បរទេស៖ យោងតាមការចេញផ្សាយរបស់កាសែតបាងកកប៉ុស្តិ៍នៅថ្ងៃចន្ទនេះបានឲ្យដឹងថា ការនាំចូលរថយន្តចូលទៅក្នុងទីផ្សារប្រទេសវៀតណាម អាចជួបនឹងបញ្ហាដោយសារការហាមប្រាម និងការរឹតត្បិតនីតិវិធីលើការនាំចូលដើម្បីទប់ស្កាត់ការរីករាលដាលនៃជំងឺកូវីដ ខណៈដែលបច្ចុប្បន្នប្រភេទរថយន្ត Pick-Up និងប្រភេទរថយន្ត tourist bus ដែលផលិតនៅប្រទេសថៃកំពុងមានការពេញនិយមនៅក្នុងប្រទេសរបស់ខ្លួន។
ប្រភពដដែលបានឲ្យដឹងទៀតថាបញ្ហានៃការនាំចូលនេះអាចកើតឡើងនៅក្នុងពេលដែលរដ្ឋាភិបាលនៃទីក្រុងហានូយចាប់ផ្តើមអនុវត្តផែនការលុបបំបាត់ការបំពុលអាកាសរបស់អ៊ឺរ៉ុបកម្រិត 5 ឬដែលហៅថា EURO 5 ។ មានន័យថា រាល់ក្រុមហ៊ុនដែលផលិតរថយន្តទាំងឡាយណាដែលមិនបានផ្លាស់ប្តូរប្រព័ន្ធនៃបច្ចេកវិទ្យាស្របទៅតាមស្តង់ដាបរិស្ថាននោះទេ អាចនឹងត្រូវក្លាយជាជនរងគ្រោះដោយមិនអនុញ្ញាតឲ្យមានការនាំចូលក្នុងប្រទេសវៀតណាមនោះទេ។
ជាមួយនឹងផែនការរបស់រដ្ឋាភិបាលក្រុងហាណូយខាងលើនេះ សហព័ន្ធឧស្សាហកម្មផលិតរថយន្តរបស់ប្រទេសថៃ (FTI) បានចាប់ផ្តើមធ្វើការសិក្សាទៅលើការងារស្ទាបស្ទង់មួយទៅកាន់សមាជិករបស់ខ្លួនដែលជាអ្នកផលិតរថយន្តទាំងអស់ ដើម្បីដឹងថាតើពួកគេនឹងមានបំណង ឬចង់រៀបចំផែនការថ្មីដើម្បីអាចទល់ទល់ទៅនឹងភាពប្រឈមចំពោះមុខទៅលើបញ្ហាពាណិជ្ជកម្មរថយន្តមួយនេះដោយរបៀបណា។
“ពួកយើងជឿជាក់ថា ការនាំចេញរថយន្តរបស់ថៃគឺអាចក្លាយទៅជាអ្នកទទួលរងផលប៉ះពាល់ជាមិនខាន ប៉ុន្តែយើងមិនអាចទស្សទាយបានទេថា វានឹងមានទំហំប៉ុណ្ណា ឬកម្រិតណានោះទេ ហើយសង្ឃឹមថាវាអាចទទួលបាននូវការឆ្លើយតបពីសមាជិកជាក្រុមហ៊ុនអ្នកផលិតរបស់យើងទាំងអស់ក្នុងពេលឆាប់ៗនេះ”
អនុប្រធាន និងជាអ្នកនាំពាក្យរបស់ FTI លោក Surapong Paisitpatanapong
ដោយឡែក លោក Pisit Rangsaritwutikul ប្រធានវិទ្យាស្ថានគ្រឿងយន្តរបស់ប្រទេសថៃ (TAI) បានអះអាងថា ទោះបីជាយ៉ាងណាក៏ដោយ ផលប៉ះពាល់នេះនឹងមិនជះឥទ្ធិពលខ្លាំងក្លាពេកនោះទេ ព្រោះលោកមានជំនឿថារដ្ឋាភិបាលនៃប្រទេសទាំង2នឹងអាចធ្វើការចរចាពិភាក្សាគ្នាដើម្បីស្វែងរកដំណោះស្រាយបានជាមិនខាន។
