សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ក្រោមកិច្ចគាំទ្រពីសំណាក់រដ្ឋាភិបាលជប៉ុនទៅលើការបើកឱកាសនៃការនាំចេញផលិតផលកសិផលកម្ពុជា បច្ចុប្បន្នផលិតផលគ្រាប់ស្វាយចន្ទីបាននាំចូលទៅដល់ទីផ្សារប្រទេសជប៉ុនហើយ និងកំពុងបង្ហាញពីប្រជាប្រិយភាពរបស់ខ្លួនគួរឱកត់សម្គាល់ រួមជាមួយនឹងគម្រោងបង្កើនលទ្ធភាពនៃការនាំចេញឲ្យបានកាន់តែច្រើនបន្ថែមទៀត។
ជាមួយនឹងការទទួលបានឱកាសដូចបង្ហាញជូនខាងលើនេះ តាមរយៈសិប្បកម្មកែច្នៃគ្រាប់ស្វាយចន្ទី ជ័យ សំបូរ ក្រោមកិច្ចគាំទ្រពីសំណាក់ក្រសួងកសិកម្ម រុក្ខាប្រមាញ់ និងនេសាទ បាននាំចេញគ្រាប់ស្វាយចន្ទីកែច្នៃរួចជាផលិតផលសម្រេចចំនួន7តោនទៅកាន់ប្រទេសជប៉ុនសម្រាប់លើកទី1 ហើយលើកទី2 នឹងនាំចេញចំនួន 9 តោនទៀត ខណៈដែលពេលនេះបានដាក់ចូលក្នុងទូកុងទីន័រសម្រាប់នាំចេញរួចរាល់ ដោយគ្រោងចេញដំណើរនៅត្រឹមថ្ងៃទី17 ខែមិថុនាក្នុងសប្ដាហ៍នេះ ហើយសង្ឃឹមថាផលិតផលខ្មែរប្រភេទនេះនឹងទៅដល់ទីក្រុង OSAKA នៅថ្ងៃទី15 ខែកក្កដា ឆ្នាំ2021 ខាងមុខនេះ។
លោកស្រី អ៊ិន ឡៃហួត ម្ចាស់សិប្បកម្មកែច្នៃគ្រាប់ស្វាយចន្ទី ជ័យ សំបូរ បានបញ្ជាក់ថាសិប្បកម្មមានគម្រោងនាំចេញក្នុងបរិមាណ 9 តោន ជារៀងរាល់ខែ ហើយបរិមាណនេះនឹងមានការកើនឡើងតាមការបញ្ជាទិញពីទីផ្សារជប៉ុននាពេលអនាគត។ ក្រៅពីទីផ្សារអន្តរជាតិ សិប្បកម្មកែច្នៃគ្រាប់ស្វាយចន្ទី ជ័យសំបូរ បានផ្គត់ផ្គង់ឲ្យទីផ្សារក្នុងស្រុកមួយចំនួនទៀត ដូចជាទីផ្សារសហករណ៍សរីរាង្គខ្មែរ លក់ដុំ លក់រាយជូនអតិថិជនទៅតាមបណ្តាខេត្ត និងតំបន់ទេសចរណ៍ប្រាសាទសំបូរព្រៃគុកជាដើម។
ស្ថិតនៅក្នុងគម្រោងនៃការបង្កើនលទ្ធភាពផលិត និងការនាំចេញ បច្ចុប្បន្ន សិប្បកម្មកែច្នៃគ្រាប់ស្វាយចន្ទី ជ័យសំបូរ បានចុះកិច្ចព្រមព្រៀងជាមួយក្រុមហ៊ុនជប៉ុន Top Planning Japan (TPJ) ក្នុងការទិញគ្រាប់ស្វាយចន្ទីយកទៅធ្វើការកែច្នៃសាកល្បងប្រមាណចំនួន 150តោន។ ដោយឡែកចំពោះទុនវិនិយោគពាណិជ្ជកម្ម ក្រុមហ៊ុនបានចរចាតម្លៃអាស្រ័យលើប្រភេទ និងគុណភាពជាក់ស្ដែង និងស្របតាមតម្លៃទីផ្សារប្រមាណ 20 ម៉ឺនដុល្លារកាលពីឆ្នាំ2020។
