សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ នៅក្នុងរយៈពេល ៣ខែ ដើមឆ្នាំ២០២៤ កម្ពុជាផលិតគ្រាប់ស្វាយចន្ទីឆៅបានជាង ៤៧៤ ០០០តោន ដោយក្នុងនោះបាននាំចេញទៅប្រទេសវៀតណាមចំនួន ៤២៤ ០០០ តោន គិតជាទឹកប្រាក់ ៥៤៣ លានដុល្លារ ។ នេះបើតាមការឱ្យដឹងពីប្រធានសមាគមស្វាយចន្ទីកម្ពុជា។
លោក អួន ស៊ីឡុត ប្រធានសមាគមស្វាយចន្ទីកម្ពុជា (សសក) បានប្រាប់ AMS Economy នារសៀលថ្ងៃទី ១៩ ខែមេសា ឆ្នាំ២០២៤ថា ៖ ការនាំចេញស្វាយចន្ទីរយៈពេល ៣ ខែដើមឆ្នាំនេះ មានការកើនឡើង ១៣% បើធៀបរយៈពេលដូចគ្នាកាលពីឆ្នាំមុន ខណៈដែលតម្លៃក៏ទទួលបានភាពល្អប្រសើរ ខណៈដែលការកើនឡើងថ្លៃនេះដោយសារសមាជិកសមាគមស្វាយចន្ទីកម្ពុជា បាននាំគ្នាហាលទុកតាមការអំពាវនាវរបស់ ស.ស.ក កាលពីអំឡុងក្នុងខែកុម្ភៈ និងដើមខែមិនា ដែលតម្លៃធ្លាក់ចុះ ធ្វើឲ្យរំហូរគ្រាប់ឆៅស្រស់ថយចុះយ៉ាងខ្លាំងលើទីផ្សារ។ ការនាំចេញទៅវៀតណាមនាខែកុម្ភៈធ្លាក់ចុះរហូត ៣២% និងបន្តធ្លាក់ចុះនៅខែមីនាទៀត ធ្វើឲ្យតម្លៃគ្រាប់ឆៅហើបឡើងវិញនៅពាក់កណ្តាលខែមិនា។
ទាក់ទងនឹងតម្លៃគ្រាប់ស្វាយចន្ទី លោក អួន ស៊ីឡុត បានបញ្ជាក់ឱ្យដឹងថា ជាមធ្យមគ្រាប់ស្វាយចន្ទីស្ងួតមានតម្លៃ ១ ២០០ ដុល្លារក្នុង១តោន។ ដោយឡែក នៅខែមេសានេះគ្រាប់សើមមានតម្លៃ ៥០០០រៀល ក្នុង១គីឡូក្រាម ដែលជាតម្លៃខ្ពស់ជាងគេក្នុងរយៈពេល១៥ឆ្នាំកន្លងទៅនេះ។
យោងតាមរបាយការណ៍សមាគមស្វាយចន្ទីកម្ពុជានៅឆ្នាំ២០២៣ កម្ពុជាសម្រេចបាននូវការនាំចេញគ្រាប់ស្វាយចន្ទីឆៅទៅទីផ្សារអន្តជាតិបានចំនួន ៦៥ ម៉ឺន ៦ ពាន់តោន ថយចុះ ៧.៦% គិតជាទឹកប្រាក់ចំនួន ៨៣៧ លានដុល្លារបើប្រៀបធៀបឆ្នាំ២០២២៕
Account
Security
Favourite Content