សហគមន៍សម្រស់កោះហាន បានក្លាយជាប្រភពចំណូលដ៏សំខាន់សម្រាប់ស្ត្រី

ស្ទឹងត្រែង ៖ ស្ថិតនៅក្នុងស្រុកថាឡាបរិវ៉ាត ខេត្តស្ទឹងត្រែង តំបន់ព្រំដែនកម្ពុជា-ឡាវ សម្រាប់តែសហគមន៍អេកូទេសចរណ៍សម្រស់កោះហាន គឺជាសហគមន៍មួយក្នុងចំណោមសហគមន៍ផ្សេងទៀត ដែលមានសក្កានុពលខ្លាំងនៅតាមដងទន្លេមេគង្គលើ ខណៈដែលសហគមន៍មួយនេះត្រូវបានបង្កើតឡើងតាំងពីឆ្នាំ២០១៦ ផ្ដោតសំខាន់លើការបម្រើសេវាកម្មទេសចរណ៍បែបផ្សងព្រេងធម្មជាតិ។

បន្ទាប់ពីឆ្នាំ២០១៦ ក្រោយមានវត្តមានសហគមន៍មួយនេះ ជីវភាពរបស់ប្រជាជនជុំវិញតំបន់ចំនួន ៣៥ គ្រួសារ បានផ្លាស់ប្ដូរទៅរកភាពល្អប្រសើរឡើងគួរឱ្យកត់សម្គាល់ ជាពិសេសគឺស្ត្រីតាមរយៈការផ្តល់សេវាកម្មទេសចរណ៍ និងការផ្គត់ផ្គង់ចំណីអាហារ។

ស្ថិតនៅក្នុងសម្លៀកបំពាក់សមរម្យ អាយុ៥២ឆ្នាំ អ្នកស្រី ប៊ុន សំផាន ប្រធានសហគមន៍អេកូទេសចរណ៍សម្រស់កោះហាន បានលើកឡើងថា ស្ត្រីភាគច្រើនដែលរស់នៅទីនោះ ភាគច្រើនមិនមានប្រភពចំណូលដោយខ្លួនឯងនោះទេ ពោលគឺពឹងផ្អែកស្ទើរតែទាំងស្រុងទៅលើប្ដីដែលជាមេគ្រួសារ ហើយក្រោយពេលដែលគ្រួសារមានការបែកបាក់ ស្ត្រីតែងតែធ្លាក់ចូលទៅក្នុងវិបត្តិនៃសេដ្ឋកិច្ចគ្រួសារ។ ដោយសារតែមើលឃើញពីភាពប្រឈមទាំងនេះ អ្នកស្រីបានកៀរគងស្ត្រីដែលមិនមានការងារធ្វើ និងគ្មានប្រភពចំណូលរួមគ្នាបង្កើតជាសហគមន៍ សំដៅធ្វើការជាក្រុមដើម្បីអាចទទួលបានចំណូលគ្រាន់ផ្គត់ផ្គង់ជីវភាពគ្រួសារដោយខ្លួនឯង។

អ្នកស្រីបញ្ជាក់ថា ៖

“តាំងពីមានវត្តមានសហគមន៍នេះមក ជីវភាពបងប្អូនមានលក្ខណៈល្អប្រសើរជាងមុន ទោះមិនបានធូរធា ក៏បានក្នុងកម្រិតមួយគួរសម…មិនជាល្អណាស់ណា តែក៏មិនពិបាកនោះដែរ ពោលគឺអាចទទួលយកបាន”

ពាក់ព័ន្ធទៅនឹងការងារដែលសហគមន៍អាចផ្ដល់ឱ្យស្ត្រីនៅទីនោះបានគឺការងារជាអ្នកអនាម័យ អ្នកថែទាំបរិស្ថានរបស់សហគមន៍ និងការងារជាចុងភៅចម្អិនអាហាប្រចាំតំបន់ជូនភ្ញៀវពិសា ខណៈដែលពីមុនមកការងារមានត្រឹមតែដាំដំណាំ ធ្វើស្រែចំការ និងនេសាទ ដែលជាប្រភេទការងារប្រើកម្លាំងបាយ និងមានតែបុរសដែលអាចមានលទ្ធភាពគ្រប់គ្រាន់ក្នុងការធ្វើ។

