ដាំទំពាំងបារាំង អាចទទួលបានផលច្រើនក្នុងរយៈពេលយូរ មានតម្លៃថ្លៃ និងមានទីផ្សារទូលាយ

បាត់ដំបង ៖ បច្ចុប្បន្ននេះ សម្រាប់ការប្រកបមុខរបរដោយដំណាំកសិកម្មរបស់បងប្អូនប្រជាកសិករនៅកម្ពុជាហាក់មានភាពច្នៃប្រឌិតខ្ពស់ និងមានការសិក្សាស្រាវជ្រាវច្រើនពីប្រភេទដំណាំផ្សេងៗដែលមានទីផ្សារល្អ ក្នុងនោះ ទំពាំងបារាំង ជាបន្លែមួយប្រភេទដែលមានតម្រូវការទីផ្សារខ្ពស់ មានតម្លៃថ្លៃ និងអាចទទួលបានផលពីការដាំដុះក្នុងរយៈពេលយូរ។

លោក ស៊ូ បុន្នី ជាម្ចាស់ចំការទំពាំងបារាំងស្ថិតនៅក្នុងស្រុករតនមណ្ឌល​ ខេត្តបាត់ដំបង បានមានប្រសាសន៍ទាក់ទនឹងការដាំដំណាំទំពាំងបារាំងថា សម្រាប់ការដាំដុះដំណាំទំពាំងបារាំ គឺមានភាពខុសប្លែកពីដំណាំដទៃដែលវាជាប្រភេទដំណាំអាចផ្តល់ផលបានច្រើនជាប្រចាំថ្ងៃ និងមានរយៈពេលយូរ។ និយាយជារួម គឺធ្វើការដាំដុះតែម្ដង ប៉ុន្តែអាចទទួលបានផលច្រើនដងប្រសិនបើការដាំដុះ ការមើលថែត្រូវបានធ្វើឡើងស្របតាមបច្ចេកទេសត្រឹមត្រូវ ខណៈដែលដំណាំប្រភេទនេះមានតម្លៃថ្លៃ។

លោកបន្តថា ៖

“ទីផ្សាររបស់ទំពាំងបារាំង គឺមានភាពទូលំទូលាយ មិនពិបាកលក់នោះទេ ទាំងតម្រូវការក្នុងស្រុក និងប្រទេសជិតខាង ដោយទីផ្សារក្នុងស្រុកយើងមានបោះដុំទៅខាងទីផ្សារខេត្តបាត់ដំបង សៀមរាប កំពង់ធំ ពោធិ៍សាត់ ព្រះសីហនុ ជាពិសេសគឺរាជធានីភ្នំពេញដែលគេទិញយកទៅលក់បន្តច្រើន។”

សម្រាប់តម្លៃនៅលើទីផ្សារត្រូវបានម្ចាស់ចំការរូបនេះបញ្ជាក់ថា ៖

“ទំពាំងបារាំង ១គីឡូក្រាមអាចលក់បានចន្លោះពី ១១ ០០០ ទៅ ១៣ ០០០រៀលអាស្រ័យតាមរដូវកាល។ បច្ចុប្បន្ន ចំការទំពាំងបារាំងយើងមានទំហំប្រមាណ ៤ហិកតា ដោយយើងអាចប្រមូលផលបានប្រមាណ ៧០-៨០គីឡូក្រាមក្នុងមួយថ្ងៃ សម្រាប់ដីមួយហិកតា។ ការប្រមូលផលនេះដែរ យើងអាចប្រមូលបានរៀងរាល់ថ្ងៃ ដែលអាចប៉ានស្មានបានថាក្នុងមួយខែអាចសល់បាន ៣០០០ដុល្លារ ហើយក្រោយពីការទូទាត់ថ្លៃឈ្នួលផ្សេងៗ ខណៈដែលចំការទំពាំងបារាំងមួយនេះក៏បានផ្តល់ការងារដល់កម្លាំងកម្មករមើលថែចំនួន៧នាក់។”

