះទេ ព្រោះវិស័យឡូជីស្ទីក គឺជាវិស័យអាទិភាព និងជាគន្លឹះសម្រាប់ជំរុញការធ្វើពាណិជ្ជកម្ម និងវិនិយោគ ក៏ដូចជាការអភិវឌ្ឍសម្រាប់កម្ពុជា”
ឯកឧត្តមក៏បានគូសបញ្ជាក់ថា បច្ចុប្បន្នសេដ្ឋកិច្ច ពិភពលោកកំពុងទទួលរងផលប៉ះពាល់ដោយសារខ្សែច្រវ៉ាក់ផ្គត់ផ្គង់ និងប្រព័ន្ធឡូជីស្ទីកត្រូវបានរាំងស្ទះ ដោយសារជំងឺកូវីដ-១៩ ហើយមួយផ្នែកទៀតបណ្តាលមកពីការផ្លាស់ប្តូរប្រព័ន្ធពាណិជ្ជកម្ម។ ការផ្លាស់ប្តូរប្រព័ន្ធពាណិជ្ជកម្មនេះ បានធ្វើឱ្យមានការផ្លាស់ប្តូរប្រព័ន្ធតភ្ជាប់ពហុវិស័យ (interconnectivity) ដែលជាបច្ច័យធ្វើឱ្យមានការផ្លាស់ប្តូរខ្សែច្រវ៉ាក់ផ្គត់ផ្គង់ និងឡូជីស្ទីកផងដែរ។
ឯកឧត្តម ក៏បញ្ជាក់ដែរថា នៅក្នុងរយៈពេលមធ្យមទៅមុខ កម្ពុជាត្រូវធ្វើកិច្ចការច្រើនថែមទៀត ទាំងផ្នែករឹង និងផ្នែកទន់ ដើម្បីអភិវឌ្ឍន៍ប្រព័ន្ធដឹកជញ្ជូន និងឡូជីស្ទីកឱ្យកាន់តែមានប្រសិទ្ធភាព ស័ក្តិសិទ្ធភាព ប្រទាក់ក្រឡាគ្នា ថ្លៃថោក និងចំណាយពេលតិច ព្រមទាំងមានស្ថិរភាព សម្រាប់ធ្វើឱ្យសេដ្ឋកិច្ចកម្ពុជាកាន់តែភាពប្រកួតប្រជែង និងកាន់តែមានពិពិធកម្ម ពិសេសដើម្បីឱ្យកាន់តែមានភាពទាក់ទាញវិនិយោគពីក្រៅប្រទេសក្នុងបរិការណ៍ដែលភូមិសាស្រ្តសេដ្ឋកិច្ចពិភពលោកកំពុងមានការផ្លាស់ប្តូរដោយសារការ ប្តូរទីតាំងវិនិយោគចេញពីប្រទេសចិន ដែលកម្ពុជាត្រូវតែចេះចាប់យកឱកាសនេះ។
ជាមួយនឹងកិច្ចពិភាក្សាខាងលើនេះ ថ្នាក់ដឹកនាំគណៈប្រតិភូជាន់ខ្ពស់នៃក្រុមធនាគារពិភពលោក លោកស្រី Cordula Rastogi សេដ្ឋវិទូជាន់ខ្ពស់បានបង្ហាញពីលទ្ធផលនៃការសិក្សារបស់ក្រុមការងារធនាគារពិភពលោកអំពីស្ថានភាពនៃវិស័យឡូជីស្ទីកនៅក្នុងពិភពលោក និងតំបន់ ក៏ដូចជានៅប្រទេសកម្ពុជាផងដែរ។
លោកស្រី បានលើកឡើងនូវអនុសាសន៍មួយចំនួន ទាំងក្នុងរយៈពេលខ្លី និងមធ្យម មានជាអាទិ៍ដូចជា ៖ ការត្រួតពិនិត្យប្រសិទ្ធភាពនៃច្រកទ្វារពាណិជ្ជកម្ម ការពង្រីកប្រព័ន្ធធុរជនល្អ (best trader scheme) ការបង្កើតប្រព័ន្ធរាយការណ៍តាមផ្លូវ (Roadwatch) ការជំរុញការដឹកជញ្ជូនតាមផ្លូវដែក ការពង្រឹងប្រសិទ្ធភាពនៃការធ្វើអធិការកិច្ច ក្រោយការបញ្ចេញទំនិញពីគយ ការសម្រួលដល់ការឆ្លងកាត់ទំនិញ ការរៀបចំផែនការ និងយុទ្ធសាស្រ្ត ដឹកជញ្ជូនពហុបំណង និងការរៀបចំផែនការអភិវឌ្ឍឡូជីស្ទីកក្នុងតំបន់ទីក្រុង ព្រមទាំងការរៀបចំបទបញ្ញត្តិពាក់ព័ន្ធនឹងវិស័យឡូជីស្ទីកជាដើម៕
