សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងតាមប្រភពព័ត៌មានពី Financial Times បានរាយការណ៍ថា ចិនបានអនុម័តនូវពន្ធសងសឹកលើទំនិញអាមេរិកមានតម្លៃប្រហែល ២២ ពាន់លានដុល្លារ ដែលភាគច្រើនកំណត់គោលដៅលើទំនិញកសិផល។
ចិន គឺជាទីផ្សារក្រៅប្រទេសដ៏ធំបំផុតរបស់អាម៉េរិក ប៉ុន្តែជម្លោះពាណិជ្ជកម្មរវាងមហាអំណាចសេដ្ឋកិច្ចទាំងពីរកាន់តែតានតឹងក្នុងពេលថ្មីៗនេះ។ កាលពីថ្ងៃចន្ទ សប្ដាហ៍នេះ ទីក្រុងប៉េកាំងបានចាប់ផ្តើមអនុម័តដំឡើងពន្ធលើផលិតផលកសិកម្មជាច្រើនពីសហរដ្ឋអាម៉េរិក។ នេះគឺជាវិធានការចុងក្រោយរបស់ទីក្រុងប៉េកាំងកំណត់គោលដៅលើទំនិញកសិផលរបស់សហរដ្ឋអាម៉េរិក ដែលបានប្រកាសកាលពីសប្តាហ៍មុន ដើម្បីឆ្លើយតបទៅនឹងប្រធានាធិបតីសហរដ្ឋអាម៉េរិក Donald Trump ដែលដាក់ពន្ធបន្ថែម ១០ ភាគរយលើផលិតផលទាំងអស់ពីប្រទេសចិន។ ឥឡូវនេះ ការនាំចេញកសិផលភាគច្រើនរបស់អាម៉េរិកទៅកាន់ប្រទេសចិនទទួលរងនូវពន្ធបន្ថែមដែលនឹងប៉ះពាល់ដល់ការប្រកួតប្រជែងរបស់ពួកគេនៅក្នុងទីផ្សារប្រទេសចិន។ ជាក់ស្តែង សណ្តែកសៀង គឺជាទំនិញនាំចេញដ៏ធំបំផុតមួយរបស់អាម៉េរិកទៅកាន់ប្រទេសចិន ដែលមានតម្លៃ ១២ ពាន់លានដុល្លារកាលពីឆ្នាំមុន ប៉ុន្តែវានឹងត្រូវរងផលប៉ះពាល់ពីការយកពន្ធបន្ថែម ១០ ភាគរយ។ លើសពីនេះ ពន្ធរបស់កប្បាស មាន់ និងពោតនឹងត្រូវបន្ថែម ១៥ ភាគរយ។
អ្នកវិភាគនៅ Nomura បានប៉ាន់ប្រមាណថា ពន្ធបន្ថែម ១០ ភាគរយរបស់ចិននឹងគ្របដណ្តប់លើការនាំចូលពីអាម៉េរិកជិត ១៩ ពាន់លានដុល្លារ ហើយពន្ធបន្ថែម ១៥ ភាគរយនឹងគ្របដណ្តប់លើការនាំចូល ៣ ពាន់លានដុល្លារ។ កាលពីសប្តាហ៍មុន ទីក្រុងប៉េកាំងក៏បានផ្អាកការនាំចូលឈើទាំងអស់ពីសហរដ្ឋអាម៉េរិកផងដែរ ដោយលើកឡើងពីការព្រួយបារម្ភលើបញ្ហាសត្វល្អិត។ កាលពីឆ្នាំមុន ក្រុមហ៊ុនអាម៉េរិកបាននាំចេញឈើប្រណិតៗប្រមាណ ៨៥០ លានដុល្លារទៅកាន់ប្រទេសចិន។
កាលពីដើមខែកុម្ភៈកន្លងទៅ លោក Donald Trump បានដាក់ពន្ធបន្ថែម ១០ ភាគរយលើការនាំចូលស្ទើរតែទាំងអស់ពីប្រទេសចិន ហើយពន្ធត្រូវបានដំឡើងបន្ថែមដល់ទៅ ២០ ភាគរយកាលពីសប្តាហ៍មុន។ Trump បានលើកឡើងថា គោលបំណងមួយផ្នែកនៃវិធានការនេះ គឺដើម្បីដាក់សម្ពាធដល់ចិនឱ្យកាត់បន្ថយលំហូរនៃសារធាតុគ្រឿនញៀន fentanyl ចូលទៅក្នុងសហរដ្ឋអាមេរិក។ ទោះបីជា Trump ទទួលស្គាល់ថាពន្ធនឹងបង្កឱ្យមានការរំខានតិចតួច និងបានជំរុញឲ្យកសិករអាម៉េរិកចាប់ផ្តើមផលិតផលិតផលកសិកម្មជាច្រើនដើម្បីលក់ក្នុងស្រុកក៏ដោយ ប៉ុន្តែអ្នកជំនាញ និងកសិករអាម៉េរិកជាច្រើនកំពុងចាប់ផ្តើមភ័យខ្លាចថា សង្គ្រាមពាណិជ្ជកម្មរវាងសហរដ្ឋអាមេរិក និងចិននឹងកាន់តែតានតឹងដូចទៅនឹងអំឡុងពេលអាណត្តិដំបូងរបស់លោក Trump ៕
Account
Security
Favourite Content