យ៉ាងណាមិញ ការបង្កើតការងារធ្វើបន្ថែមនៅក្នុងសហគមន៍នេះ មិនត្រឹមតែអាចជួយដល់ស្ត្រីផ្ទាល់ប៉ុណ្ណោះទេ ថែមទាំងបានជួយទៅដល់កូនៗរបស់ពួកគេដែលរស់នៅទីនោះឱ្យមានឱកាសទទួលបានការអប់រំពេញលេញ ខុសពីពេលមុនដែលក្មេងៗភាគច្រើនត្រូវបញ្ឈប់ការសិក្សា តាមឱពុកទៅនេសាទតាមដងទន្លេប្រឈមនឹងគ្រោះថ្នាក់ ជាពិសេស អាចកាត់បន្ថយការប្រព្រឹត្តិបទល្មើសនេសាទផ្សេងៗ ដែលធ្វើឱ្យធនធានក្នុងទឹកកាន់តែខ្សត់ទៅៗ។

នៅក្នុងឱកាសជាមួយគ្នានេះ លោកស្រី ប៊ុន សំផាន ក៏បានសំណូមពរឱ្យមានការចូលរួមកាន់តែច្រើនលើការអភិរក្សតំបន់មួយនេះ ឱ្យកាន់តែមានភាពទាក់ទាញ ហើយអ្វីដែលគួរឱ្យយកចិត្តទុកដាក់នោះគឺការថែរក្សាឱ្យបាននូវលក្ខណៈពិសេសរបស់តំបន់ ដើម្បីឆ្ពោះទៅពង្រីកសក្កានុពលសហគមន៍ ក៏ដូចជាឈានទៅជំរុញវិសាលភាពនៃប្រជាជនក្នុងសហគមន៍ឱ្យមានការចូលរួមកាន់តែច្រើនជាងនេះ។

គួរបញ្ជាក់ថា នៅឆ្នាំដែលបង្កើតសហគមន៍ដំបូងក្នុងឆ្នាំ ២០១៦ មានភ្ញៀវត្រឹមតែប្រមាណ ១០០ នាក់ប៉ុណ្ណោះ ដែលបានទៅទស្សនាកន្សាន្ត ប៉ុន្តែក្រោយមកនៅឆ្នាំ២០១៧ សហគមន៍មួយនេះទទួលបានភ្ញៀវចំនួន ២៧៤នាក់ នៅឆ្នាំ២០១៨ ចំនួនភ្ញៀវបានកើនដល់ ៧៨០នាក់ , ឆ្នាំ២០១៩ មានចំនួន ៦៤៥នាក់ ឆ្នាំ២០២០ ក្នុងអំឡុងពេលមានវិបត្តិជំងឺកូវីដ ចំនួនភ្ញៀវមានការធ្លាក់ចុះនៅត្រឹម ៤០៧នាក់ ហើយនៅក្នុងឆ្នាំ២០២១ កំណើនភ្ញៀវកើនឡើងដល់ ១០៦៦ នាក់ឯណោះ៕

កញ្ញា សាន ស្រីនិច | Ms. San Sreynich

ជីវប្រវត្តិ: ជានិស្សិតនៃសាលកវិទ្យាល័យភូមិន្ទភ្នំពេញ ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍។ បច្ចុប្បន្ន ជាអ្នករាយការណ៍ព័ត៌មាននៅ AMS Economy ។

របាយការណ៍ថ្មីៗ

មើលទាំងអស់ ➧

អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ

បទយកការណ៍, ហិរញ្ញវត្ថុ

• 09/04/2026

អ្នកជំនាញឌីជីថល លើកទឹកចិត្តឱ្យប្រើអ៊ីនធឺណិតផ្ទាល់ខ្លួន ដើម្បីមានសុវត្ថិភាពជាងការប្រើ Wifi សាធារណៈ

បទយកការណ៍, ហិរញ្ញវត្ថុ

• 10/03/2026

អ្នកជំនាញ ណែនាំឱ្យចេះសន្សំប្រាក់ដើម្បីត្រៀមបង្កាទុកដោះស្រាយបញ្ហាដែលអាចកើតមានជាយថាហេតុ

បទយកការណ៍, ហិរញ្ញវត្ថុ

• 16/02/2026

ការដាំបន្លែជាលក្ខណៈគ្រួសារ ទទួលបានបន្លែសុវត្ថិភាពសម្រាប់ទទួលទានផង និងអាចរកចំណូលបានទៀត

ជំនួញ, បទយកការណ៍

• 20/11/2025

ចំណេះដឹងកសិកម្ម ៖ ងាយៗបច្ចេកទេសផលិតស្កររងូ សម្រាប់ផលិតមេជី និងមេចំណីសត្វ

ជំនួញ, បទយកការណ៍

• 19/11/2025

ដាំស្លឹកគ្រៃ លក់បានទាំងដើម ហើយយកស្លឹកចម្រាញ់ប្រេងលក់បានទៀត

ជំនួញ, បទយកការណ៍

• 18/11/2025

ស្វែងយល់ពីបច្ចេកទេសងាយៗក្នុងការផលិតថ្នាំពុលធម្មជាតិសម្រាប់ការពារដំណាំយកស្លឹកពីសត្វល្អិត

