មុខរបរកង្កែបបោប ងាយៗប៉ុន្តែរកចំណូលបានខ្ទង់រយដុល្លារក្នុងមួយថ្ងៃ

ភ្នំពេញ ៖ គ្រាន់តែនិយាយដល់មុខម្ហូប «កង្កែបបោប» គេជឿថាមានមនុស្សជាច្រើននាក់ណាស់ដែលឃ្លាន និងចង់សាករហូតចង់ស្រក់ទឹកមាត់ ដោយនឹកឃើញដល់រូបរាងធាត់ៗ ប៉ោងៗ ក្លិនឈ្ងុយ និងមានរសជាតិសាច់កង្កែបលាយជាមួយគ្រឿងផ្សំជាច្រើនមុខដែលគេញាត់ចូលក្នុងពោះកង្កែប ហើយដាក់អាំងនៅលើភ្លើងក្ដៅៗ។ អាស្រ័យដោយភាពទាក់កទាញនៃរសជាតិ និងមានប្រជាប្រិយភាពបែបនេះហើយ ទើបធ្វើឱ្យមុខរបរលក់កង្កែបបោបនេះអាចរកចំណូលចូលគ្រួសារប្រចាំថ្ងៃបានយ៉ាងប្រសើររហូតដល់ខ្ទង់រយដុល្លារក្នុងមួយថ្ងៃ។

មានទីតាំងនៅម្ដុំរមណីយដ្ឋានកៀនស្វាយក្រៅ ស្រុកកៀនស្វាយ ខេត្តកណ្តាល ក្បែរផ្លូវជាតិលេខ១ ជាយរាជធានីភ្នំពេញ កង្កែបបោប ៣១០ ជាយីហោមួយដ៏មានប្រជាប្រិយភាព និងទទួលបានការគាំទ្រពីសំណាក់ទេសចរក្នុងស្រុក ក៏ដូចជាបរទេសដែលនិយមទទួលទានមុខម្ហូបកង្កែបបោប ហើយអាចរកបានចំណូលពីការលក់ជិត១លានរៀលក្នុងមួយថ្ងៃ ជាពិសេសនៅថ្ងៃសម្រាកចុងសប្ដាហ៍។

លោក ទីន សុផានី ជាម្ចាស់យីហោ កង្កែបបោប ៣១០ បានមានប្រសាសន៍ប្រាប់ AMS ថា ៖

” ខ្ញុំលក់កង្កែបបោបចូលជិត ៥ឆ្នាំហើយ ដោយការលក់កង្កែបបោបនេះ ផាត់ថ្លៃបុគ្គលិក ថ្លៃចំណាយទៅលើវត្ថុធាតុដើមដែលជាគ្រឿងផ្សំរួចរាល់ គឺអាចចំណេញគួរសម ហើយជីវភាពក៏បានធូរធាជាងមុនឆ្ងាយច្រើនដែរ”

លោកបន្តថា ក្រៅពីនៅតំបន់រមណីយដ្ឋានកៀនស្វាយក្រៅ លោកក៏មានបើកសាខាមួយចំនួនទៀតផងដែរ ហើយរក្សាបាននូវរូបមន្តដើម ក៏ដូចជារសជាតិផ្ទាល់ខ្លួនទៀតផង។ ដោយឡែកទាក់ទងនឹងចំណូលប្រចាំថ្ងៃវិញ លោក សុផានី បានរៀបរាប់ថា ចំពោះសាខានៅភ្នំពេញអាចរកបានពី ៣០-៤០ ដុល្លារក្នុងមួយថ្ងៃ ឯនៅរមណីយដ្ឋានវិញលក់តែថ្ងៃចុងសប្ដាហ៍ ហើយអាចរកបានពី ១-២ លានរៀលផងដែរ។

មុខម្ហូបដែលជ្រកនៅក្រោមស្លាកកង្កែបបោប ៣១០ ខាងលើនេះ ត្រូវបានគេលក់នៅលើទីផ្សារទូទៅក្នុងតម្លៃ ៤ ០០០ រៀលក្នុងមួយក្បាល ឬ ៨ ០០០ក្នុងមួយចង្កាក់។ ម្ចាស់អាជីវកម្មខាងលើ បន្ថែមទៀតថា ក្រៅពីអាំងលក់ភ្លាមៗនៅរមណីយដ្ឋានកៀនស្វាយក្រៅហើយ អតិថិជនរបស់លោកក៏មានធ្វើការកម្ម៉ង់ទិញនៅសាខាក្រុងភ្នំពេញ ក៏ដូចជាកម្ម៉ង់កង្កែបឆៅយកទៅចម្អិនដោយខ្លួនឯងផងដែរ។ លោកថា កាលពីមុនសម្រាប់កង្កែបដែលត្រូវយកមកច្នៃធ្វើជាកង្កែបបោបនេះគឺលោកចិញ្ចឹមដោយខ្លួនឯង តែបច្ចុប្បន្នពុំអាចផ្គត់ផ្គង់ទាន់ លោកក៏ធ្វើការទិញពីក្នុងភូមិ និងទិញបន្តមកពីខាងច្បាអំពៅ។ ចំពោះកង្កែបបោប ៣១០ នេះគឺគាត់ធ្វើភ្លាមៗ និងដាក់អាំងជូនអតិថិជនភ្លាមៗ តែចំពោះអ្នកកម្ម៉ង់ទុក គាត់ក៏អាចធ្វើទុកពីល្ងាចឱ្យផងដែរ។

