សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ រដ្ឋាភិបាលចិនបានអំពាវនាវឲ្យមានការស៊ើបអង្កេតនៅមន្ទីរពិសោធន៍អាមេរិកដែលអាចទាក់ទងនឹងប្រភពដើមនៃវីរុសកូវីដ-១៩ បន្ទាប់ពីមានការចោទប្រកាន់ជាច្រើនដែលថាប្រភពនៃវីរុសនេះគឺលេចចេញពីមន្ទីរពិសោធន៍នៅវូហានប្រទេសចិន។
អ្នកនាំពាក្យក្រសួងការបរទេសចិន លោកស្រី Hua Chunying និងសហការីចំនួនពីរនាក់នៅក្រសួងការបរទេសដូចគ្នាគឺ លោក Zhao Lijian និងលោក Wang Wenbin បានអំពាវនាវឱ្យមានការស៊ើបអង្កេតលើមន្ទីរពិសោធន៍ Fort Detrick សរុបចំនួន ៣៣ ដងនៅក្នុងសន្និសីទសារព័ត៌មានផ្លូវការ។
តាមការរាយការណ៍របស់សារព័ត៌មាន South China Morning Post បន្ទាប់ពីលោក Joe Biden ឡើងកាន់តំណែងជាប្រធានាធិបតីសហរដ្ឋអាមេរិកកាលពីខែមករាកន្លងទៅនេះរួចមក មានការអំពាវនាវឲ្យមានការស៊ើបអង្កេតទៅលើវិទ្យាស្ថាននេះមានចំនួន ២៧ រួចមកហើយទាក់ទងនឹងប្រពភនៃវីរុសកូវីដ-១៩។
កាលពីថ្ងៃទី២២ ខែមិថុនាកន្លងទៅ អ្នកនាំពាក្យក្រសួងការបរទេសចិន លោកស្រី Hua Chunying បាននិយាយដោយបង្ហោះជាសារនៅក្នុងបណ្តាញសង្គម Twitter ថា៖
«ករណីផលប៉ះពាល់ទៅដល់សួតដែលបណ្តាលដោយសារជក់បារីអេឡិចត្រូនិច(EVALI)បានកើតឡើងនៅរដ្ឋ Wisconsin ក្នុងខែកក្កដា ឆ្នាំ ២០១៩ ដោយករណីនេះមានរោគសញ្ញាស្ទើរតែដូចទៅនឹងវីរុសកូវីដ-១៩ ។ លោកស្រី Hua បានបន្តនិយាយថា កន្លែងដែលមានករណីនេះគឺស្ថិតនៅក្បែរមន្ទីរពិសោធន៍ Fort Detrick»
ការផ្តោតទៅលើមន្ទីរពិសោធន៍ Fort Detrick គឺជាការប្រឆាំងទៅនឹងសម្មតិកម្មដែលបានលើកឡើងពីប្រទេសចិនដែលថា ការរាតត្បាតវីរុសកូវីដ-១៩ អាចចេញពីមន្ទីរពិសោធន៍ Wuhan ប្រទេសចិន។
គួរបញ្ជាក់ផងដែរថា មន្ទីរពិសោធន៍ Fort Detrick គឺជាបញ្ជាការស្រាវជ្រាវ និងអភិវឌ្ឍន៍វេជ្ជសាស្រ្តកងទ័ពសហរដ្ឋអាមេរិក (MRDC) គាំទ្រដល់សហគមន៍រដ្ឋាភិបាលជាច្រើនដែលធ្វើការស្រាវជ្រាវ និងអភិវឌ្ឍន៍ជីវសាស្រ្ត ការគ្រប់គ្រងសម្ភារៈវេជ្ជសាស្ត្រ ការទំនាក់ទំនងនៅទូទាំងពិភពលោក និងការសិក្សាអំពីភ្នាក់ងារបង្កជំងឺ។
ការលើកឡើងដំបូងរបស់ទីក្រុងប៉េកាំងអំពី Fort Detrick បានកើតឡើងនៅខែមីនា ឆ្នាំ២០២០ ភ្លាមៗបន្ទាប់ពីប្រធានាធិបតីអាមេរិក Donald Trump បានអះអាងដោយគ្មានភស្តុតាងថាវីរុសនេះលេចចេញមន្ទីរពិសោធន៍នៅទីក្រុង Wuhan ។
មួយថ្ងៃបន្ទាប់ពីរបាយការណ៍របស់អង្គការសុខភាពពិភពលោកត្រូវបានចេញផ្សាយថា វីរុសកូវីដ-១៩អាចមិនលេចចេញពីមន្ទីរពិសោធន៍ប្រទេសចំនួន ១៤ រួមមានសហរដ្ឋអាមេរិក អង់គ្លេស អូស្រ្តាលី ជប៉ុន កូរ៉េខាងត្បូង និងកាណាដា ដោយបានចេញសេចក្តីថ្លែងការណ៍រួមមួយក្នុងចេតនាបង្ហាញពីការព្រួយបារម្ភអំពីកង្វះលទ្ធភាពទទួលបានទិន្នន័យមន្ទីរពិសោធន៍ Wuhan សម្រាប់ការស៊ើបអង្កេត។
អ្នកនាំពាក្យចិនលោក Zhao បាននិយាយទាក់ទងនឹង Fort Detrick ដោយលោកចោទជាសំណួរថា