លើសពីនេះថៃក៏នឹងបានរៀបចំផែនការក្នុងការលើកយកបញ្ហាស្តង់ដា EURO 5 នេះទៅពិភាក្សានៅក្នុងកិច្ចប្រជុំរបស់អង្គការពាណិជ្ជកម្មពិភពលោក WTO ដែលគ្រោងនឹងធ្វើឡើងនៅទីក្រុង Geneva នាខែវិច្ឆិកាខាងមុខនេះផងដែរ។
គួរឲ្យដឹងដែរថា ស្តង់ដា EURO 5 គឺជាស្តង់ដាមួយរបស់សហភាពអឺរ៉ុបនៅក្នុងកិច្ចការងារប្រយុទ្ធប្រឆាំងទៅនឹងការបំពុលបរិយាកាសផែនដីដែលក្នុងនោះមានទាំងអស់ 7 កម្រិតដូចជា EURO 1, EURO 2, EURO 3, EURO 4, EURO 5, EURO 6 និង EURO 7 ហើយ EURO 5 នឹងដាក់បំរាមចំពោះរថយន្តទាំងឡាយណាដែលផលិតនៅត្រឹមឆ្នាំ2009 ៕
ធ្លាប់បំពេញការងារជាអ្នកបកប្រែអត្ថបទសារព័ត៌មានជាភាសាខ្មែរជាមួយនឹងស្ថាប័នព័ត៌មានមួយចំនួនរយៈពេល៧ឆ្នាំ។ បទពិសោធបកប្រែប្រភេទព័ត៌មានអន្តរជាតិនយោបាយសេដ្ឋកិច្ចនិងកីឡាផង។ បច្ចុប្បន្នកំពុងបំពេញការងារជាអ្នកបកប្រែអត្ថបទសារព័ត៌មានសេដ្ឋកិច្ចអន្តរជាតិឱ្យសារព័ត៌មាន AMS Economy.
របាយការណ៍ថ្មីៗ
មើលទាំងអស់ ➧ព័ត៌មានទូទៅ
មើលទាំងអស់ ➧ទទួលផលពីអាជីវកម្មបរិយាបន្ន សហគមន៍កសិកម្មមួយអាចផ្គត់ផ្គង់បន្លែបានជាង១តោន ក្នុងមួយខែ
ធុរកិច្ចបរិយាបន្ន, ព្រឹត្តិការណ៍, សេដ្ឋកិច្ច
• 19/04/2024
អាជីវកម្មបរិយាបន្ន គឺជាប្រភេទអាជីវកម្មគំរូថ្មីមួយដែលអាចផ្ដល់អត្ថប្រយោជន៍ជាច្រើនដល់អ្នកពាក់ព័ន្ធ និងអាចជំរុញសេដ្ឋកិច្ចទាំងក្នុងសហគមន៍ និងប្រទេសជាតិមួយ។
Good Nature Agro (GNA) ជួយកសិករខ្នាតតូចបង្កើនប្រាក់ចំណូលតាមរយៈការអនុវត្តកសិកម្មប្រកបដោយភាពច្នៃប្រតិដ្ឋ
ធុរកិច្ចបរិយាបន្ន, ព្រឹត្តិការណ៍, អាជីវកម្មថ្មី និងនវានុវត្ត
• 19/04/2024
Good Nature Agro (GNA) ជួយកសិករខ្នាតតូចបង្កើនប្រាក់ចំណូលតាមរយៈការអនុវត្តកសិកម្មប្រកបដោយភាពច្នៃប្រតិដ្ឋ
e-Choupal ជាវេទិកាអនឡាញធំបំផុតនៅឥណ្ឌាជួយនាំចេញកសិផលដោយផ្ទាល់ពីកសិករក្រីក្ររាប់លាននាក់
ធុរកិច្ចបរិយាបន្ន, ព្រឹត្តិការណ៍, អាជីវកម្មថ្មី និងនវានុវត្ត
• 19/04/2024
e-Choupal គែជាច្រកនាំចេញកសិផលដ៏ធំបំផុតមួយរបស់ឥណ្ឌាតាមរយៈបណ្តាញអ៊ិនធឺណេតដោយគិតមកដល់ពេលនេះមានកសិករក្រីក្រប្រមាណជា៤លាននាក់កំពុងអាស្រ័យផល