សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ៖ ក្នុងរយៈពេល៧ខែ ឆ្នាំ២០២៤ បរិមាណកុងតឺន័រឆ្លងកាត់កំពង់ផែស្វយ័តភ្នំពេញមានចំនួន ២៥៩ ៨៧៩ TEUs កើនឡើងជាង ១៤,៩៤% ធៀបនឹងរយៈពេលដូចគ្នានៅក្នុងឆ្នាំ២០២៣។ នេះបើយោងតាមរបាយការណ៍របស់កំពង់ផែស្វយ័តភ្នំពេញ កាលពីថ្ងៃទី១៣ ខែសីហា ឆ្នាំ២០២៤។
របាយការណ៍កំពង់ផែស្វយ័តភ្នំពេញបានបញ្ជាក់ថា បើគិតក្នុងខែកក្កដា ឆ្នាំ២០២៤ បរិមាណកុងតឺន័រឆ្លងកាត់កំពង់ផែស្វយ័តភ្នំពេញមានចំនួន ៥៥ ២៦៥ TEUs កើនឡើង១២,៧៦% បើធៀបនឹងខែកក្កដាឆ្នាំ២០២៣ ដែលមានចំនួន ៤៩ ០១១ TEUs។
យោងតាមរបាយការណ៍ដដែលនេះបានបង្ហាញថា ក្នុងរយៈពេល៧ខែ ឆ្នាំ២០២៤ បរិមាណទំនិញ-ប្រេងឥន្ធនៈ ដែលបានឆ្លងកាត់កំពង់ផែស្វយ័តភ្នំពេញមានជាង២លាន ៧២ម៉ឺនតោន កើនឡើងជាង១០,៩៨% ចំណែកបរិមាណនាវាសរុបមាន ៣១២៣គ្រឿង កើនជិត ៩% នាវាដឹកអ្នកដំណើរមាន៣៣១គ្រឿង កើនជាង២៤% និងអ្នកដំណើរឆ្លងកាត់មានជិត២ម៉ឹននាក់ កើនជាង៧១%។
សម្រាប់ខែកក្កដា ឆ្នាំ២០២៤ បរិមាណទំនិញ-ប្រេងឥន្ធនៈដែលបានឆ្លងកាត់កំពង់ផែស្វយ័តភ្នំពេញមានជាង៤៧ម៉ឺនតោន កើនជាង១៨ភាគរយ ចំណែកបរិមាណនាវាសរុប មានចំនួន៦៨៦គ្រឿង កើនជាង១៦ ភាគរយ៕
Account
Security
Favourite Content