ពាក់ព័ន្ធនឹងរបៀបធ្វើ ទម្រាំសម្រេចបានជាកង្កែបបោបមានរសជាតិឈ្ងុយឆ្ងាញ់ គេត្រូវយកកង្កែបមកកាត់ដៃ កាត់ជើង កាត់ក្បាលចេញ និងលាងសម្អាតឱ្យបានស្អាតល្អ។ បន្ទាប់មកគេយកគ្រឿងមកញាត់ក្នុងស្បែកពោះកង្កែបទាំងនោះ ហើយប្រឡាក់គ្រឿងម្ដងទៀត ទើបគេយកទៅដាក់ត្បុត ឬកៀប ទើបដាក់អាំងឱ្យឆ្អិនជាការស្រេច។ ជាធម្មជាសម្រាប់កម្លាំងក្នុងការរៀបចំផ្សំគ្រឿង និងចម្អិន លោកមានគ្នាពីរនាក់សម្រាប់ជួយធ្វើ ប៉ុន្តែបើមានការកម្ម៉ង់ច្រើន លោករកមនុស្សបន្ថែមប្រមាណពីរនាក់បន្ថែមទៀតទើបធ្វើទាន់។

ចំពោះវត្ថុធាតុដើមដែលជាគ្រឿងផ្សំសម្រាប់ញាត់បញ្ចូលក្នុងពោះកង្កែបវិញត្រូវបានលោកបញ្ជាក់ថា ក្រៅពីធាតុផ្សំរួមមានដូចជាសាច់កង្កែបស្រស់ គឺនៅមានសាច់ជ្រូក៣ជាន់ សណ្ដែកដីលីង(បុក) គល់ស្លឹកគ្រៃបុក ម្ទេសចិញ្ច្រាំ មីសួរ រំដេង ល្មៀត និងគ្រឿងផ្សំរសជាតិ ដូចជាអំបិល ទឹកត្រី ស្ក ប៊ីចេង ផងដែរ។

គួរបញ្ជាក់ដែរថា លោក បានចាប់ផ្ដើមអាជីវកម្មនេះក្នុងដើមទុនប្រមាណ ១០០០ដុល្លាទៅលើការរៀបចំទិញឥវ៉ាន់ និងជួលទីតាំងជាដើម។ លោកបន្តថា កាលដើមឡើយ លោកក៏បានជួបបញ្ហាផងដែរដោយសារ ទើបបើកដំបូងពុំទាន់មានគេស្គាល់ ដូច្នេះត្រូវខាតប្រមាណពីរខែ។ ចំណែកពេលអនាគត លោក សុផានី មានគម្រោងចង់ពង្រីកទីផ្សារកង្កែបបោបឱ្យមានសាខាកាន់តែច្រើនបន្ថែមទៀត ដូចជានៅផ្សារថ្មី និងវត្តបទុមផងដែរ។ ម្ចាស់ហាងខាងលើ ក៏សូមអរគុណដល់អតិថិជនដែលតែងតែគាំទ្រ និងជួយទិញកង្កែបបោបរបស់លោកកន្លងមក៕

កញ្ញា ម៉ាន់ ហ៊ុយលាង | Ms. Mann Huyleang

ជីវប្រវត្តិ: ជានិស្សិតនៃសាលកវិទ្យាល័យភូមិន្ទភ្នំពេញ ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍។ បច្ចុប្បន្ន ជាអ្នករាយការណ៍ព័ត៌មាននៅ AMS Economy ។

របាយការណ៍ថ្មីៗ

មើលទាំងអស់ ➧

អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ

បទយកការណ៍, ហិរញ្ញវត្ថុ

• 09/04/2026

អ្នកជំនាញឌីជីថល លើកទឹកចិត្តឱ្យប្រើអ៊ីនធឺណិតផ្ទាល់ខ្លួន ដើម្បីមានសុវត្ថិភាពជាងការប្រើ Wifi សាធារណៈ

