សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ ជិតមួយសតវត្សរ៍មកហើយដែលទីផ្សារចិនត្រូវបានចាត់ទុកថា ជាប្រភពផ្តល់ប្រាក់ចំណេញដ៏ធំសម្រាប់ក្រុមហ៊ុនអ្នកផលិតរថយន្តយក្ស General Motors ឬ GM ដែលយ៉ាងហោចណាស់ប្រមាណជា ២ពាន់លានដុល្លារជារៀងរាល់ឆ្នាំ និងបានបង្វិលទៅឲ្យក្រុមអ្នកវិនិយោគិនដែលជាម្ចាស់ភាគហ៊ុនទាំងអស់របស់ខ្លួន។ ប៉ុន្តែរយៈពេលប៉ុន្មានឆ្នាំចុងក្រោយនេះ ទីផ្សារលក់រថយន្តរបស់ GM បានដាំក្បាលចុះជាបន្តបន្ទាប់ និងអាចឈានទៅដល់ទីបញ្ចប់នៃប្រតិបត្តិការលក់រថយន្តរបស់ខ្លួននៅក្នុងទីផ្សារប្រទេសចិន។
ជុំវិញបញ្ហានេះ លោកស្រី Mary Barra ប្រធានប្រតិបត្តិក្រុមហ៊ុន General Motors បានធ្វើការឆ្លើយតបទៅនឹងសំណួរដែលចោទសួរពីការធ្លាក់ចុះប្រតិបត្តិការលើទីផ្សារថា ៖ នៅពេលដែលស្ថានភាពអ្នកផលិតនិងដំឡើងរថយន្តក្នុងស្រុកមានច្រើនជាង១០០ក្រុមហ៊ុនទៅហើយនោះ វាប្រាកដណាស់ថា បានក្លាយទៅជាទីផ្សារប្រកួតប្រជែងដ៏ក្តៅគគុកដែលផ្តល់ផលលំបាកយ៉ាងខ្លាំងសម្រាប់គ្រប់គ្នា ជាពិសេសសម្រាប់អ្នកដែលទើបតែចូលទីផ្សារដំបូង។ ភាពបរាជ័យរបស់ GM ក្នុងការសម្របខ្លួនទៅនឹងទីផ្សារចិនដែលកំពុងផ្លាស់ប្តូរយ៉ាងឆាប់រហ័សនេះ ដោយសារតែអតិថិជនភាគច្រើនបានទទួលយករថយន្តអគ្គិសនីច្រើនលើសការរំពឹងទុក។
គួរកត់សម្គាល់ថា គិតត្រឹមចុងខែមករា ឆ្នាំ២០២៥កន្លងទៅនេះ ក្រុមហ៊ុន GM បានរៀបចំឯកសារ និងប្រតិបត្តិការសាជាថ្មីជាមួយនឹងខ្ទង់ចំណាយដល់ទៅ ៥ពាន់លានដុល្លារ ខណៈដែលកាលពីត្រឹមាសចុងក្រោយឆ្នាំ២០២៤ ក្រុមហ៊ុន GM បានបាត់បង់ប្រាក់ចំណេញដល់ទៅ ៣ពាន់លានដុល្លារ។ សួមរំលឹកថា ក្រុមហ៊ុនផលិតរថយន្ត GM បានបង្ហាញវត្តមាននៅក្នុងទីផ្សារប្រទេសចិនជាង១០០ឆ្នាំមកហើយ ពោលគឺតាំងតែពីឆ្នាំ១៩២៤ ហើយមកទល់ឆ្នាំ១៩៩៧ ក្រុមហ៊ុនអាមេរិកនេះបានសហការជាមួយនឹងក្រុមហ៊ុនអ្នកផលិតរថយន្តក្នុងស្រុក SAIC Motor ដើម្បីផលិតរថយន្ត ហើយបានបង្កើតរោងចក្រ និងចាប់ផ្តើមប្រតិបត្តិការសម្រេចជោគជ័យបាននៅក្នុងឆ្នាំ១៩៩៩៕
Account
Security
Favourite Content