ភ្នំពេញ ៖ សូឡា ជាថាមពលមួយដែលគេអាចរាប់ថាជាថាមពលស្អាតមិនប៉ះពាល់ដល់បរិស្ថាន និងផ្ដល់នូវអត្ថប្រយោជន៍ច្រើន ថែមទាំងមានភាពងាយស្រួលក្នុងការទាញយកថាមពលពន្លឺថ្ងៃបំប្លែងជាអគ្គិសនីសម្រាប់ប្រើប្រាស់ផងដែរ។ ដើម្បីទទួលបាននូវផលប្រយោជន៍ទាំងនេះ អ្នកប្រើប្រាស់គួរពិភាក្សាជាមួយអ្នកជំនាញឱ្យបានច្បាស់លាស់ជាមុនសិន ចៀសវាងការខាតបង់ដោយប្រការណាមួយ។

កញ្ញា ជិន អុល អ្នកគ្រប់គ្រងក្រុមហ៊ុន Solar Green Energy Cambodia (SOGE Cambodia) បានបញ្ចប់ការសិក្សាផ្នែកអគ្គិសនី និងថាមពលនៅវិទ្យាស្ថានជាតិបច្ចេកទេសកម្ពុជា ឬហៅថា សាលាតិចណូ បានប្រាប់ AMS ថា ប្រជាជនដែលចង់ប្រើប្រាស់ប្រព័ន្ធសូឡានេះ គួរមានការស្វែងយល់ និងសិក្សាឱ្យបានច្បាស់លាស់ជាមួយអ្នកជំនាញពិតប្រាកដមុនពេលសម្រេចចិត្តទិញប្រើ បើមិនដូច្នោះទេ អាចនឹងទទួលបាននូវប្រព័ន្ធមួយឆាប់ខូចនឹងមិនសមស្របតាមលក្ខណៈបច្ចេកទេសនោះឡើយ។

កញ្ញា ជិន អុល បានបន្តថា ក្នុងករណីដែលបងប្អូនកំពុងប្រើប្រាស់ហើយមានបញ្ហាកើតឡើងដូចជាឆាប់អស់ថាមពលជាដើម គឺអាចសាកសួរទៅក្រុមហ៊ុនដើម្បីទទួលបានការជួសជុលបាន។ ម៉្យាងវិញទៀត បើបងប្អូនពិតជាចង់ប្រើប្រាស់ប្រព័ន្ធសូឡា គឺអាចសាកសួរបានតាមក្រុមហ៊ុននានា ដែលភាគច្រើនក៏ឃើញមាននៅតាមបណ្តាញសង្គម ដើម្បីបានយល់ច្បាស់ពីព័ត៌មានផ្សេងៗដែលពាក់ព័ន្ធទៅនឹងបច្ចេកទេស និងលក្ខខណ្ឌប្រើប្រាស់។