បទយកការណ៍, ហិរញ្ញវត្ថុ

• 10/03/2026

អ្នកជំនាញ ណែនាំឱ្យចេះសន្សំប្រាក់ដើម្បីត្រៀមបង្កាទុកដោះស្រាយបញ្ហាដែលអាចកើតមានជាយថាហេតុ

បទយកការណ៍, ហិរញ្ញវត្ថុ

• 16/02/2026

ការដាំបន្លែជាលក្ខណៈគ្រួសារ ទទួលបានបន្លែសុវត្ថិភាពសម្រាប់ទទួលទានផង និងអាចរកចំណូលបានទៀត

ជំនួញ, បទយកការណ៍

• 20/11/2025

ចំណេះដឹងកសិកម្ម ៖ ងាយៗបច្ចេកទេសផលិតស្កររងូ សម្រាប់ផលិតមេជី និងមេចំណីសត្វ

ជំនួញ, បទយកការណ៍

• 19/11/2025

ដាំស្លឹកគ្រៃ លក់បានទាំងដើម ហើយយកស្លឹកចម្រាញ់ប្រេងលក់បានទៀត

ជំនួញ, បទយកការណ៍

• 18/11/2025

ស្វែងយល់ពីបច្ចេកទេសងាយៗក្នុងការផលិតថ្នាំពុលធម្មជាតិសម្រាប់ការពារដំណាំយកស្លឹកពីសត្វល្អិត

ជំនួញ, បទយកការណ៍

• 17/11/2025

Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជន

បទយកការណ៍, អាជីវកម្មថ្មី និងនវានុវត្ត

• 16/10/2024

អាជីវកម្មយកសំបុកត្រចៀកកាំក្នុងស្រុកកំពុងមានទីផ្សារ

ជំនួញ, បទយកការណ៍

• 15/12/2023

ព័ត៌មានទូទៅ

មើលទាំងអស់ ➧

KNN GROUP របស់អ្នកឧកញ៉ា ជាម ឃុនណាត វិនិយោគរោងចក្រដំឡើងរថយន្តនៅខេត្តកណ្តាល

ព្រឹត្តិការណ៍, អត្ថបទពាណិជ្ជកម្ម

• 27/07/2026

ដោយសារការជឿជាក់យ៉ាងមុតមាំបំផុត ទៅលើ រាជរដ្ឋាភិបាល ដែលដឹកនាំដោយ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ប្រកបដោយចក្ខុវិស័យវែងឆ្ងាយ KNN GROUP សម្រេចចិត្តវិនិយោគបង្កើតរោងចក្រតម្លើងរថយន្តចំនួនទឹកប្រាក់២៨ លានដុល្លាសហរដ្ឋអាមេរិក

អ៊ុយក្រែន យល់ព្រមនាំចេញយន្តហោះដ្រូនទៅ អាមេរិក

ព្រឹត្តិការណ៍, អាជីវកម្មថ្មី និងនវានុវត្ត

• 24/07/2026

ប្រទេសអ៊ុយក្រែនបានយល់ព្រមនាំចេញយន្តហោះដ្រូនទៅកាន់សហរដ្ឋអាមេរិក ដើម្បីចូលរួមក្នុងកម្មវិធីប្រកួតប្រជែង “Drone Dominance” របស់មន្ទីរបញ្ចកោណ

កូរ៉េខាងត្បូង គ្រោងលុបគោលនយោបាយ «រំសាយអាវុធនុយក្លេអ៊ែរ» បើកផ្លូវចរចាជាមួយ កូរ៉េខាងជើង

ព្រឹត្តិការណ៍, អាជីវកម្មថ្មី និងនវានុវត្ត

• 24/07/2026

ប្រទេសកូរ៉េខាងត្បូងគ្រោងបោះបង់ចោលគោលនយោបាយ «លុបបំបាត់អាវុធនុយក្លេអ៊ែរ» ដោយបង្វែរមកអនុវត្តយុទ្ធសាស្រ្ត «គិតសន្តិភាពជាធំ» ដើម្បីបើកផ្លូវចរចាជាមួយកូរ៉េខាងជើងសាជាថ្មី ក្នុងគោលបំណងធ្វើឱ្យឧបទ្វីបកូរ៉េគ្មានអាវុធប្រល័យលោក

កម្ពុជានាំចូលមេគោពូជជាង ២០០ ក្បាលពីអូស្រ្តាលី ដើម្បីបង្កើនការផ្គត់ផ្គង់ទឹកដោះគោក្នុងស្រុក

