សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ក្នុងរយៈពេល១សប្ដាហ៍ គិតចាប់ពីថ្ងៃទី០៥ ដល់ ថ្ងៃទី១១ ខែសីហា ឆ្នាំ២០២៤ កម្ពុជាទទួលបានចំណូលសរុប ៨១៤ ៧៧៥ដុល្លារ ពីការលក់បណ្ណចូលទស្សនាតំបន់រមណីយដ្ឋានអង្គររបស់ភ្ញៀវទេសចរបរទេសសរុបចំនួន ១៧ ៣៥៥ នាក់ ដែលតួលេខនេះកើនឡើង ៥,៩%។ នេះបើយោងតាមសេចក្តីប្រកាសព័ត៌មានរបស់ក្រសួងទេសចរណ៍នាថ្ងៃទី១៤ ខែសីហា ឆ្នាំ២០២៤នេះ។
ស្របពេលជាមួយគ្នានេះ ក្រសួងទេសចរណ៍បានឱ្យដឹងផងដែរថា ក្នុងរយៈដូចគ្នានេះ កម្ពុជាទទួលបានភ្ញៀវទេសចរជាតិប្រមាណ ៣៦១ ២០០នាក់ និងភ្ញៀវទេសចរបរទេសប្រមាណ ៦៥ ០០០នាក់ចេញដើរកម្សាន្តនៅទូទាំងប្រទេស។
ប្រភពដដែលនេះបានឱ្យដឹងថា ៖ សម្រាប់ជើងហោះហើរអន្តរជាតិចូលមកកាន់ប្រទេសកម្ពុជាសរុប ៤៧៤ ជើងហោះហើរដោយក្នុងនោះ អាកាសយានដ្ឋានអន្តរជាតិភ្នំពេញមានចំនួន ៣៥៦ ជើងហោះហើរ, អាកាសយានដ្ឋានអន្តរជាតិសៀមរាបអង្គរមានចំនួន ១០៣ ជើងហោះហើរ និងអាកាសយានដ្ឋានអន្តរជាតិខេត្តព្រះសីហនុមានចំនួន ១៥ ជើងហោះហើរផងដែរ។
ឯកឧត្តម សុខ សូកេន រដ្ឋមន្ត្រីក្រសួងទេសចរណ៍បានរំពឹងថា ចំនួនទេសចរនឹងបន្តកើនឡើង ខណៈដែលក្រសួងកំពុងធ្វើយុទ្ធនាការធំៗទាំង៣គឺ “ឆ្នាំទស្សនាសៀមរាប ២០២៤” “ឆ្នាំនៃការផ្លាស់ប្ដូរប្រជាជនកម្ពុជា-ចិន ២០២៤” និង“ឆ្នាំទេសចរណ៍កម្ពុជា-ឥណ្ឌាលើកទី១ ២០២៤” ព្រមទាំងសកម្មភាពជំរុញទេសចរណ៍ជាច្រើនទៀត ជាពិសេស ព្រឹត្តិការណ៍ Gumball 3000 ជាដើម។
លោកជំទាវ ឆាយ ស៊ីវលីន ប្រធានសមាគមទីភ្នាក់ងារទេសចរណ៍កម្ពុជា បានជំរុញឱ្យមានការខិតខំប្រឹងប្រែងថែមទៀត ជាពិសេសកិច្ចសហការរវាងរដ្ឋាភិបាល និងវិស័យឯកជន។
លោកជំទាវមានប្រសាសន៍ថា៖ កម្ពុជាមានសក្ដានុពលច្រើនទៅលើតំបន់ទេសចរណ៍ធម្មជាតិ វប្បធម៌ប្រវត្តិសាស្ត្រ ឆ្នេរសមុទ្រ និងអេកូទេសចរណ៍។ ដូច្នេះ ដើម្បីបង្ហាញពីភាពលេចធ្លោនៃសក្ដានុពលដ៏សម្បូរបែបនៅក្នុងតំបន់ទេសចរណ៍របស់កម្ពុជា គឺអ្នកពាក់ព័ន្ធត្រូវមានការជួយជំរុញ និងគាំទ្រទៅដល់ប្រជាសហគមន៍ក្នុងការស្វែងយល់អំពីវិស័យទេសចរណ៍ ការទាញយកអត្ថប្រយោជន៍ពីសក្ដានុពលទេសចរណ៍ ដោយមានជាការជួយបដិភាគហិរញ្ញប្បទានដើមទុន ជាពិសេសគឺការបណ្តុះបណ្តាលទៅដល់ប្រជាសហគមន៍ ដើម្បីឱ្យគាត់អ្នកពាក់ព័ន្ធយល់ច្បាស់អំពីការទាញប្រយោជន៍ពីវិស័យទេសចរណ៍៕
Account
Security
Favourite Content