សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ អ្នកអភិវឌ្ឍន៍នៅក្នុងវិស័យអចលនទ្រព្យបានបង្ហាញពីភាពសុទិដ្ឋិនិយម និងជំនឿជឿជាក់ថា នៅដើមឆ្នាំ២០២២ខាងមុខនេះ ទីផ្សារអចលនទ្រព្យ ជាពិសេសផ្នែកលំនៅដ្ឋានកម្មសិទ្ធិឯកជនផ្ទាល់ដីនឹងមានកំណើនកើនឡើងវិញ ក្រោយពេលដែលរាជរដ្ឋាភិបាលបើកចំហរសេដ្ឋកិច្ច និងមានភាពថមថយនៃការឆ្លងជំងឺនៅទូទាំងប្រទេស។
លោកឧកញ៉ា នួន រិទ្ធី ប្រធានក្រុមប្រឹក្សាភិបាលក្រុមហ៊ុន KFA Group ដែលជាអ្នកអភិវឌ្ឍន៍យ៉ាងសកម្មនៅក្នុងវិស័យអចលនទ្រព្យ និងលំនៅដ្ឋានផ្ទាល់ដី បានមានប្រសាសន៍ប្រាប់ AMS ថា នៅដើមឆ្នាំ២០២២ខាងមុខនេះ កំណើននៃការលក់លំនៅដ្ឋានផ្ទាល់ដីនឹងកើនឡើង ខណៈវិស័យអាទិភាពសំខាន់ចាប់មានដំណើរការចរន្តឡើងវិញ។
លោកឧកញ៉ាបានមានប្រសាសន៍ថា ៖
«ការរំពឹងទុករបស់ខ្ញុំចំពោះទីផ្សារលំនៅដ្ឋានគឺនៅតែរក្សាបានភាពល្អប្រសើរបើទោះបីជាមានការរំខានពីវិបត្តិជំងឺឆ្លងជាង១ឆ្នាំនោះក៏ដោយ។ ជាក់ស្ដែង សកម្មភាពសាងសង់សំណង់លំនៅដ្ឋានក្នុងបុរីកៀនស្វាយ ផាក របស់ខ្ញុំនៅតែដំណើរការយ៉ាងរលូនមិនមានរាំងស្ទះនោះទេ ហើយជាឱកាសល្អដែរ នៅដើមឆ្នាំ២០២២ខាងមុខនេះ សំណង់លំនៅដ្ឋានរបស់ខ្ញុំត្រូវបានសាងសង់ស្ទើររួចរាល់ទាំងស្រុង ដែលនឹងអាចទទួលបានចំណែកទីផ្សារច្រើនជាមិនខាន»
ពាក់ព័ន្ធទៅនឹងវិស័យសំណង់ និងអចលនទ្រព្យ កាលពីសប្ដាហ៍មុននេះ សម្ដេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាបានលើកឡើងថា បញ្ហាកូវីដមិនបានធ្វើឲ្យវិស័យសំណង់នៅកម្ពុជារាំងស្ទះជាប់គាំងនោះទេ។
សម្ដេចតេជោបានមានប្រសាសន៍ថា ៖
«ទោះជាស្ថិតនៅក្នុងអំឡុងពេលមានវិបត្តិនៃជំងឺកូវីដ វិស័យសំណង់នៅកម្ពុជានៅតែបន្តភាពរឹងម៉ាំ ហើយក្រុមហ៊ុនសាងសង់ និងបុរីជាច្រើន មិនបានផ្អាកសកម្មភាពសាងសង់របស់ខ្លួននោះទេ ពោលគឺមានតែខ្វះកម្លាំងពលកម្មជំនាញទៅវិញ»
ភ្ជាប់ជាមួយនឹងអនុសាសន៍របស់សម្ដេចតេជោ ហ៊ុន សែន ខាងលើនេះ លោកឧកញ៉ា នួន រិទ្ធី បានបង្ហាញពីការគាំទ្រ ជាមួយនឹងការបញ្ជាក់ថា នៅដើមឆ្នាំ២០២២ ក្រោយពេលដែលរាជរដ្ឋាភិបាលបើកសេដ្ឋកិច្ចឡើងវិញ ប្រជាជនទូទាំងប្រទេសភាគច្រើនសុទ្ធតែបានចាក់វ៉ាក់សាំងបង្ការការឆ្លងជំងឺ បានបង្កើនទឹកចិត្ត និងទំនុកចិត្តដល់បងប្អូនប្រកបអាជីវកម្មទូទៅ ក៏ដូចជាអ្នកវិនិយោគក្នុងស្រុកឲ្យបង្កើនសកម្មភាពឡើងវិញ ហើយក៏មានឱកាសទទួលបានចំណូលច្រើនជាងឆ្នាំកន្លងទៅផងដែរ។ លោកឧកញ៉ា នួន រិទ្ធី បានបញ្ជាក់ទៀតថា ៖
«ជាធម្មតា នៅពេលដែលពួកគាត់មានទំនុកចិត្ត ពួកគាត់នឹងចេញដើរខាងក្រៅប្រកបអាជីវកម្មឡើងវិញ ហើយអ្នកដែលមានតម្រូវការលំនៅដ្ឋានសម្រាប់ស្នាក់នៅក៏នឹងចេញមើលតាមគម្រោងនានា ដូច្នេះវានឹងជំរុញឲ្យទីផ្សារអចលនទ្រព្យ ជាពិសេសផ្នែកលំនៅដ្ឋានផ្ទាល់ដីតម្លៃមធ្យមចាប់ផ្តើមមានកំណើនឡើងវិញជាក់ជាមិនខាន»
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
កម្ពុជា កំពុងពិនិត្យលទ្ធភាពកែច្នៃសំរាម ទៅជាអគ្គិសនី និងឥន្ធនៈ ដើម្បីបង្កើតតម្លៃសេដ្ឋកិច្ចជាតិ
Top News, ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត
• 02/10/2026
ភ្នំពេញ ៖ រាជរដ្ឋាភិបាលកម្ពុជា តាមរយៈក្រសួងបរិស្ថាន កំពុងពិនិត្យលទ្ធភាពកែច្នៃសំរាម និងសំណល់រឹង ទៅជាថាមពលអគ្គិសនី និងឥន្ធនៈ ដើម្បីបង្កើតតម្លៃសេដ្ឋកិច្ចជាតិ។ មន្ដ្រីជាន់ខ្ពស់ក្រសួងបរិស្ថាន បានប្រាប់បណ្ដាញសារព័ត៌មាន AMS នៅថ្ងៃទី២ ខែតុលា នេះ ថា លទ្ធភាពកែច្នៃទៅរួច ឬអត់ គឺស្ថិតនៅលើទុនវិនិយោគរបស់ក្រុមហ៊ុនធំណាមួយនឹងចូលខ្លួនមកកែច្នៃ ព្រោះគម្រោងនេះត្រូវចំណាយច្រើន
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content