សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
មៀន ជាប្រភេទផ្លែឈើម្យ៉ាងដែលបងប្អូនខ្មែរយើងនិយមទទួលទាន ព្រោះវាមានរសជាតិផ្អែមឆ្ងាញ់ ក្លិនក្រអូបឈ្ងុយ សម្បូរជាតិទឹក ហើយវាក៏ជាផ្លែឈើដែលគេតែងតែនិយមយកទៅរៀបចំដាក់សែនប្រេនផងដែរ។ ហេតុនេះហើយ ផ្លែមៀន តែងមានតម្រូវការទីផ្សារខ្ពស់ តម្លៃសមរម្យ កំពុងមានតម្រូវការទីផ្សារខ្ពស់ ជាពិសេសនៅរដូវបុណ្យចូលឆ្នាំប្រពៃណីចិន-វៀតណាមខាងមុខនេះ។
អ្នកស្រី កិន រ៉ៃ ជាម្ចាស់ចំការមៀនលក្ខណៈគ្រួសារមួយស្ថិតនៅភូមិកោះក្របី បានមានប្រសាសន៍ថា ៖
«សម្រាប់មៀនខ្មែរយើងមានរសជាតិឆ្ងាញ់ សាច់ក្រាស់ ហើយយើងដាំដោយធម្មជាតិ អត់មានបង្ខំដោយប្រើថ្នាំអ្វីនោះទេ ឱ្យតែមៀនចាប់ផ្ដើមទុំ តែងតែមានអ្នកមកទិញជារឿយៗ កាច់លក់ឱ្យគេ មិនថាអ្នកក្នុងតំបន់ អ្នកដំណើរឆ្លងកាត់ អ្នកទិញបន្តយកទៅលក់នៅថ្ងៃសីល ឬក៏កម្ម៉ង់សម្រាប់ទុកសែននោះទេ គឺលក់ដាច់អស់ៗ ក្នុងតម្លៃគ្រាន់បើដែរ»។
អ្នកស្រីបន្តថា សម្រាប់រដូវនេះ ជារដូវចន្លក់មិនសូវមានផ្លែច្រើនទេ ដោយមៀន ៥ដើម អាចប្រមូលផលបានប្រមាណ ១០០គីឡូក្រាម ហើយអាចលក់ក្នុងតម្លៃ ២ម៉ឺនរៀលក្នុងមួយគីឡូក្រាម ឬអាចឡើងដល់ ៣ម៉ឺនរៀលនៅពេលជិតដល់បុណ្យចូលឆ្នាំចិន។ ដោយឡែក នៅពេលពេញរដូវចន្លោះខែកក្កដា គឺអាចកាច់មៀនបាន ៣០០-៤០០គីឡូក្រាមផងដែរ។
ម្ចាស់ចំការខាងលើនេះបានបន្ថែមថា សម្រាប់មៀននៅផ្ទះរបស់អ្នកស្រី ចាប់ផ្ដើមចេញផ្កានៅខែកញ្ញា និងអាចប្រមូលផលបណ្ដើរៗនៅខែមករា រហូតដល់ខែកុម្ភៈ ពោលគឺរដូវចូលឆ្នាំចិនផ្ទាល់តែម្ដង ហើយការថែទាំក៏មិនពិបាកអ្វីខ្លាំងនោះទេ ដោយអ្នកស្រី និងគ្រួសារត្រូវស្រោចទឹកឱ្យបានគ្រប់គ្រាន់ និងមិនចាំបាច់ចងសំណាញ់ខ្ចប់ផ្លែមៀននោះទេ។
គួរបញ្ជាក់ដែរថា អ្នកស្រី កិន រ៉ៃ និងក្រុមគ្រួសារបានដាំមៀននេះប្រមាណ ២០ឆ្នាំមកហើយ ដោយគ្រាន់តែដាំក្រោយផ្ទះគ្រាន់នឹងយកទិន្នផលសម្រាប់ហូបក្នុងគ្រួសារផង និងធ្វើអាជីវកម្មបានតិចតូចផងដែរ៕
Account
Security
Favourite Content