អ្នកបច្ចេកទេសអគ្គិសនីដែលមានស្រុកកំណើតនៅឃុំភ្នំលៀប ស្រុកព្រះនេតព្រះ ខេត្តបន្ទាយមានជ័យរូបនេះបានរៀបរាប់ពីអត្ថប្រយោជន៍នៃប្រព័ន្ធសូឡាថា ប្រព័ន្ធសូឡា ជាប្រព័ន្ធមួយដែលផ្ដល់ជាថាមពលកកើតឡើងវិញ គឺអាចកើតឡើងជារៀងរាល់ថ្ងៃ និងមិនចេះរីងស្ងួត ដោយសារវាបំប្លែងពន្លឺព្រះអាទិត្យ និងកម្ដៅទៅជាថាមពលអគ្គិសនីសម្រាប់ប្រើប្រាស់។ ម្យ៉ាងវិញទៀត សូឡាត្រូវបានគេរាប់ថាជាប្រព័ន្ធដែលមិនបញ្ចេញផ្សែងពុល ជាថាមពលស្អាត មានសុវត្ថិភាព មិនប៉ះពាល់ដល់បរិស្ថាន និងមានភាពងាយស្រួលក្នុងការដំឡើង ដែលអាចដំឡើងបានគ្រប់កន្លែងទាំងអស់មិនថានៅតំបន់ជិត ឆ្ងាយៗ ឬតាមកោះនោះឡើយ។
ជាមួយគ្នានេះដែរ កញ្ញា ជិន អុល ក៏បានលើកឡើងពីផលលំបាកដែរថា ៖
“សូឡាគឺល្អ តែបើអ្នកបច្ចេកទេសធ្វើឡើងមិនត្រឹមត្រូវ ប្រើប្រាស់ខុសគោលដៅ គឺធ្វើឱ្យអតិថិជនក៏ដូចជាអ្នកប្រើប្រាស់ពុំអាចប្រើប្រាស់បានតាមតម្រូវការ និងមានអាយុកាលប្រើប្រាស់ខ្លី។ កាលណាសូឡាខូចច្រើន វាហាក់បីដូចជាសំរាមនៅផ្ទះរបស់គាត់ ហើយប្រព័ន្ធសូឡានេះមានអាគុយ ប្រសិនបើការរៀបចំពុំត្រឹមត្រូវ អាគុយនេះអាចនឹងជះក្លិនក៏ដូចជាសារធាតុខាងក្នុងចេញមកក្រៅអាចប៉ះពាល់ដល់សុខភាព និងបរិស្ថាន”
ចំពោះអ្នកដែលចង់ដំឡើងនូវប្រព័ន្ធសូឡាដើម្បីទាញយកថាមពលអគ្គិសនីមកប្រើប្រាស់ គម្បីមានថវិកាអាចពី ៥០០ដុល្លារឡើងទៅ ពោលគឺអាស្រ័យទៅតាមទំហំដែលតម្រូវការប្រើប្រាស់ជាក់ស្ដែងក្នុងការរស់នៅ ឬក្នុងអាជីវកម្មជាដើម។
កញ្ញាបានបញ្ជាក់ថា ៖
“ទាក់ទងនឹងការប្រើប្រាស់សូឡានាពេលបច្ចុប្បន្ន យើងឃើញថា មានការប្រើប្រាស់ច្រើនទំហំ ដូចជាទំហំតូចគឺអំពូលនៅតាមដងផ្លូវនានាដែលស៊ីត្រឹម ២-៣ W (វ៉ាត់) ការប្រើប្រាស់តាមផ្ទះមានពី ១០០-១ ០០០W និងការប្រើប្រាស់ក្នុងអាជីវកម្ម ឬស្រែចំការអាចពី ៣ ០០០ – ៥ ០០០W ឬ ដល់ ១០ ០០០W អាស្រ័យលើទំហំប្រើប្រាស់របស់ពួកគាត់”
អ្នកជំនាញរូបនេះក៏បានរៀបរាប់ដែរថា ទីផ្សារសូឡានៅកម្ពុជានៅតែមានតម្រូវការជាប្រចាំពីសំណាក់ប្រជាជន ដោយសារតែកត្តាកំណើនប្រជាជន ក៏ដូចជាការអភិវឌ្ឍសំណង់នានា ប៉ុន្តែក៏វាអាចនឹងធ្លាក់ចុះបន្តិចវិញ បើអ្នកលក់គិតតែផលចំណេញពីការលក់ មិនបានគិតពីគុណភាពដែលធ្វើឱ្យប្រជាជនលែងចង់ប្រើសូឡាដោយសារឆាប់ខូច និងខាតបង់ថវិកា។ ហេតុនេះ ក្រុមហ៊ុនដែលជាអ្នកផ្គត់ផ្គង់សូឡា អ្នកបច្ចេកទេស គួរយកចិត្តទុកដាក់ជាមួយក្រុមជាង ក៏ដូចជាអ្នកទីផ្សារក្នុងការផ្ដល់ព័ត៌មាន ការដំឡើងប្រព័ន្ធសូឡាឱ្យបានត្រឹមត្រូវតាមបច្ចេកទេស ឬក៏អាចឈានដល់មានការបណ្ដុះបណ្ដាលឱ្យមានជាងជួសជុលនៅតាមភូមិអាចដោះស្រាយបញ្ហាបានភ្លាមៗ៕