ពាក់ព័ន្ធនឹងការដាំដុះវិញ ត្រូវបានម្ចាស់ចំការរូបនេះបញ្ជាក់ឱ្យដឹងថា ជាដំបូងគេត្រូវការបណ្ដុះកូន ២ ទៅ ៣ខែសិន ដែលដីនៅទំនេរអាចដាំអ្វីផ្សេងទៀតបាន។ សម្រាប់ពូជនេះ គេបណ្ដុះទុកកាន់តែធំកាន់តែងាយដាំក្នុងរយៈពេលខ្លី ហើយគេអាចទុកប្រមាណ ២-៥ខែទើបអាចទទួលផលបាន ពោលគឺបន្ទាប់ពី ៧ខែ វាអាចដុះពន្លក និងកាត់លក់បាន ហើយអាយុទំពាំងអាចដល់ទៅ១៥-២០ឆ្នាំ។

ទាក់ទងនឹងបច្ចេកទេសដាំ គឺដំណាំប្រភេទនេះមិនរើសដីទេ តែមិនអាចឱ្យជាំទឹកទេចៀសវាងរលួយ។ ចំណែកកម្ដៅគឺត្រូវការកម្ដៅក្ដៅ ដោយសារវាជាពូជដែលបង្កាត់មកសម្រាប់តំបន់ត្រូពិច ហើយការដាំគេត្រូវការដីរាបស្មើ មុនដាំត្រូវការភ្ជូរដី និងបាចកំបោរជាមុនសិន រួចភ្ជួរដីលុបវិញ ទើបគេអាចរៀបប្រព័ន្ធទឹក និងចាប់ផ្ដើមដាំបាន។ សម្រាប់ការដាំ គេអាចដាំបាន ១៥ ០០០ កូន ក្នុង១ហិកតា ដោយគម្លាតពីកូនមួយទៅកូនមួយប្រមាណ ៥តឹក ។ ក្រៅពីនេះគេក៏មានធ្វើជាខ្សែរងដើម្បីទ្រដើមកុំឱ្យដួលដែលធ្វើឱ្យកម្មករពិបាកសម្អាតស្មៅ។ នេះជាបច្ចេកទេសមួយចំនួនដែលម្ចាស់ចំការខាងលើបានរៀបរាប់ប្រាប់។

គួរបញ្ជាក់ដែរថា លោក ស៊ូ បុន្នី បានចាប់ផ្ដើមដាំទំពាំងបារាំងនេះប្រមាណ៥ឆ្នាំមកហើយ ដោយដំបូងឡើយលោកដាំជាលក្ខណៈគ្រួសារលើដីទំហំ ១ហិកតា ដោយប្រើដើមទុនដំបូងប្រមាណ ៥០០០ដុល្លារ ចំណាយទៅលើថ្លៃពូជប្រមាណ ១០០០ដុល្លារ និងការចំណាយផ្សេងទៀតទៅលើការរៀបចំប្រព័ន្ធទឹកស្រោចស្រព។

ចំពោះកត្តាប្រឈមវិញ ដំបូងឡើយគឺពុំសូវមានអ្នកស្គាល់បន្លែប្រភេទនេះប៉ុន្មានទេ តែបច្ចុប្បន្នមានគេស្គាល់ច្រើន ហើយទីផ្សារក៏ល្អតាមនោះដែរ។ មួយវិញទៀតគឺបញ្ហាក្រោយពីមានការរីករាលដាលនៃជំងឺកូវីដ១៩ ដែលធ្វើ​ឱ្យថ្លៃឈ្នួលឡើងថ្លៃ ជីក៏ឡើងថ្លៃ ប្រេងក៏ឡើងថ្លៃ ធ្វើឱ្យការមើលថែមិនបានដិតដល់ដូចមុន។

យ៉ាងណាមិញ លោកនៅតែលើកទឹកចិត្តឱ្យកសិករដទៃទៀតដាំទំពាំងបារាំងនេះដែរ ដោយសារវាមានតម្រូវការខ្ពស់លើទីផ្សារ និងមានប្រយោជន៍​ចំពោះសុខភាព ហើយបងប្អូនណាដែលចង់សាកល្បងដាំ លោកក៏មានលក់ជាគ្រាប់ពូជ ថែមទាំងចែករំលែកបទពិសោធ បច្ចេកទេស និងមានទទួលទិញកសិផលមកវិញផងដែរ៕ 