ជីវប្រវត្តិ: បានបញ្ចប់ការសិក្សាថ្នាកអនុបណ្ឌិតផ្នែកប្រព័ន្ធផ្សព្វផ្សាយមកពីសហភាពសូវៀត និងមានបទពិសោធន៍ជាង ២០ឆ្នាំក្នុងវិស័យសារព័ត៌មាន។ បច្ចុប្បន្ន លោកជាអ្នកយកព័ត៌មានសេដ្ឋកិច្ចឱ្យសារព័ត៌មាន AMS Economy ។
របាយការណ៍ថ្មីៗ
មើលទាំងអស់ ➧
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
សមយុទ្ធត្រីភាគី បង្ហាញពីផែនការរយៈពេលវែងរបស់ក្រុងវ៉ាស៊ីនតោននៃការបង្កើត NATO អាស៊ី
ព្រឹត្តិការណ៍, អាជីវកម្មថ្មី និងនវានុវត្ត
• 11/09/2026
បរទេស ៖ ការធ្វើសមយុទ្ធយោធាជាបន្តបន្ទាប់រវាងសហរដ្ឋអាមេរិក កូរ៉េខាងត្បូង និងជប៉ុន បានបង្ហាញយ៉ាងច្បាស់ថា ទីក្រុងវ៉ាស៊ីនតោន កំពុងបន្តរុញច្រានផែនការយុទ្ធសាស្ត្ររយៈពេលវែងរបស់ខ្លួននៃការបង្រួបបង្រួមសម្ព័ន្ធមិត្តក្នុងតំបន់ឱ្យទៅជារចនាសម្ព័ន្ធនយោបាយយោធាដ៏រឹងមាំមួយ ដែលត្រូវបានគេមើលឃើញយ៉ាងទូលំទូលាយដែលមានគំរូដំណើរការដូចជាអង្គការ NATO ប៉ុន្តែនៅក្នុងតំបន់អាស៊ី។ នៅក្នុងអត្ថបទមួយដែលត្រូវបានសរសេរដោយអ្នកស្រាវជ្រាវដ៏ល្បី លោក Konstantin Asmolov នៅមជ្ឈមណ្ឌលស្រាវជ្រាវអំពីកូរ៉េ និងវិទ្យស្ថានជាតិរុស្ស៊ីនៃវិទ្យាសាស្ត្រ ត្រូវបានដកស្រង់មកចេញផ្សាយដោយកាសែតរុស្សី RT បានឲ្យដឹងថា
គ្រឹះស្ថានមីក្រូហិរញ្ញវត្ថុ អិលអូអិលស៊ី (ខេមបូឌា) ភីអិលស៊ី ទទួលបានការចុះបញ្ជីលក់សញ្ញាបណ្ណចីរភាពនៅផ្សារមូលបត្រកម្ពុជាជាផ្លូវការ
ព្រឹត្តិការណ៍, អត្ថបទពាណិជ្ជកម្ម
• 11/09/2026
ភ្នំពេញ ៖ នាព្រឹកថ្ងៃព្រហស្បតិ៍ ១៣រោច ខែស្រាពណ៍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១០ ខែកញ្ញា ឆ្នាំ២០២៦ ផ្សារមូលបត្រកម្ពុជា បានប្រារព្ធ “ពិធីចុះបញ្ជីលក់សញ្ញាបណ្ណចីរភាពជាផ្លូវការរបស់គ្រឹះស្ថានមីក្រូហិរញ្ញវត្ថុ អិលអូអិលស៊ី (ខេមបូឌា) ភីអិលស៊ី”ក្រោមអធិបតីភាពដ៏ខ្ពង់ខ្ពស់របស់ ឯកឧត្តមបណិ្ឌតសភាចារ្យ ហ៊ាន សាហ៊ីប
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content