ជីវប្រវត្តិ: ជានិស្សិតនៃសាលកវិទ្យាល័យភូមិន្ទភ្នំពេញ ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍។ បច្ចុប្បន្ន ជាអ្នករាយការណ៍ព័ត៌មាននៅ AMS Economy ។
របាយការណ៍ថ្មីៗ
មើលទាំងអស់ ➧
បណ្តាញផ្លូវដែកចិនបំបែកកំណត់ត្រាថ្មី ដោយមានអ្នកដំណើរជាង ៤ ពាន់លានដងក្នុងឆ្នាំ ២០២៦
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត, អាជីវកម្មថ្មី និងនវានុវត្ត
• 19/11/2026

CMG អញ្ជើញអ្នកសារព័ត៌មានកម្ពុជា និងអាស៊ានទៅស្វែងយល់ពីសក្តានុពលខេត្តហៃណាន
• 19/10/2026

បុគ្គល ៤ អាចជំនួសតំណែងលោក Zelensky ក្រោយលោក Trump ជំរុញការផ្លាស់ប្តូរនយោបាយអ៊ុយក្រែន
បទយកការណ៍, ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត
• 13/10/2026

កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026

ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026

អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
ក្រុមហ៊ុនបច្ចេកវិទ្យាអវកាសរបស់បារាំង Thales និងសាកលវិទ្យាល័យ ខេមតិច ចាប់ដៃគូស្វែងរកកិច្ចសហប្រតិបត្តិការលើការអប់រំ និងការស្រាវជ្រាវក្នុងវិស័យអវកាសនៅកម្ពុជា
ព្រឹត្តិការណ៍, អត្ថបទពាណិជ្ជកម្ម
• 20/11/2026
ភ្នំពេញ ៖ ក្រុមហ៊ុន «Thales» មកពីប្រទេសបារាំង និងសាកលវិទ្យាល័យ ខេមតិច (CamTech) បានចុះហត្ថលេខាលើអនុស្សរណៈនៃការយោគយល់គ្នា (MoU) នៅថ្ងៃទី ១៦ ខែវិច្ឆិកា ឆ្នាំ ២០២៦ ដើម្បីស្វែងរកកិច្ចសហប្រតិបត្តិការលើវិស័យអប់រំ និងការស្រាវជ្រាវផ្នែកអវកាស និងអាកាសចរណ៍។ កិច្ចព្រមព្រៀងនេះត្រូវបានចុះហត្ថលេខាដោយឧកញ៉ាវេជ្ជបណ្ឌិត ពុង

LOLC KHQR ផ្តល់ជូននូវភាពងាយស្រួល និងឱកាសឈ្នះរង្វាន់ទឹកប្រាក់ ១៦៨ ០០០ រៀល ដល់អាជីវករក្នុងឱកាសពិធីបុណ្យអុំទូកខាងមុខ!
ព្រឹត្តិការណ៍, អត្ថបទពាណិជ្ជកម្ម
• 20/11/2026
ពិធីបុណ្យអុំទូក បណ្តែតប្រទីប និងសំពះព្រះខែ អកអំបុក កាន់តែខិតជិតមកដល់ហើយ ដែលជាពេលវេលាដ៏មមាញឹកសម្រាប់អាជីវករនៅតាមតំបន់ដែលមានអ្នកធ្វើដំណើរច្រើន ជាពិសេសភោជនីយដ្ឋាន ឬអាហារដ្ឋានដែលលក់ម្ហូបអាហារ ហាងលក់ទំនិញ ឬសេវាកម្មនានា។ ជាមួយនឹងការកើនឡើងនៃចំនួនអតិថិជន អាជីវករក៏អាចប្រឈមនឹងបញ្ហាមួយចំនួនក្នុងការគ្រប់គ្រងការទូទាត់ ដូចជា ការទទួលសាច់ប្រាក់ ការរាប់ប្រាក់ ការរៀបចំប្រាក់អាប់ និងការកត់ត្រាប្រតិបត្តិការលក់ប្រចាំថ្ងៃ។ ដើម្បីជួយសម្រួលដល់បញ្ហាប្រឈមទាំងនេះ អិលអូអិលស៊ី សូមផ្តល់ជូននូវដំណោះស្រាយទូទាត់ឌីជីថលតាមរយៈ

