សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ទំនាក់ទំនងពាណិជ្ជកម្ម និងការវិនិយោគទ្វេភាគីកម្ពុជា-ចិន មានភាពចាំបាច់ខ្លាំងណាស់នៅក្នុងបរិការណ៍នៃការរីករាលដាលជំងឺកូវីដ-១៩ ជាសកល និងការប្រកួតប្រជែងផ្នែកសេដ្ឋកិច្ច ភូមិសាស្ត្រនយោបាយក្នុងតំបន់ ភាគីចិនគឺជាដៃគូពាណិជ្ជកម្មដ៏សំខាន់របស់កម្ពុជា ហើយនឹងបន្តជំរុញបន្ថែមពីសំណាក់រដ្ឋាភិបាលនៃប្រទេសទាំង២ឲ្យមានទំហំកាន់តែធំរហូតដល់១០ពាន់លានដុល្លារនៅត្រឹមឆ្នាំ២០២៣។
ឯកឧត្តម សុខ សុភ័ក្ត្រ រដ្ឋលេខាធិការក្រសួងពាណិជ្ជកម្ម បានមានប្រសាសន៍នៅក្នុងវេទិកាកម្រិតខ្ពស់នៃធនាគារខួរក្បាលកម្ពុជា-ចិនលើកទី២ក្រោមមូលបទ“ដំណាក់កាលថ្មីនៃការអភិវឌ្ឍទំនាក់ទំនងពាណិជ្ជកម្មទ្វេភាគីកម្ពុជា-ចិន” ថា ក្នុងនាមជាអ្នកវិនិយោគទុនដ៏ធំរបស់កម្ពុជាក្នុងរយៈពេល ១០ឆ្នាំចុងក្រោយនេះប្រទេសចិនបានក្លាយជាដៃគូរសំខាន់របស់កម្ពុជានៅក្នុងកិច្ចការជាច្រើន រួមបញ្ជូលទាំងកិច្ចខិតខំប្រឹងប្រែងអត់ឈប់ឈរក្នុងការប្រយុទ្ធប្រឆាំងជំងឺរាតត្បាតនៅកម្ពុជា។
ឯកឧត្តម សុខ សុភ័ក្ត្រ បានមានប្រសាន៍ថា ៖
« ទោះស្ថិតក្នុងស្ថានភាពនៃការរីករាលដាលនៃជំងឺកូវីដ-១៩ ក៏ទំហំពាណិជ្ជកម្មរវាងប្រទេសទាំងពីរសម្រេចបានជាង ៨ពាន់លានដុល្លារអាមេរិកក្នុងឆ្នាំ២០២០ ហើយថ្នាក់ដឹកនាំនៃប្រទេសទាំងពីររំពឹងថា ទំហំនេះនឹងកើនដល់ ១០ ពាន់លានដុល្លារអាមេរិកនៅត្រឹមឆ្នាំ២០២៣ខាងមុខនេះ»
ឯកឧត្តមបានបញ្ជាក់ថា អ្វីដែលជាមោទកភាពបំផុត គឺការសម្រេចបាននូវការចុះហត្ថលេខាលើកិច្ចព្រមព្រៀងពាណិជ្ជកម្មសេរីកម្ពុជា-ចិន (CCFTA) កាលពីខែតុលា ឆ្នាំ២០២០កន្លងទៅ ដែលភាគីទាំងពីរកំពុងជំរុញនីតិវិធីដែលនៅសេសសល់ ដើម្បីឱ្យកិច្ចព្រមព្រៀងនេះចូលជាធរមាននៅពេលឆាប់ៗខាងមុខនេះ។
យោងតាមរបាយការណ៍ Global Times បានឲ្យដឹងថាក្នុងឆ្នាំ២០២០ ទំហំពាណិជ្ជកម្មទ្វេភាគីបានឈានដល់ ៩,៥៦ពាន់លានដុល្លារអាមេរិក កើនឡើង១,៤ភាគរយពីមួយឆ្នាំទៅមួយឆ្នាំ។ ដោយឡែកក្នុងរយៈពេល៥ខែដំបូងនៃឆ្នាំ២០២១ ទំហំពាណិជ្ជកម្មទ្វេភាគីបានឈានដល់ ៣,៩ពាន់លានដុល្លារអាមេរិក កើនឡើង ២៥ភាគរយ បើប្រៀបធៀបទៅនឹង៥ខែដំបូងនៃឆ្នាំមុន។
ភាគីទាំងពីរបានចុះហត្ថលេខាលើកិច្ចព្រមព្រៀងពាណិជ្ជកម្មសេរី កាលពីខែតុលា ឆ្នាំ២០២០។ នេះជាកិច្ចព្រមព្រៀងដំបូងដែលកម្ពុជាមិនធ្លាប់បានចុះហត្ថលេខាពីមុន ក៏ដូចជាកិច្ចព្រមព្រៀងដំបូងរបស់ចិនបន្ទាប់ពីជំងឺរាតត្បាតបានផ្ទុះឡើង។ ចំពោះការពន្យល់បន្ថែមអំពីការកាត់ពន្ធនៅក្នុងកិច្ចព្រមព្រៀងនេះ លោក Yi Xiaozhun អតីតអនុរដ្ឋមន្រ្តីក្រសួងពាណិជ្ជកម្មចិនបាននិយាយថា ប្រទេសចិននឹងប្រើគោលការណ៍យកពន្ធទាប( zero tariffs) ដែលស្ទើតែស្មើនឹង៩៨ភាគរយនៃផលិតផលរបស់ខ្លួន។ បើនិយាយពីប្រភេទទំនិញជាក់លាក់ ប្រទេសចិនបានកាត់ពន្ធភាគច្រើនទៅលើផលិតផលសំខាន់ៗរបស់កម្ពុជាមានដូចជា សំលៀកបំពាក់ ស្បែកជើង ផលិតផលស្បែក និងកៅស៊ូ។
