សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ E-commerce គឺជាថ្នាលទីផ្សារអនឡាញមួយដែលអាចអនុញ្ញាតឲ្យសកម្មភាពទិញ-លក់ ប្រព្រឹត្តទៅដោយមានភាពងាយស្រួល។ វាគឺជាភាពពេញនិយមសម្រាប់ប្រទេសនៅលើពិភពលោកនាពេលបច្ចុប្បន្ន ជាពិសេសបណ្ដាប្រទេសជឿនលឿន ព្រមទាំងជាគោលដៅសម្រាប់ប្រទេសកំពុងអភិវឌ្ឍន៍។
ឯកឧត្តម បណ្ឌិត សុខ ស៊ីផាន់ណា ទីប្រឹក្សារាជរដ្ឋាភិបាលកម្ពុជា បានរំលេចពីគោលនយោបាយសម្រាប់វិស័យសេដ្ឋកិច្ចថា សម្រាប់កម្ពុជា E-commerce គឺជាវិស័យមួយដែលរាជរដ្ឋាភិបាលកំពុងតែជំរុញ និងពង្រឹងឲ្យមានភាពខ្លាំងក្លា។
ឯកឧត្តមបានបន្តថា ៖
«នៅក្នុងរយៈពេល ៤-៥ឆ្នាំចុងក្រោយនេះ យើងឃើញមានសកម្មភាពច្រើន យើងឃើញមានសេចក្ដីផ្ដួចផ្ដើមទាំងផ្នែករដ្ឋ ទាំងផ្នែកឯកជន គឺមានការចូលរួមច្រើនក្នុងការពង្វឹក ក្នុងការរកដៃគូរធ្វើពាណិជ្ជកម្ម ក្នុងការរកជំនួយបច្ចេកទេសពីប្រទេសដៃគូរអាស៊ានជាដើម…»
ប៉ុន្តែ ទន្ទឹមនឹងនេះ ឯកឧត្តម ក៏បានគូសបញ្ជាក់ដែរថា សកម្មភាពទាំងនេះប្រៀបបាននឹងជំហានដំបូងនៅឡើយ ពោលគឺត្រូវការរយៈពេល ២ ទៅ ៣ឆ្នាំទៀត ទើបអាចមានភាពប្រសើរបាន។
ឯកឧត្តម បានបញ្ជាក់ថា ៖
«អ្វីដែលកម្ពុជាកំពុងតែធ្វើនៅពេលនេះ គឺប្រៀបបានទៅនឹងការសាបសំណាប ដែលសំណាបនោះបានកំពុងនឹងដុះលូតលាស់ហើយ គ្រាន់តែត្រូវការពេលវេលាលូតលាស់បន្ថែមដើម្បីរួចរាល់សម្រាប់ការច្រូត។ កន្លងមកគឺមានប្រទសមួយចំនួន ដូចជា អូស្ត្រាលី ណូវែលសេឡង់ និងរួមទាំងសហគមន៍អឺរ៉ុបផងនោះ សុទ្ធតែធ្លាប់បានផ្ដល់ជំនួយជាច្រើនសម្រាប់ដំណើរការបណ្ដុះបណ្ដាលចំណេះដឹងផ្នែកនេះ។ ជាគម្រូជាក់ស្ដែង ប្រទេសអាល្លឺម៉ង់បានបង្កើតនូវកម្មវិធីហ្វឹកហ្វឺនជូនទាំងមន្ត្រីរដ្ឋ និងឯកជនលើវិស័យឌីជីថល»
ជាមួយគ្នានេះ ឯកឧត្តមបានបញ្ជាក់ថា តាមរយៈសកម្មភាពទាំងនេះ ពិតជាបានជំរុញឲ្យធនធានមនុស្សនៅកម្ពុជាមានការកើនឡើងជាបន្តបន្ទាប់ ប៉ុន្តែបើទោះជាយ៉ាងនេះក្ដី រាជរដ្ឋាភិបាលនៅតែបង្ហាញគោលចំហចង់ឲ្យធនធានទាំងនោះមានការប្រមូលផ្ដុំ ដើម្បីឲ្យរដ្ឋមានលទ្ធភាពក្នុងការជំរុញកាលានុវត្តភាពពួកគេបានកាន់តែលូតលាស់ទៅមុខក្នុងល្បឿនលឿន។
គួរឲ្យកត់សម្គាល់ដែរថា នៅរយៈពេលចុងក្រោយនេះ ប្រជាជនកម្ពុជាជាច្រើនបានប្រើប្រាស់បណ្ដាញសង្គមដើម្បីបម្រើឲ្យការប្រកបអាជីវកម្មរបស់ខ្លួន ក៏ប៉ុន្តែបើនិយាយពី E-Commerce ពិតប្រាកដ គឺមានភាពច្បាស់លាស់ និងចាស់ទុំជាងនេះ ដោយទាមទារឲ្យមានធនធានមនុស្សខាងបច្ចេកទេសសម្រាប់បង្កើតថ្នាល ក៏ដូចជាដើម្បីធានាសុវត្ថិភាពនៃការលក់ដូរតាមអនឡាញ ដែលមានភាពប្រឈមខ្ពស់ជាមួយនឹងការចូលលួចបន្លំពីក្រុមអនាមិកទាំងឡាយ។ ចំពោះ E-Commerce ដែលល្បីៗនៅលើពិភពលោកក្នុងការផ្ដល់សេវាកម្មបញ្ជាទិញ លក់ទំនិញដោយសុវត្ថិភាពរួមមានដូចជា Alibaba របស់ប្រទេសចិន Amazon និង eBay ដែលជារបស់អាមេរិក ហើយទាំងនេះហើយជាគម្រូដែលកម្ពុជាកំពុងដើរតាម៕