ដោយឡែកនៅឆ្នាំ2021 នេះសិប្បកម្មគ្រោងទិញគ្រាប់ស្វាយចន្ទីចំនូន 1,000 តោនពីកសិករដែលក្នុងនោះក៏នឹងសាកល្បងកែច្នៃគ្រាប់ស្វាយចន្ទីសរីរាង្គចំនួន 30 តោន ដែលទទួលទិញពីសហគមន៍ផលិតគ្រាប់ស្វាយចន្ទីសរីរាង្គក្នុងខេត្តព្រះវិហារ។ ក្នុងទិសដៅអនាគត TPJ សហការជាមួយសិប្បកម្មកែច្នៃគ្រាប់ស្វាយចន្ទី ជ័យសំបូរ ក្រោមកិច្ចសម្របសម្រួលពីនាយកដ្ឋានកសិ-ឧស្សាហកម្មនឹងបង្កើនការនាំចេញទៅកាន់ទីផ្សារអឺរ៉ុប សហរដ្ឋអាមេរិក កាណាដា ចិន និងអូស្ត្រាលី រួមទាំងបង្កើនទំហំផលិតកម្មកែច្នៃគ្រាប់ស្វាយចន្ទីឱ្យបាន 20តោន/ខែ និងបង្កើនបរិមាណប្រមូលទិញគ្រាប់ស្វាយចន្ទីស្រស់ចំនួន 1,000តោន ក្នុងឆ្នាំ2021។
ជាមួយគ្នានេះ ដោយសហការជាមួយសមាគមស្វាយចន្ទីកម្ពុជា បច្ចុប្បន្នក្រុមហ៊ុនបានកសាងឃ្លាំងស្តុកគ្រាប់ស្វាយចន្ទីស្រស់ដែលមានសមត្ថភាពស្តុកទុកគ្រាប់យ៉ាងតិច 5,000តោន ដើម្បីធានាបរិមាណផ្គត់ផ្គត់ និងតម្លៃកិច្ចសន្យា។ នៅ ឆ្នាំ2023 ក្រុមហ៊ុន TPJ គ្រោងបង្កើតរោងចក្រកែច្នៃ ដែលមានសមត្ថភាពផលិតបានរហូតដល់ 2,000-3,000តោន/ឆ្នាំ៕
ជីវប្រវត្តិ: បានបញ្ចប់ការសិក្សាថ្នាកអនុបណ្ឌិតផ្នែកប្រព័ន្ធផ្សព្វផ្សាយមកពីសហភាពសូវៀត និងមានបទពិសោធន៍ជាង ២០ឆ្នាំក្នុងវិស័យសារព័ត៌មាន។ បច្ចុប្បន្ន លោកជាអ្នកយកព័ត៌មានសេដ្ឋកិច្ចឱ្យសារព័ត៌មាន AMS Economy ។
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
Kukula Solar ធ្វើការជាមួយអ្នកលក់ផលិតផលថាមពលពន្លឺព្រះអាទិត្យជាស្ត្រី និងយុវជនពីសហគមន៍ក្រីក្រ
ធុរកិច្ចបរិយាបន្ន, ព្រឹត្តិការណ៍, សេដ្ឋកិច្ច
• 25/04/2024
គំរូអាជីវកម្មបរិយាបន្នរបស់ Kukula Solar គឺការធ្វើការជាមួយអ្នកលក់ផលិតផលថាមពលពន្លឺព្រះអាទិត្យជាស្ត្រី និងយុវជនពីសហគមន៍មូលដ្ឋាន ដើម្បីជំរុញការធ្វើទីផ្សារផលិតផលពន្លឺព្រះអាទិត្យ និងផ្តល់ការគាំទ្របន្ថែមដូចជាការជួសជុល និងសេវាកម្មអតិថិជនក្នុងសហគមន៍របស់ពួកគេ
ពិភពលោកឆ្ពោះទៅរកថាមពលកាបូនកម្រិតទាប ប៉ុន្តែត្រូវគ្រប់គ្រងឲ្យមានប្រសិទ្ធភាពលើវត្ថុធាតុដើមកម្រ
ព្រឹត្តិការណ៍, អាជីវកម្មថ្មី និងនវានុវត្ត
• 25/04/2024
ពិភពលោកឆ្ពោះទៅរកថាមពលកាបូនកម្រិតទាប ប៉ុន្តែត្រូវគ្រប់គ្រងឲ្យមានប្រសិទ្ធភាពលើវត្ថុធាតុដើមកម្រ
Barefoot College ជួយផ្លាស់ប្តូរជីវភាពសហគមន៍ក្រីក្រ និងជួយបណ្តុះបណ្តាលស្ត្រីទៅជាវិស្វករក្នុងវិស័យថាមពលសូឡា
ធុរកិច្ចបរិយាបន្ន, ព្រឹត្តិការណ៍, អាជីវកម្មថ្មី និងនវានុវត្ត
• 24/04/2024
Barefoot College បាន និងបន្តបេសកកម្មរបស់ខ្លួនទៅតាមគោលការណ៍អភិវឌ្ឍប្រកបដោយចិរភាព ហើយបានចូលរួមក្នុងកិច្ចការងារជាច្រើនជាមួយប្រជាសហគមន៍ក្រីក្រ
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content