លោកបណ្ឌិត គិន ភា ប្រធានវិទ្យាស្ថានទំនាក់ទំនងអន្តរជាតិនៃកម្ពុជានៃរាជបណ្ឌិត្យសភាកម្ពុជាបានថ្លែងថា ចំណុច១ក្នុងចំណោមចំណុចទាំង៥របស់លោកស្តីពីទំនាក់ទំនងកម្ពុជា-ចិន ប្រទេសចិនគឺជាអ្នកវិនិយោគផ្ទាល់ពីបរទេសដ៏ធំជាងគេ ហើយក៏ជាម្ចាស់ជំនួយដ៏សំខាន់ជាងគេ និងជាដៃគូពាណិជ្ជកម្មដ៏ចាំបាច់របស់កម្ពុជា។
លោកបន្តថា ប្រទេសទាំងពីរបានប្រកាន់គោលជំហរពហុភាគីនិយម ជាពិសេសប្រព័ន្ធពាណិជ្ជកម្មពហុភាគី ដែលមានអង្គការពាណិជ្ជកម្មពិភពលោក(WTO) ជាកម្លាំងស្នូលសម្រាប់ជំរុញទំនាក់ទំនងអន្តរជាតិដោយឈរលើគោលការណ៍គោរពគ្នាទៅវិញទៅមក សមធម៌ និងកិច្ចសហប្រតិបត្តិការ ឈ្នះ-ឈ្នះ ដើម្បីបុព្វហេតុ សម្រេចឱ្យបាននូវអនាគតរួមគ្នាសម្រាប់មនុស្សជាតិ៕
ជីវប្រវត្តិ: បានបញ្ចប់ការសិក្សាថ្នាកអនុបណ្ឌិតផ្នែកប្រព័ន្ធផ្សព្វផ្សាយមកពីសហភាពសូវៀត និងមានបទពិសោធន៍ជាង ២០ឆ្នាំក្នុងវិស័យសារព័ត៌មាន។ បច្ចុប្បន្ន លោកជាអ្នកយកព័ត៌មានសេដ្ឋកិច្ចឱ្យសារព័ត៌មាន AMS Economy ។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
ក្រុមប្រឹក្សាស្តង់ដារជាតិ អនុម័តស្តង់ដារកម្ពុជាចំនួន ៤៥ ដើម្បីលើកកម្ពស់ភាពប្រកួតប្រជែងផ្នែកឧស្សាហកម្ម និងការធ្វើពាណិជ្ជកម្មអន្តរជាតិ
ព្រឹត្តិការណ៍, អាជីវកម្មថ្មី និងនវានុវត្ត
• 14/07/2026
ក្រុមប្រឹក្សាស្តង់ដារជាតិ អនុម័តស្តង់ដារកម្ពុជាចំនួន ៤៥ ដើម្បីលើកកម្ពស់ភាពប្រកួតប្រជែងនៃឧស្សាហកម្ម និងការធ្វើពាណិជ្ជកម្មអន្តរជាតិ
ប៊ុលហ្ការី-អាល្លឺម៉ង់ ពង្រឹងកិច្ចសហប្រតិបត្តិការលើវិស័យបញ្ញាសិប្បនិម្មិត និងមនុស្សយន្ត
ព្រឹត្តិការណ៍, អាជីវកម្មថ្មី និងនវានុវត្ត
• 14/07/2026
លោកនាយករដ្ឋមន្ត្រីប៊ុលហ្ការី លោក Rumen Radev នៅសប្តាហ៍នេះ បានជួបពិភាក្សាការងារជាមួយតំណាងវិទ្យាស្ថានស្រាវជ្រាវ និងគ្រឹះស្ថានបោះពុម្ពផ្សាយធំៗរបស់ប្រទេសអាល្លឺម៉ង់ នៅទីស្ដីការគណៈរដ្ឋមន្ត្រី ដើម្បីពិភាក្សាអំពីការបន្តពង្រីកកិច្ចសហប្រតិបត្តិការទ្វេភាគីលើវិស័យឧស្សាហកម្មបច្ចេកវិទ្យាជាន់ខ្ពស់ នវានុវត្តន៍ និងការស្រាវជ្រាវវិទ្យាសាស្ត្រ
ធនាគារ ជីប ម៉ុង ធនាគារខ្មែរ ឈ្នះពានរង្វាន់ដ៏មានកិត្យានុភាពពីអន្តរជាតិធំៗចំនួន ២ សម្រាប់ឆ្នាំ២០២៦ ពីស្ថាប័ន Global Banking & Finance Review
ព្រឹត្តិការណ៍, អត្ថបទពាណិជ្ជកម្ម
• 14/07/2026
ធនាគារ ជីប ម៉ុង ធនាគារខ្មែរ ឈ្នះពានរង្វាន់ដ៏មានកិត្យានុភាពពីអន្តរជាតិធំៗចំនួន ២ សម្រាប់ឆ្នាំ២០២៦ ពីស្ថាប័ន Global Banking & Finance Review
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content