ព្រឹត្តិការណ៍, សេដ្ឋកិច្ច

• 24/07/2026

ក្រុមហ៊ុនគីរីសួគ៍ (Kirisu Farm) ដែលគេដឹងថា ជាកសិដ្ឋានចិញ្ចឹមគោយកទឹកដោះដ៏ធំមួយនៅកម្ពុជា បាននាំចូលមេគោពូជ ២២០ ក្បាល បន្ថែមទៀតពីប្រទេសអូស្រ្តាលី ក្នុងផែនការផលិតទឹកដោះគោស្រស់ឱ្យបានបរិមាណកាន់តែច្រើនសម្រាប់ផ្គង់ផ្គង់លើទីផ្សារក្នុងប្រទេស

ចលនាពហិការទំនិញថៃរបស់ពលរដ្ឋខ្មែរមិនថមថយឡើយ

ជំនួញ, ព្រឹត្តិការណ៍

• 24/07/2026

អស់រយៈពេលមួយឆ្នាំហើយ ការពហិការទំនិញថៃបានបង្ហាញប្រសិទ្ធផលយ៉ាងល្អ ជាមួយការបិទទ្វាររបស់ក្រុមហ៊ុនថៃនៅកម្ពុជាជាបន្តបន្ទាប់ និងការកើនឡើងនៃប្រជាប្រិយភាពរបស់ទំនិញក្នុងស្រុក

ការជំរុញទេសចរណ៍ក្នុងស្រុក ជួយទ្រទ្រង់ដល់សេដ្ឋកិច្ចជាតិ និងលើកកម្ពស់ជីវភាពប្រជាពលរដ្ឋ

ព្រឹត្តិការណ៍, សេដ្ឋកិច្ច

• 24/07/2026

ការជំរុញទេសចរណ៍ក្នុងស្រុក គឺជាសសរស្តម្ភដ៏មានសារៈសំខាន់មួយក្នុងការជួយទ្រទ្រង់សេដ្ឋកិច្ចជាតិ និងពង្រឹងភាពធន់វិស័យទេសចរណ៍កម្ពុជា

ឯកឧត្តមបណ្ឌិត កៅ ថាច ៖ ការធ្វើកសិកម្មមានប្រសិទ្ធភាព អាចបង្កើនប្រាក់ចំណូល និងលើកកម្ពស់សេដ្ឋកិច្ចគ្រួសារ

ព្រឹត្តិការណ៍, ហិរញ្ញវត្ថុ

• 24/07/2026

ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាល ទទួលបន្ទុកជាអគ្គនាយកធនាគារអភិវឌ្ឍន៍ជនបទ និងកសិកម្ម (ARDB) និងជាប្រធានសមាគមបណ្តាញកសិករតេជោ បានលើកឡើងថា ការធ្វើកសិកម្មមានប្រសិទ្ធភាព អាចបង្កើនប្រាក់ចំណូល និងលើកកម្ពស់សេដ្ឋកិច្ចគ្រួសារ

អាម៉េរិក កំណត់ពន្ធគយ ១០% លើទំនិញនាំចូលពីកម្ពុជា ប៉ុន្តែលើកលែងលើទំនិញគ្រាប់ស្វាយចន្ទី និងសម្លៀកបំពាក់

Top News, ព្រឹត្តិការណ៍, សេដ្ឋកិច្ច

• 24/07/2026

អាម៉េរិកសម្រេចកំណត់ពន្ធគយ ១០% លើទំនិញនាំចូលពីកម្ពុជាក្រោមមាត្រា៣០១ ប៉ុន្តែផ្តល់ការលើកលែងលើទំនិញគ្រាប់ស្វាយចន្ទី និងសម្លៀកបំពាក់

រដ្ឋបាល Trump ជំរុញឱ្យអារ៉ាប៊ីសាអូឌីត ទទួលស្គាល់អ៊ីស្រាអែល ដើម្បីអាចទទួលបានបច្ចេកវិទ្យានុយក្លេអ៊ែរពីអាមេរិក

ព្រឹត្តិការណ៍, អាជីវកម្មថ្មី និងនវានុវត្ត

• 24/07/2026

កិច្ចព្រមព្រៀងជាប្រវត្តិសាស្ត្រក្នុងការផ្តល់បច្ចេកវិទ្យានុយក្លេអ៊ែរស៊ីវិលអាមេរិក ទៅឱ្យអារ៉ាប៊ីសាអូឌីត នឹងត្រូវផ្អែកលើលក្ខខណ្ឌដ៏តឹងរ៉ឹងមួយ ហើយ រដ្ឋាភិបាលទីក្រុងរីយ៉ាត នៃប្រទេសអារ៉ាប៊ីសាអូឌីត ចាំបាច់ត្រូវតែទទួលស្គាល់អ៊ីស្រាអែលជាផ្លូវការ