សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ៖ ស្ថិតនៅក្រោមដំបូលនៃសន្តិភាព និងកិច្ចអភិវឌ្ឍន៍ឥតឈប់ឈរ វិស័យទេសចរណ៍កម្ពុជាបានរីកលូតលាស់គួរជាទីមោទនៈ ជាក់ស្ដែង ភ្ញៀវទេសចរអន្តរជាតិចម្រុះជាតិសាសន៍ដែលមកទស្សនាកម្ពុជា បានកើនឡើងពីប្រមាណតែជាង ២៩ ម៉ឺននាក់ក្នុងឆ្នាំ១៩៩៨ ឡើងដល់ជាង ៦,៦ លាននាក់នៅឆ្នាំ២០១៩។ នៅឆ្នាំ២០២៤ កម្ពុជាទទួលភ្ញៀវទេសចរអន្តរជាតិ ៦,៧លាននាក់ កើនឡើងប្រមាណ ២៣% ធៀបនឹងឆ្នាំ២០២៣ ភ្ញៀវទេសចរជាតិប្រមាណ ២២,៥២ លាននាក់ កើនឡើង ២០,១% ធៀបនឹងឆ្នាំ២០២៣។ ដោយឡែក សម្រាប់ឆ្នាំ២០២៥ គិតត្រឹមដើមខែកញ្ញា កម្ពុជាទទួលបានទេសចរអន្តរជាតិ ៤លាន ៣៨ម៉ឺន នាក់ និងទេសចរជាតិចំនួន ១៨លាន ៦៣ម៉ឺនាក់ គឺកើនឡើង ៥៣,៣% ធៀបនឹងរយៈពេលដូចគ្នាក្នុងឆ្នាំ២០២៤ ។
ឯកឧត្តម ហួត ហាក់ រដ្ឋមន្ត្រីក្រសួងទេសចរណ៍ ក្នុងឱកាសថ្លែងក្នុងពិធីសម្ពោធពិព័រណ៍ CamFood និង Cam Hotel 2025 នាថ្ងៃទី២២ ខែតុលា នៅមជ្ឈមណ្ឌលកោះពេជ្រ បានលើកឡើងថា៖ វិស័យទេសចរណ៍កម្ពុជា ត្រូវបានចាត់ទុកជាមាសបៃតង ដែលកើតចេញពីមនុញ្ញផលនៃសុខសន្តិភាព។ ដូចគ្នានេះដែរ រាជរដ្ឋាភិបាល នីតិកាលទី៧ នៃរដ្ឋសភា ក្រោមការដឹកនាំពោរពេញទៅដោយជវភាព និងប្រាកដនិយមរបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ដែលជាប្រមុខដឹកនាំវ័យក្មេងជាមួយនឹងឆន្ទៈដ៏មោះមុត បានបន្តចាត់ទុកវិស័យទេសចរណ៍ជាវិស័យអាទិភាព និងជាឆ្អឹងខ្នងសេដ្ឋកិច្ចដ៏សំខាន់ដោយមានមូលដ្ឋានគ្រឹះនៃសន្តិភាព ស្ថិរភាពនយោបាយ សន្តិសុខ សណ្តាប់ធ្នាប់ និងស្ថិរភាពម៉ាក្រូសេដ្ឋកិច្ចមានលំនឹង តាមរយៈការដាក់ចេញនូវកម្មវិធីនយោបាយ និងយុទ្ធសាស្ត្របញ្ចកោណ ដំណាក់កាលទី១ ដើម្បីកំណើនការងារ សមធម៌ ប្រសិទ្ធភាព និងចីរភាព កម្ពុជា បាន និងកំពុងបន្តដំណើរលើមាគ៌ាដ៏ត្រឹមត្រូវឆ្ពោះទៅសម្រេចឱ្យបានគោលដៅចក្ខុវិស័យកម្ពុជាឆ្នាំ២០៥០ ប្រែក្លាយប្រទេសកម្ពុជាជាប្រទេសមានចំណូលខ្ពស់។
សូមជម្រាបផងដែរថា វិស័យទេសចរណ៍នៅប្រទេសកម្ពុជាត្រូវបានចែកចេញជា៥ផ្នែករួមមាន ៖
ទេសចរណ៍ជំនួញ ជាដំណើរកម្សាន្តលំហែកាយរបស់អ្នកបណ្ដាក់ទុន ដើម្បីស្វែងរកទីតាំងសម្រាប់វិនិយោគ បញ្ហានេះទាក់ទងនឹងឧស្សាហកម្មទេសចរណ៍។
ទេសចរណ៍វប្បធម៌ ជាដំណើរកម្សាន្តតាមតំបន់ដែលមានប្រាង្គប្រាសាទបុរាណ វត្តអារាម ទីកន្លែងសក្ដារបូជា ប្រពៃណីទំនៀមទំលាប់ ល្បែងប្រជាប្រិយ សម្លៀកបំពាក់ប្រពៃណី ជាដើម។
ទេសចរណ៍ធម្មជាតិ ជាដំណើរកម្សាន្តតាមតំបន់ដែលមានសម្រស់ធម្មជាតិ តំបន់ការពារសត្វព្រៃ មច្ឆជាតិ និងរបៀបគ្រប់គ្រងការរស់នៅ ជំនឿ សាសនា របស់ជនជាតិភាគតិច
ទេសចរណ៍អរូបី ជាដំណើរកម្សាន្តតាមតំបន់ដែលមានជំនឿលើអារក្ស អ្នកតា ជាដើម។
ទេសចរណ៍កែច្នៃ ជាដំណើរកម្សាន្តតាមតំបន់ដែលបានប្រែក្លាយទៅជារមណីយដ្ឋាន កីឡា មជ្ឈមណ្ឌលកម្សាន្ត ក្លឹប រង្គសាល និងកន្លែងមានពន្លឺព្រះអាទិត្យគ្រប់គ្រាន់ រួមមាន ឆ្នេរសមុទ្រ កោះ ជាដើម៕
Account
Security
Favourite Content