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ចំណេះដឹងហិរញ្ញវត្ថុជាបំណិនជីវិតមួយជួយឱ្យប្រជាពលរដ្ឋសម្រេចចិត្តផ្នែកហិរញ្ញវត្ថុហិរញ្ញវបានត្រឹមត្រូវ

ព្រឹត្តិការណ៍, ហិរញ្ញវត្ថុ

• 20/06/2024

ស្របពេលចំណេះដឹងហិរញ្ញវត្ថុក្លាយជាកម្លាំងចលករមួយដ៏សំខាន់ក្នុងការជួយជំរុញឱ្យមានការប្រើប្រាស់សេវាហិរញ្ញវត្ថុផ្លូវការក្នុងចំណោមប្រជាពលរដ្ឋកម្ពុជា ដែលជាប្រភពទុនដ៏សមស្រប មានតម្លៃទាប ហានិភ័យទាបសម្រាប់យកទៅប្រើប្រាស់ក្នុងគោលដៅផ្សេងៗ ធនាគារជាតិនៃកម្ពុជា ក៏ដូចជាសមាគមហិរញ្ញវត្ថុនៅកម្ពុជាបាននិងកំពុងយកចិត្តទុកដាក់លើការលើកកម្ពស់ចំណេះដឹងហិរញ្ញវត្ថុ ដល់ក្រុមគោលដៅ និងសាធារណៈជនទូទៅ។

កម្មវិធី «វិថីហិរញ្ញវត្ថុ រដូវកាលទី២» ត្រូវបានបើកសម្ពោធដាក់ដំណើរការជាផ្លូវការហើយ

ព្រឹត្តិការណ៍, ហិរញ្ញវត្ថុ

• 20/06/2024

នៅព្រឹកថ្ងៃទី២០ ខែមិថុនា ឆ្នាំ២០២៤នេះ កម្មវិធី «វិថីហិរញ្ញវត្ថុ រដូវកាលទី២» ដែលផ្តួចផ្តើមផលិតឡើងដោយក្រុមហ៊ុន អប្សរា មេឌា សឺវីស AMS ត្រូវបានបើកសម្ពោធដាក់ដំណើរការជាផ្លូវការ

កម្ពុជា​-​សិង្ហបុរី ​ផ្តួចផ្តើម​ដាក់​ឱ្យ​ដំណើរការថ្នាល​ច្រក​របៀង​តម្លា​ភាព​ហិរញ្ញវត្ថុ​

ព្រឹត្តិការណ៍, សេដ្ឋកិច្ច

• 20/06/2024

កម្ពុជានិងសិង្ហបុរី បានដាក់ដំណើរការថ្នាលច្រករបៀងតម្លាភាពហិរញ្ញវត្ថុដែលគំនិតផ្តួចផ្តើមនេះជំរុញកំណើនពាណិជ្ជកម្ម និងសេវាកម្មហិរញ្ញវត្ថុពាក់ព័ន្ធ

លំអងឃ្មុំ ជាទិន្នផលបានពីការចិញ្ចឹមឃ្មុំមានគុណតម្លៃច្រើនសម្រាប់សុខភាព

ជំនួញ, ព្រឹត្តិការណ៍

• 20/06/2024

លំអងឃ្មុំ ជាទិន្នផលមួយបានពីការចិញ្ចឹមឃ្មុំ ក៏មិនខុសពីផលិតផលពីឃ្មុំដទៃទៀតដែរ ដែលមានតម្លៃថ្លៃ និងមានគុណប្រយោជន៍ច្រើនចំពោះសុខភាពអ្នកទទួលទាន។

អាកាស​យានដ្ឋានអន្តរជាតិតេជោ​ចាយអស់​ ១,១ពាន់លានដុល្លារ​អាមេរិកហើយ ខណៈ​រដ្ឋាភិបាល​កំពុង​អភិវឌ្ឍន៍​ហេដ្ឋារចនាសម្ព័ន្ធជុំវិញ​បន្ថែម

ព្រឹត្តិការណ៍, អចលនទ្រព្យ

• 20/06/2024

អាកាស​យានដ្ឋានអន្តរជាតិមរតកតេជោ​ចាយអស់​ ១,១ពាន់លានដុល្លារ​អាមេរិកហើយ ខណៈ​រដ្ឋាភិបាល​កំពុង​អភិវឌ្ឍន៍​ហេដ្ឋារចនាសម្ព័ន្ធជុំវិញ​បន្ថែម