ជីវប្រវត្តិ: ជានិស្សិតនៃសាលកវិទ្យាល័យភូមិន្ទភ្នំពេញ ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍។ បច្ចុប្បន្ន ជាអ្នករាយការណ៍ព័ត៌មាននៅ AMS Economy ។
របាយការណ៍ថ្មីៗ
មើលទាំងអស់ ➧
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជន
បទយកការណ៍, អាជីវកម្មថ្មី និងនវានុវត្ត
• 16/10/2024
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជនឲ្យក្លាហានចាប់យកក្តីស្រមៃ ឬចាប់អារម្មណ៍លើការបង្កើតអាជីវកម្មថ្មីៗជាមួយគំនិត ទុន និងឱកាសទីផ្សារផ្សេងៗ
ព័ត៌មានទូទៅ
មើលទាំងអស់ ➧
សមាគមមីក្រូហិរញ្ញវត្ថុកម្ពុជា និងអង្គការ water.org ពិភាក្សាជាមួយធនាគារ ARDB លើកកម្ពស់ហិរញ្ញប្បទានបៃតង និងវិស័យទឹកស្អាត
Top News, ព្រឹត្តិការណ៍, ហិរញ្ញវត្ថុ
• 19/02/2026
សមាគមមីក្រូហិរញ្ញវត្ថុកម្ពុជា និងអង្គការ water.org ពិភាក្សាជាមួយធនាគារ ARDB លើកកម្ពស់ហិរញ្ញប្បទានបៃតង និងវិស័យទឹកស្អាត នៅកម្ពុជា
កំពង់ផែស្វយ័តក្រុងព្រះសីហនុ រកចំណូលបានជិត ៥០លានដុល្លារ នៅត្រីមាសទី៤ ឆ្នាំ២០២៥
Top News, ព្រឹត្តិការណ៍, សេដ្ឋកិច្ច
• 18/02/2026
កំពង់ផែស្វយ័តក្រុងព្រះសីហនុ ក្នុងត្រីមាសទី៤ ឆ្នាំ២០២៥ កំពង់ផែស្វយ័តក្រុងព្រះសីហនុរកចំណូលបានសរុបប្រហែល ៤៧,៤៧ លានដុល្លារ
រកឃើញហើយ ! ម្ចាស់រង្វាន់សាច់ប្រាក់ទាំង ៣ រូប ដំបូង ដែលឈ្នះពីការប្រើប្រាស់ LOLC Mobile!
ព្រឹត្តិការណ៍, អត្ថបទពាណិជ្ជកម្ម
• 18/02/2026
អតិថិជនប្រើប្រាស់ LOLC Mobile សម្រាប់ការចាយវាយប្រចាំថ្ងៃ មិនត្រឹមតែទទួលបានភាពងាយស្រួលក្នុងការទូទាត់នោះទេ អតិថិជនថែមទាំងទទួលបានអត្រាការប្រាក់ ៤% ក្នុងមួយឆ្នាំ
ឧបនាយករដ្ឋមន្ត្រីប្រចាំការ ៖ បច្ចេកវិទ្យា AI ជាកម្លាំងចលករយ៉ាងសំខាន់នៃកំណើនសេដ្ឋកិច្ចសម្រាប់រយៈពេល ១០ ទៅ ២០ ឆ្នាំខាងមុខ
ព្រឹត្តិការណ៍, អាជីវកម្មថ្មី និងនវានុវត្ត
• 18/02/2026
ឧបនាយករដ្ឋមន្ត្រីប្រចាំការ បានលើកឡើងថា បច្ចេកវិទ្យា AI ជាកម្លាំងចលករយ៉ាងសំខាន់នៃកំណើនសេដ្ឋកិច្ចសម្រាប់រយៈពេល ១០ ទៅ ២០ ឆ្នាំខាងមុខ
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content