ជំនួញ, បទយកការណ៍

• 17/11/2025

Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជន

បទយកការណ៍, អាជីវកម្មថ្មី និងនវានុវត្ត

• 16/10/2024

អាជីវកម្មយកសំបុកត្រចៀកកាំក្នុងស្រុកកំពុងមានទីផ្សារ

ជំនួញ, បទយកការណ៍

• 15/12/2023

ព័ត៌មានទូទៅ

មើលទាំងអស់ ➧

NBC៖ កម្ពុជារំពឹងថានឹងមានកំណើនសេដ្ឋកិច្ច ៣,៩% ក្នុងឆ្នាំ២០២៦ និង ៥% ក្នុងឆ្នាំ២០២៧

ព្រឹត្តិការណ៍, សេដ្ឋកិច្ច

• 28/07/2026

ធនាគារជាតិនៃកម្ពុជា (NBC) ព្យាករថា សេដ្ឋកិច្ចកម្ពុជានឹងកើនក្នុងអត្រា ៣,៩ ភាគរយនៅឆ្នាំ២០២៦ មុនពេលរំពឹងថានឹងងើបឡើងវិញក្នុងអត្រា ៥ ភាគរយនៅឆ្នាំ២០២៧ បើទោះបីសេដ្ឋកិច្ចកំពុងប្រឈមនឹងផលប៉ះពាល់ពីសង្គ្រាមនៅមជ្ឈិមបូព៌ា និងបញ្ហាប្រឈមខាងក្នុងក៏ដោយ

ស្វែងយល់បន្ថែមពី «ពន្ធលើចំណេញមូលធន» ដែលកម្ពុជានឹងផ្ដើមអនុវត្តន៍ចាប់ពីដើមឆ្នាំ២០២៧ តទៅ

ព្រឹត្តិការណ៍, អចលនទ្រព្យ

• 28/07/2026

ពន្ធលើចំណេញមូលធន ជាប្រភេទពន្ធលើប្រាក់ចំណេញដែលរូបវន្តបុគ្គល ឬនីតិបុគ្គល ទទួលបានពីការលក់ ផ្ទេរទ្រព្យសកម្មមូលធនផ្សេងៗ ដូចជា អចលនទ្រព្យ កិច្ចសន្យាភតិសន្យា(ជួល ) ទ្រព្យវិនិយោគ កម្មសិទ្ធិបញ្ញា កេរ្តិ៍ឈ្មោះអាជីវកម្ម និងរូបិយវត្ថុបរទេស ជាដើម

កម្ពុជារំពឹងថានឹងកាន់តែមានភាពទាក់ទាញអ្នកវិនិយោគ ក្រោយអាម៉េរិកកំណត់អត្រាពន្ធថ្មី ១០ ភាគរយ

ព្រឹត្តិការណ៍, សេដ្ឋកិច្ច

• 28/07/2026

មន្ត្រីជាន់ខ្ពស់រាជរដ្ឋាភិបាល និងអ្នកជំនាញសេដ្ឋកិច្ច បានលើកឡើងថា ការដែលកម្ពុជាទទួលបានអត្រាពន្ធគយថ្មី ១០ ភាគរយ សម្រាប់ការនាំចេញទៅកាន់សហរដ្ឋអាម៉េរិក នឹងជួយបង្កើនភាពប្រកួតប្រជែង និងទាក់ទាញការវិនិយោគបន្ថែមមកកម្ពុជា

ចិន អំពាវនាវឱ្យអាម៉េរិកឈប់គំរាមកំហែងលើក្រុមហ៊ុន AI របស់ខ្លួន និងយកបញ្ហាបច្ចេកវិទ្យាមកធ្វើជាឧបករណ៍នយោបាយ

ព្រឹត្តិការណ៍, អាជីវកម្មថ្មី និងនវានុវត្ត

• 28/07/2026

ថ្នាក់ដឹកនាំកំពូលចិន បានអំពាវនាវឱ្យអាម៉េរិកបញ្ឈប់ការគំរាមកំហែងមកលើក្រុមហ៊ុន AI របស់ខ្លួន ហើយកុំយកបញ្ហាបច្ចេកវិទ្យាមកធ្វើជាឧបករណ៍នយោបាយ

តម្លៃកង្កែបធ្លាក់ចុះមកត្រឹម ៥០០០រៀល/គីឡូក្រាម សមាគមអំពាវនាវឱ្យទប់ស្កាត់ការនាំចូលពីក្រៅប្រទេស