ធនាគារពិភពលោកលើកឡើងពីបញ្ហាកំពុងកើតឡើង ៣ ដែលរារាំងដល់កំណើនសេដ្ឋកិច្ចសកល

ព្រឹត្តិការណ៍, សេដ្ឋកិច្ច

• 20/06/2024

ប្រធានសេដ្ឋវិទូរបស់ធនាគារពិភពលោកបានលើកឡើងថា កំណើនសេដ្ឋកិច្ចសកលហាក់ដូចជាកំពុងនៅលើផ្លូវឆ្ពោះទៅរកស្ថិរភាព ប៉ុន្តែពិភពលោកកំពុងប្រឈមនឹងហានិភ័យមួយចំនួន

ប្រធានាធិបតីរុស្ស៊ី Vladimir Putin បានធ្វើដំណើរទស្សនកិច្ចមកដល់ប្រទេសវៀតណាម

ព្រឹត្តិការណ៍, អាជីវកម្មថ្មី និងនវានុវត្ត

• 20/06/2024

កាលពីព្រឹកថ្ងៃព្រហស្បតិ៍នេះ យន្តហោះរបស់ប្រធានាធិបតីរុស្ស៊ី Vladimir Putin បានចុះចតនៅទីក្រុងហាណូយ ហើយវៀតណាមគឺជាគោលដៅចុងក្រោយរបស់គាត់ក្នុងដំណើរទស្សនកិច្ចនៅអាស៊ី

វេទិកា​ធុរកិច្ច​ កម្ពុជា​-​សិង្ហបុរី​​ នឹង​ជួយ​ជំរុញ​កិច្ច​សហប្រតិបត្តិការទ្វេភាគី និងបង្កើត​ភាពជា​ដៃគូ​យូរអង្វែង​នៅ​ក្នុង​វិ​ស័​យ​សំខាន់​ៗ

ព្រឹត្តិការណ៍, សេដ្ឋកិច្ច

• 19/06/2024

សភា​ពាណិជ្ជកម្ម​កម្ពុជា​ ​និង​សហ​ព័ន្ធ​ធុរកិច្ច​សិង្ហបុរី​ ​បាន​សហការ​គ្នា​រៀបចំ​វេទិកា​ធុរកិច្ច​កម្ពុជា​-​សិង្ហបុរី​ ​ដែល​បាន​ប្រព្រឹត្តទៅ​នៅ​ថ្ងៃ​ទី​១​៩​ ​ខែ​មិថុនា​ ​នៅ​សណ្ឋាគារ​ ​Co​nr​a​d​ ​Cent​e​nn​i​a​l​ ​Singapore

អាហារសម្រន់ប្រភេទថ្មី មានទាំងរសជាតិឆ្ងាញ់ ផ្តល់គុណតម្លៃដល់សុខភាព និងរួមចំណែកជួយដល់ជីវភាពកសិករក្នុងតំបន់

ជំនួញ, ព្រឹត្តិការណ៍

• 19/06/2024

ថ្មីៗនេះ Sabara Best Food បានចេញលក់នូវផលិតផលអាហារសម្រន់ថ្មីបីមុខ ដែលមានរសជាតិថ្មី ប្លែកមាត់ខុសពីគេ និងចូលរួមជួយដល់ជីវភាពកសិករកាន់តែច្រើន។

រដ្ឋមន្រ្តីកសិកម្ម កៀរគរកសិករឱ្យចងក្រងជាសហគមន៍កសិកម្មទំនើប ដើម្បីទទួលបានផលចំណេញច្រើន ហើយផ្សារភ្ជាប់ទៅកាន់ទីផ្សារ

ព្រឹត្តិការណ៍, សេដ្ឋកិច្ច

• 19/06/2024

ឯកឧត្តម ឌិតទីណា បានចុះជួបសំណេះសំណាលជាមួយប្រជាកសិករជាសមាជិកសហគមន៍ដាំបន្លែនៅខេត្តតាកែវ ក្នុងបំណងកៀរគរកសិករឱ្យចងក្រងជា «សហគមន៍កសិកម្មទំនើប»