តើយោធាអាមេរិកបានធ្វើអ្វីខ្លះនៅក្នុងមន្ទីរពិសោធន៍ទាំងនេះ និងមូលដ្ឋាននៅឯ Fort Detrick? លោកបាននិយាយថា៖
«ជាថ្មីម្តងទៀតយើងសូមអំពាវនាវដល់សហរដ្ឋអាមេរិកឱ្យប្រកាន់អាកប្បកិរិយាប្រកបដោយការទទួលខុសត្រូវឆ្លើយតបដោយយកចិត្តទុកដាក់ចំពោះការព្រួយបារម្ភរបស់អន្តរជាតិ និងផ្តល់ការបញ្ជាក់ពេញលេញអំពីសកម្មភាពយោធារបស់ខ្លួនទាំងក្នុង និងក្រៅប្រទេស»
ការសិក្សារួមគ្នាលើប្រភពដើមនៃវីរុសកូវីដ-១៩ ដោយអ្នកជំនាញចិន និងអង្គការសុខភាពពិភពលោកកាលពីខែមីនាកន្លងទៅនេះ បានច្រានចោលសម្មតិកម្មដែលថាវីរុសនេះគឺលេចចេញពីមន្ទីពិសោធន៍ Wuhan ប្រទេសចិន។ ភ័ស្តុតាងបន្ថែមទៀតបានចង្អុលបង្ហាញពីការពិតដែលថាវីរុសនេះប្រហែលជាចម្លងពីប្រចៀវទៅមនុស្សតាមរយៈអន្តរការីមួយ ហើយវាមិនអាចទំនងលេចចេញពីមន្ទីរពិសោធន៍នោះទេ៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
សមយុទ្ធត្រីភាគី បង្ហាញពីផែនការរយៈពេលវែងរបស់ក្រុងវ៉ាស៊ីនតោននៃការបង្កើត NATO អាស៊ី
ព្រឹត្តិការណ៍, អាជីវកម្មថ្មី និងនវានុវត្ត
• 11/09/2026
បរទេស ៖ ការធ្វើសមយុទ្ធយោធាជាបន្តបន្ទាប់រវាងសហរដ្ឋអាមេរិក កូរ៉េខាងត្បូង និងជប៉ុន បានបង្ហាញយ៉ាងច្បាស់ថា ទីក្រុងវ៉ាស៊ីនតោន កំពុងបន្តរុញច្រានផែនការយុទ្ធសាស្ត្ររយៈពេលវែងរបស់ខ្លួននៃការបង្រួបបង្រួមសម្ព័ន្ធមិត្តក្នុងតំបន់ឱ្យទៅជារចនាសម្ព័ន្ធនយោបាយយោធាដ៏រឹងមាំមួយ ដែលត្រូវបានគេមើលឃើញយ៉ាងទូលំទូលាយដែលមានគំរូដំណើរការដូចជាអង្គការ NATO ប៉ុន្តែនៅក្នុងតំបន់អាស៊ី។ នៅក្នុងអត្ថបទមួយដែលត្រូវបានសរសេរដោយអ្នកស្រាវជ្រាវដ៏ល្បី លោក Konstantin Asmolov នៅមជ្ឈមណ្ឌលស្រាវជ្រាវអំពីកូរ៉េ និងវិទ្យស្ថានជាតិរុស្ស៊ីនៃវិទ្យាសាស្ត្រ ត្រូវបានដកស្រង់មកចេញផ្សាយដោយកាសែតរុស្សី RT បានឲ្យដឹងថា
គ្រឹះស្ថានមីក្រូហិរញ្ញវត្ថុ អិលអូអិលស៊ី (ខេមបូឌា) ភីអិលស៊ី ទទួលបានការចុះបញ្ជីលក់សញ្ញាបណ្ណចីរភាពនៅផ្សារមូលបត្រកម្ពុជាជាផ្លូវការ
ព្រឹត្តិការណ៍, អត្ថបទពាណិជ្ជកម្ម
• 11/09/2026
ភ្នំពេញ ៖ នាព្រឹកថ្ងៃព្រហស្បតិ៍ ១៣រោច ខែស្រាពណ៍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១០ ខែកញ្ញា ឆ្នាំ២០២៦ ផ្សារមូលបត្រកម្ពុជា បានប្រារព្ធ “ពិធីចុះបញ្ជីលក់សញ្ញាបណ្ណចីរភាពជាផ្លូវការរបស់គ្រឹះស្ថានមីក្រូហិរញ្ញវត្ថុ អិលអូអិលស៊ី (ខេមបូឌា) ភីអិលស៊ី”ក្រោមអធិបតីភាពដ៏ខ្ពង់ខ្ពស់របស់ ឯកឧត្តមបណិ្ឌតសភាចារ្យ ហ៊ាន សាហ៊ីប
កម្មវិធីពិសេសរបស់ AMS ECONOMY
ព័ត៌មានសង្ខេប
ព័ត៌មានផ្សេងៗទៀត
អាម៉េរិក ដាក់ទណ្ឌកម្មលើក្រុមហ៊ុនអាកាសចរណ៍អុីរ៉ង់ និងភ្នាក់ងារផ្តល់សេវាកម្មទាំងអស់ ដើម្បីបន្ថែមសម្ពាធសេដ្ឋកិច្ច
អាម៉េរិក បន្តដាក់ទណ្ឌកម្មថ្មីប្រឆាំងនឹងគុយបា ដើម្បីផ្តួលរលំរបបដឹកនាំ និងទប់ស្កាត់ការគំរាមកំហែង
Account
Security
Favourite Content