ក្រុងព្រះសីហនុនឹងក្លាយជាទីក្រុងទំនើបប្រកបដោយសុខដុមនីយកម្មជាមួយនឹងបរិស្ថានរស់នៅល្អប្រសើរ

ព្រះសីហនុ ៖ រដ្ឋបាលខេត្តព្រះសីហនុ បានពិភាក្សាការងារជាមួយទីប្រឹក្សាគោលនយោបាយ នៃកម្មវិធីស្រ៊ីអាយ (3i) លើការរៀបចំក្របខណ្ឌប្រព័ន្ធឌីជីថល សម្រាប់ការផ្តល់សេវារដ្ឋបាលសាធារណៈ របស់រដ្ឋបាលខេត្តព្រះសីហនុ ដើម្បីចូលរួមប្រែក្លាយទៅជាក្រុងឆ្លាតវៃ ដែលជាខេត្តមានសក្តានុពលយ៉ាងធំធេង ក្នុងការរួមចំណែកអភិវឌ្ឍន៍សេដ្ឋកិច្ចជាតិ។

លោក គង់ វិតាណៈ អភិបាលរងខេត្តព្រះសីហនុ និងជាប្រធានក្រុមការងារទីក្រុងឆ្លាតវៃក្រុងព្រះសីហនុ លោក Razeb chowdhury ទីប្រឹក្សាគោលនយោបាយ នៃកម្មវិធីស្រ៊ីអាយ (3i) កាលពីថ្មីៗនេះ ដឹកនាំកិច្ចប្រជុំពិភាក្សាលើសេចក្តីព្រាងរបាយការណ៍ស្ថាបត្យកម្មបច្ចេកទេស និងក្របខណ្ឌអន្តរប្រតិបត្តិការទីក្រុងឆ្លាតវៃ ដោយមានការចូលរួមពីលោក លោកស្រី ប្រធានមន្ទីរអង្គភាពពាក់ព័ន្ធក្នុងខេត្ត ស្ថិតក្នុងសណ្ឋាគារឯករាជ្យ សង្កាត់លេខ៣ ក្រុងព្រះសីហនុ ខេត្តព្រះសីហនុ។

លោក គង់ វិតាណៈ អភិបាលរងខេត្ត និងជាប្រធានក្រុមការងារទីក្រុងឆ្លាតវៃក្រុងព្រះសីហនុ បានមានប្រសាសន៍ថា ខេត្តព្រះសីហនុ ជាខេត្តមានសក្តានុពលយ៉ាងធំធេង បានរួមចំណែកអភិវឌ្ឍន៍សេដ្ឋកិច្ចជាតិរួមមានវិស័យឧស្សាហកម្ម ពាណិជ្ជកម្ម ទេសចរណ៍ និងកសិកម្ម ដែលមានកំពង់ផែសមុទ្រទឹកជ្រៅជាងគេបំផុតក្នុងប្រទេសកម្ពុជា។

លោកបានថ្លែងបន្តថា រាជរដ្ឋាភិបាលកម្ពុជា ចាត់ទុកនិងប្រកាសប្រែក្លាយខេត្តព្រះសីហនុទៅជា“តំបន់សេដ្ឋកិច្ចពិសេសគំរូពហុបំណង”ស្របតាមគោលនយោបាយអភិវឌ្ឍន៍ វិស័យឧស្សាហកម្មកម្ពុជា ឆ្នាំ២០១៥-២០២៥ ក្រោមការសម្របសម្រួលពីក្រសួងសេដ្ឋកិច្ច និងហិរញ្ញវត្ថុ និងគណៈកម្មាធិការសម្របសម្រួលអន្តរក្រសួងរៀបចំផែនការមេ ដើម្បីអភិវឌ្ឍខេត្តព្រះសីហនុ ទៅជាខេត្តតំបន់សេដ្ឋកិច្ចគំរូពហុបំណង។

