សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ឆ្នាំ ២០២២ នេះកម្ពុជាបានក្លាយជាប្រធានសមាគមប្រជាជនអាស៊ីអាគ្នេយ៍ (អាស៊ាន-ASEAN) លើកទី៣ ដោយលើកទី១ ស្ថិតនៅឆ្នាំ ២០០២ លើកទី២ នៅឆ្នាំ២០១២ និងលើកទី៣នៅឆ្នាំ២០២២នេះ។
តើប្រធានអាស៊ានមានតួនាទី និងការទទួលខុសត្រូវអ្វីខ្លះ?
តាមការកំណត់របស់ធម្មនុញ្ញនៃសមាគមប្រជាជនអាស៊ីអាគ្នេយ៍ (ASEAN) បានបញ្ជាក់ថាប្រធានរបស់អាស៊ាន ត្រូវប្តូរវេនជារៀងរាល់ឆ្នាំ តាមលំដាប់អក្ខរក្រមនៃឈ្មោះជាភាសាអង់គ្លេសរបស់រដ្ឋសមាជិក។ សម្រាប់រដ្ឋដែលទទួលភារៈជាប្រធានអាស៊ាន ត្រូវធ្វើជាប្រធាននៃកិច្ចការទាំងឡាយដូចជា កិច្ចប្រជុំកំពូលអាស៊ាន និងកិច្ចប្រជុំពាក់ពា័ន្ធ ជាប្រធាននៃក្រុមប្រឹក្សាសម្របសម្រួលអាស៊ាន និងជាប្រធាននៃក្រុមប្រឹក្សាសហគមន៍អាស៊ានទាំងបី។ ឯកសារដ៏សំខាន់នេះក៏បានបញ្ជាក់ផងដែរថា រដ្ឋដែលជាប្រធានអាស៊ានក៏ត្រូវក្លាយជាប្រធាននៃអង្គភាពថ្នាក់រដ្ឋមន្ត្រីតាមជំនាញពាក់ព័ន្ធរបស់អាស៊ាន និងឧត្ដមមន្ត្រីតាមកាលសមស្រប រួមទាំងជាប្រធាននៃគណៈកម្មាធិការតំណាងអចិន្ត្រៃយ៍របស់អាស៊ានផងដែរ។
ចំពោះសកម្មភាព រួមទាំងភារៈកិច្ចសំខាន់ៗដែលកំណត់ដោយធម្មនុញ្ញអាស៊ាន បានកំណត់ថា រដ្ឋសមាជិកដែលទទួលធ្វើជាប្រធានអាស៊ានត្រូវលើកស្ទួយយ៉ាងសកម្ម និងធ្វើឱ្យប្រសើរឡើងនូវផលប្រយោជន៍ សុខុមាលភាពរបស់អាស៊ាន ការកសាងសហគមន៍តាមរយៈការផ្ដួចផ្ដើមគោលនយោបាយ ការសម្របសម្រួល កុងសង់ស៊ីស និងសហប្រតិបត្តិការ។ ប្រធានអាស៊ានក៏ត្រូវរក្សាភាពជាស្នូលរបស់អាស៊ាន ធានាការឆ្លើយតបដោយប្រសិទ្ធភាព និងទាន់ពេលចំពោះបញ្ហាបន្ទាន់ ឬសភាពការណ៍ដែលមានវិបត្តិប៉ះពាល់ដល់អាស៊ាន រួមទាំងជួយសម្រុះសម្រួលក៏ដូចជាការរៀបចំផ្សេងៗទៀតដើម្បីដោះស្រាយបញ្ហា។
បន្ថែមពីលើនេះ ប្រធានអាស៊ានក៏ជាតំណាងឱ្យអាស៊ានទាំងមូលក្នុងការពង្រឹង និងជំរុញទំនាក់ទំនងជិតស្និទ្ធជាមួយដៃគូក្រៅតំបន់ និងអនុវត្តកិច្ចការ រួមបញ្ចូលទាំងភារកិច្ចដទៃទៀតតាមអាណត្តិដែលទទួលបាន។
គួរបញ្ជាក់ដែរថា អាស៊ាន និងរដ្ឋសមាជិកត្រូវប្រកាន់ខ្ជាប់នូវពិធីការការទូតដែលមានស្រាប់ និងការប្រតិបត្តិក្នុងការរៀបចំសកម្មភាពដែលពាក់ព័ន្ធនឹងអាស៊ាន ហើយរាល់ការផ្លាស់ប្ដូរណាមួយត្រូវមានការយល់ព្រមពីក្រុមប្រឹក្សាសម្របសម្រួលអាស៊ាន តាមអនុសាសន៍របស់គណៈកម្មាធិការតំណាងអចិន្ត្រៃយ៍ផងដែរ៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
ជប៉ុន ដាក់មហិច្ឆតាដំណើរការឡានហោះពាណិជ្ជកម្មនៅឆ្នាំ២០២៨
ព្រឹត្តិការណ៍, អាជីវកម្មថ្មី និងនវានុវត្ត
• 19/06/2026
SkyDrive ដែលជាក្រុមហ៊ុនធុរកិច្ចបង្កើតថ្មី មានឯកទេសខាងផលិតឡានហោះរបស់ប្រទេសជប៉ុន បានដាក់មហិច្ឆតាបើកដំណើរការឡានហោះពាណិជ្ជកម្មជាផ្លូវការនៅឆ្នាំ២០២៨
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content