ព្រឹត្តិការណ៍, សេដ្ឋកិច្ច

• 28/07/2026

សមាគមវារីវប្បករនៅកម្ពុជា អំពាវនាវដល់អាជ្ញាធរនៅជាប់ព្រំដែន ទប់ស្កាត់ការនាំចូលកង្កែបសាច់ពីប្រទេសវៀតណាម ខណៈតម្លៃទីផ្សារក្នុងស្រុក បានធ្លាក់ចុះខ្លាំងជាប់គ្នាៗ ពោលគឺនៅត្រឹម ៥០០០ រៀលក្នុងមួយគីឡូក្រាម នៅរយៈពេលប៉ុន្មានខែចុងក្រោយនេះ

AMRO ព្យាករថា តំបន់អាស៊ានបូកបីនឹងមានកំណើនសេដ្ឋកិច្ច ៤,១% នៅក្នុងឆ្នាំ ២០២៦ នេះ

ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត

• 28/07/2026

ការិយាល័យស្រាវជ្រាវម៉ាក្រូសេដ្ឋកិច្ចអាស៊ាន +៣ (AMRO) សប្តាហ៍នេះ បានចេញផ្សាយរបាយការណ៍បច្ចុប្បន្នភាពប្រចាំត្រីមាស ខែកក្កដា ឆ្នាំ២០២៦ នៃរបាយការណ៍ស្តីអំពីវិស័យសេដ្ឋកិច្ចតំបន់អាស៊ានបូកបី (AREO) ដោយបានព្យាករថា តំបន់អាស៊ានបូកបី (ASEAN+3)នឹងមានកំណើនសេដ្ឋកិច្ច ៤,១ ភាគរយ នៅក្នុងឆ្នាំ ២០២៦ នេះ

ស្ថាប័នចំនួន ៣ រួមដៃគ្នារៀបចំវគ្គបណ្តុះបណ្តាលបច្ចេកវិទ្យាដ្រូនកសិកម្មឌីជីថល ដើម្បីកាត់បន្ថយចំណាយថ្លៃដើម

ព្រឹត្តិការណ៍, អាជីវកម្មថ្មី និងនវានុវត្ត

• 28/07/2026

សហព័ន្ធអភិវឌ្ឍន៍ស្វាយកម្ពុជា (CMDF) បានរៀបចំ «វគ្គបណ្តុះបណ្តាលបច្ចេកវិទ្យាដ្រូនកសិកម្មឌីជីថល» រយៈពេល ៣ថ្ងៃ នៅសាលាស្រុកត្រពាំងប្រាសាទ ស្ថិតក្នុងភូមិទួលតាសេក ខេត្តឧត្តរមានជ័យ ដល់យុវជនក្នុងមូលដ្ឋាន

ឧបនាយករដ្ឋមន្ត្រី សាយ សំអាល់ ៖ ខេត្តស្វាយរៀង បានបញ្ចប់ការចែកប្លង់ដីធ្លីជូនពលរដ្ឋទាំងស្រុង និងបន្តបើកទំព័រថ្មីនៃការអភិវឌ្ឍ

ព្រឹត្តិការណ៍, អចលនទ្រព្យ

• 28/07/2026

ឧបនាយករដ្ឋមន្ត្រី សាយ សំអាល់ ៖ ខេត្តស្វាយរៀង បានបញ្ចប់ការចែកប្លង់ដីធ្លីជូនពលរដ្ឋទាំងស្រុង និងបន្តបើកទំព័រថ្មីនៃការអភិវឌ្ឍ ជាពិសេស លើកកម្ពស់ជីវភាពប្រជាជន

ច្រកដឹកជញ្ជូនកសិផលពីកម្ពុជាទៅចិនឆ្លងកាត់ឡាវ ចំណេញពេលវេលា កាត់បន្ថយថ្លៃដឹកជញ្ជូន ជំរុញទំហំនាំចេញ

ព្រឹត្តិការណ៍, សេដ្ឋកិច្ច

• 27/07/2026

កជំនាញផ្នែកដឹកជញ្ជូនបានអះអាងប្រកបដោយសុទិដ្ឋិនិយមថា សម្រាប់ការដឹកជញ្ជូនទំនិញ ជាពិសេស កសិផលពីកម្ពុជា ទៅកាន់ទីផ្សារប្រទេសចិន តាមផ្លូវគោក ដោយឆ្លងកាត់តាមសាធារណរដ្ឋប្រជាធិបតេយ្យ ប្រជាមានិតឡាវ គឺទទួលបានផលចំណេញច្រើន