អ្នកជំនាញអាមេរិក កោតសរសើរសន្ទុះនៃភាពរីកចម្រើនផ្នែក Fintech និងបរិយាកាសវិនិយោគនៅកម្ពុជា
ជំនួញ, ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត
• 20/11/2026
ភ្នំពេញ ៖ ក្រោយពេលបានមកទស្សនាប្រទេសកម្ពុជាចំនួន ៨ ដង ចាប់តាំងពីឆ្នាំ២០១២ លោក Mitch Pettit ភ្ញៀវទេសចរក៏ដូចជាអ្នកជំនួញជនជាតិអាមេរិក បានកោតសរសើរចំពោះភាពរីកចម្រើនឥតឈប់ឈររបស់កម្ពុជា ដោយសង្កត់ធ្ងន់ថា ក្រុមហ៊ុនបច្ចេកវិទ្យាហិរញ្ញវត្ថុថ្មីៗ (Fintech startups) សហគ្រិន ត្រួសត្រាយផ្លូវ និងការអភិវឌ្ឍហេដ្ឋារចនាសម្ព័ន្ធយ៉ាងឆាប់រហ័ស បានលេចចេញជារូបរាងឡើងជារៀងរាល់ឆ្នាំ។ ថ្លែងប្រាប់សារព័ត៌មាន

ទំហំពាណិជ្ជកម្មកម្ពុជា-អូស្ត្រាលី ហក់ឡើងជាង ៣.៥ពាន់លានដុល្លារនៅក្នុងរយៈពេលប៉ុន្មានឆ្នាំចុងក្រោយ
Top News, ព្រឹត្តិការណ៍, សេដ្ឋកិច្ច
• 19/11/2026
ភ្នំពេញ ៖ ពាណិជ្ជកម្មរវាងប្រទេសកម្ពុជា -អូស្ត្រាលី នាពេលបច្ចុប្បន្នបានកើនឡើងប្រមាណ ៣ដង គិតត្រឹមរយៈពេល ៥ ឆ្នាំចុងក្រោយនេះ ដែលកាន់តែបង្កើតឱកាសការងារជាច្រើនសម្រាប់ពលរដ្ឋក្នុងស្រុក ក៏ដូចជាអាជីវកម្មរបស់អូស្ត្រាលីផងដែរ។ យោងតាមរបាយការណ៍របស់ក្រសួងពាណិជ្ជកម្មបានបង្ហាញថា បច្ចុប្បន្ន ទំហំពាណិជ្ជកម្មសរុបរវាងកម្ពុជា និងអូស្ត្រាលី បានកើនឡើងលើសពី ៣ ០០០លានដុល្លារ គិតចាប់ពីឆ្នាំ២០២០ រហូតដល់ដំណាច់ខែតុលា

កាណាឌីយ៉ា អ៊ីមផេក ហ្វាន់ ចាប់ដៃគូជាមួយ Plug and Play APAC ដើម្បីតភ្ជាប់ក្រុមហ៊ុនធុរកិច្ចថ្មី របស់កម្ពុជា ទៅកាន់ឱកាសនានានៅលើឆាកអន្តរជាតិ
ព្រឹត្តិការណ៍, អត្ថបទពាណិជ្ជកម្ម
• 19/11/2026
ភ្នំពេញ ៖ កាណាឌីយ៉ា អ៊ីមផេក ហ្វាន់ (Canadia Impact Fund) បានចុះហត្ថលេខាលើអនុស្សរណៈនៃការយោគយល់គ្នា (MoU) ជាមួយក្រុមហ៊ុន Plug and Play APAC នៅក្នុងព្រឹត្តិការណ៍ហ្រ្វង់កូតិច (FrancoTech) 2026 ដែលបានរៀបចំឡើងនៅមជ្ឈមណ្ឌលតាំងពិព័រណ៍កោះពេជ្រ ក្នុងឱកាសនៃកិច្ចប្រជុំកំពូលហ្វ្រង់កូហ្វូនី





វិថីហិរញ្ញវត្ថុ






















































Account
Security
Favourite Content