សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
សៀមរាប ៖ រហូតមកទល់នឹងពេលបច្ចុប្បន្ននេះ សកម្មភាពជួសជុលក្លោងទ្វារខាងត្បូងនៃប្រាសាទព្រះបរមរាជវាំអង្គរធំ(វាំងចាស់) ដែលដឹកនាំដោយក្រុមវិស្វករជនជាតិចិន បាន និងកំពុងដំណើការទៅមុខបានប្រមាណជាង៣០%ហើយ បន្ទាប់ពីទទួលបានកញ្ចប់ជំនួយសម្រាប់ជួលជុលប្រសាទបុរាណពីរដ្ឋាភិបាលចិនកាលពីពេលកន្លងទៅ។
លោក ហ៊ត់ បូ ក្រុមការងារជួសជុល និងអភិរក្សប្រាសាទ ដែលបានចូលរួលជួសជុលជាមួយក្រុមវិស្វករជនជាតិចិន បានលើកឡើងថា សកម្មភាពជួសជុលប្រសាទបុរាណបានបន្តទៅមុខជាលំដាប់ពីមួយថ្ងៃទៅមួយថ្ងៃ បន្ទាប់ពីរដ្ឋាភិបាលចិន បានទម្លាក់កញ្ចប់ជំនួយថវិកាសម្រាប់ជួសជុលប្រាសាទចំនួន ៣ រួមមាន ១.ព្រះបរមរាជវាំងអង្គធំ (វាំងចាស់) ២.ប្រាសាទចៅសាយទេវតា និង ៣.ប្រាសាទតាកែវ។
ចំណែកសកម្មភាពជួសជុសធ្វើឡើងស្រដៀងនឹងការសាងសង់ប្រាសាទរបស់បុរព្ឋបុរសសម័យមុន ពោលគឺយកដែកទាមដុំថ្មឱ្យជាប់គ្នាពីថ្មមួយទៅថ្មមួយ រួចចាក់កាវបិទភ្ជាប់គ្នា ដោយមិនមានឃើញស្នាម និងមិនបូកស៊ីម៉ង់ត៍ដើម្បីបិទភ្ជាប់គ្នាដូចសំណង់អាគារបច្ចុប្បន្ននេះឡើយ ហើយទោះជាមិនដូច១០០% ក៏ស្រដៀងគ្នាអាចទទួលយកបានដែរ។
គួរបញ្ជាក់ថា គម្រោងជួសជុលព្រះបរមរាជវាំងអង្គរធំ គ្រោងចំណាយពេល១០ឆ្នាំ ពីឆ្នាំ២០១៩ ដល់ឆ្នាំ២០២៩ ប្រើប្រាស់ថវិកាចំនួន៩០លានយន់។ ចំណែកប្រាសាទតាកែវបានចាប់ផ្តើមជួសជុលក្នុងឆ្នាំ២០១១ និងបញ្ចប់នៅឆ្នាំ២០១៨ ដោយប្រើប្រាស់ថវិកាអស់ចំនួន ៤០លានយន់ ជាគម្រោងទី២ ហើយសម្រាប់ការជួយជួសជុលប្រាសាទនៅក្នុងតំបន់នៃរមណីយដ្ឋានអង្គរដែលជាគម្រោងទី១ គឺការជួយជួសជុល និងអភិរក្សប្រាសាទចៅសាយទេវតា ដែលបានចាប់ផ្តើមជួសជុលក្នុងឆ្នាំ២០០០ បញ្ចប់ក្នុងឆ្នាំ២០០៨ ប្រើប្រាស់ថវិកាចំនួន ១៤លានយន់ ដែលជាជំនួយរដ្ឋាភិបាលចិន។
គម្រោងជួសជុលប្រាសាទខាងលើ គឺដើម្បីចូលរួមអភិរក្ស និងថែរក្សាសម្បត្តិវប្បធម៌របស់មនុស្សជាតិនៅក្រោមក្របខណ្ឌរបស់អង្គការ UNESCO ហើយជំនួយនេះនឹងផ្ដល់ប្រយោជន៍ជាច្រើនដល់កម្ពុជា ក៏ដូចជាពង្រឹងកិច្ចសហប្រតិបត្តិការរវាងចិន និងកម្ពុជា សម្រាប់ការផ្លាស់ប្ដូរគ្នានូវអារ្យធម៌របស់ប្រទេសនៅក្នុងពិភពលោកផងដែរ៕
Account
Security
Favourite Content