សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានថ្លែងនៅក្នុងពិធីប្រគល់សញ្ញាបត្រជូននិស្សិតនៃសាកលវិទ្យាល័យបៀលប្រាយនៅព្រឹកថ្ងៃទី១៦ មីនា ២០២៣នេះ ឱ្យដឹងថា សហគ្រិនវ័យក្មេងនៅក្នុងប្រទេសកម្ពុជានាពេលបច្ចុប្បន្ននេះ បានបង្កើតឱកាសការងារ និងអាជីវកម្មផ្ទាល់របស់ខ្លួនរបស់ពួកគេកាន់តែច្រើន។
សម្ដេចតេជោមានប្រសាសន៍បន្តថា និស្សិត ដែលចេញពីសាកលវិទ្យាល័យនានាក្នុងមួយឆ្នាំៗមិនបានទៅធ្វើការ ដើម្បីទទួលបានប្រាក់ខែទេ តែគេបានទៅបង្កើតអាជីវកម្មបង្កើតជាសហគ្រាស ដើម្បីផ្ដល់ឱកាសការងារដល់ប្រជាពលរដ្ឋកម្ពុជាជាច្រើន ហើយសហគ្រិនខ្លះគេបានបង្កើតសហគ្រាស ឬអាជីវកម្មតាំងពីមុនគេចូលរៀនម្ល៉េះ ហើយបន្ទាប់មកគេក៏ចូលរៀនបន្ថែម ដើម្បីពង្រឹងនូវអាជីវកម្មរបស់ពួកគេបន្ថែមទៀត។
សម្ដេចតេជោបានបន្ថែមថា ការសិក្សារៀនសូត្រវាមិនចេះចប់នោះទេ សហគ្រិន គេមានសហគ្រាស មានអាជីវកម្មហើយ តែគេនៅតែបន្តសិក្សារៀនសូត្រ ដើម្បីយកបទពិសោធន៍ថ្មីៗ ចំណេះដឹងថ្មី ដើម្បីអភិវឌ្ឍន៍អាជីវកម្មឱ្យកាន់តែរីកចម្រើនបន្តបន្ទាប់ទៀត។
ឯកឧត្តម វង្សី វិស្សុត រដ្ឋមន្ត្រី ប្រតិភូអមនាយករដ្ឋមន្ត្រី និងជារដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ បានមានប្រសាសន៍កន្លងមកថា សហគ្រិនភាពនៅក្នុងប្រទេសកម្ពុជា មានន័យថា ចំនួនអ្នកបង្កើតអាជីវកម្មបានកើនឡើងជាបន្តបន្ទាប់ ហើយពួកគេក៏ត្រូវការជួយពីរាជរដ្ឋាភិបាល និងភាគីពាក់ព័ន្ធ ដើម្បិដឹកនាំអាជីវកម្មរបសពួកគេកាន់តែរឹងមាំនិងរីកចម្រើនដែរ។
ឯកឧត្តមបន្តថា ការកើនឡើងនៃវិស័យសហគ្រិនភាពនៅកម្ពុជាបានជួយសេដ្ឋកិច្ចកម្ពុជាកាន់តែប្រសើរ និងជួយផ្ដល់ឱកាសការងារដល់ប្រជាពលរដ្ឋក្នុងស្រុកកាន់តែច្រើន និងអាចរកប្រាក់ចំណូលសម្រាប់ផ្គត់ផ្គង់គ្រួសារផងដែរ ៕
Account
Security
Favourite Content