លោក គង់ វិតាណៈ បានថ្លែងដូច្នេះថា ៖

“បច្ចុប្បន្នក្រុមការងារក៏កំពុងធ្វើការសិក្សាប្រមូលទិន្នន័យរៀបចំនូវគោលបំណងគោលដៅ និងផែនការសកម្មភាព សម្រាប់ការរៀបចំផែនការមេ ដោយក្នុងចក្ខុវិស័យឆ្នាំ ២០៣០ គឺរៀបចំនិងអភិវឌ្ឍ ខេត្តព្រះសីហនុ ជាប៉ូលអភិវឌ្ឍជាតិប្រកបដោយចីរភាព នៅតំបន់ឆ្នេរសមុទ្រកម្ពុជា តាមរយៈការអភិវឌ្ឍទីក្រុងទំនើប រមណីយដ្ឋានឆ្នេរសមុទ្រដែលស្អាតបំផុតលើសកលលោក និងជាតំបន់សេដ្ឋកិច្ចពិសេសគំរូពហុបំណង ច្រកចេញ ចូលអន្តរជាតិ មជ្ឈមណ្ឌលកំណើនជាតិ មជ្ឈមណ្ឌលភស្តុភារកម្មជាតិ ដោយមានទំនាក់ទំនង ជាមួយទីផ្សារអាស៊ាន និងទីផ្សារសកលលោក និងជាមជ្ឈមណ្ឌលឧស្សាហកម្ម ផលិតកម្មបែបបច្ចេកវិទ្យាទំនើប ដែលមានសុខដុមនីយកម្មជាមួយនឹងបរិស្ថានរស់នៅល្អប្រសើរ”

លោកអភិបាលរងខេត្តបានរំពឹងថាក្រុងព្រះសីហនុ និងប្រែក្លាយជាទីក្រុងឆ្លាតវៃ ព្រមទាំងអាចប្រកួតប្រជែងជាមួយទីក្រុងផ្សេងៗទៀត ដោយកិច្ចការទាំងអស់នេះគ្រប់មន្ទីរអង្គភាពពាក់ព័ន្ធត្រូវចូលរួមជាមួយក្រុមការងារស្រ៊ីអាយ(3i) ដើម្បីប្រមូលធាតុចូល និងព័ត៌មានពាក់ព័ន្ធ ពីលោក លោកស្រី មកពីបណ្តាមន្ទីរអង្គភាពពាក់ព័ន្ធក្នុងខេត្ត និងរដ្ឋបាលក្រុងព្រះសីហនុ សម្រាប់គម្រោងសិក្សាគម្រោងទី១ ការបង្កើតស្ថាបត្យកម្មបច្ចេកទេសទីក្រុងឆ្លាតវៃ ឬយើងអាចហៅបានថា ជាក្របខណ្ឌប្រព័ន្ធឌីជីថល សម្រាប់ការផ្តល់សេវារដ្ឋបាលសាធារណៈ របស់រដ្ឋបាលខេត្តព្រះសីហនុ។

លោកបានថ្លែងបន្តថា ការចូលរួមពីអ្នកជំនាញទីក្រុងឆ្លាតវៃជាសកល ក្នុងការផ្តល់មតិយោបល់ ផ្តល់ព័ត៌មានសំខាន់ៗ និងលើកជាអនុសាសន៍ សម្រាប់រួមចំណែកដល់ការរៀបចំឯកសារក្របខណ្ឌនេះ កាន់តែទូលំទូលាយ និងគ្រប់ជ្រុងជ្រោយ ដែលការប្រមូលធាតុចូលនេះ ទាមទារឱ្យមានការចូលរួមពីគ្រប់ភាគីពាក់ព័ន្ធរួមទាំងផ្នែករដ្ឋាភិបាលធុរកិច្ច និងប្រជាពលរដ្ឋក្នុងខេត្ត ដើម្បីទីក្រុងព្រះសីហនុរបស់យើងប្រែក្លាយជាទីក្រុងឆ្លាតវៃ ហើយទីក្រុងឆ្លាតវៃគឺជាការប្រើប្រាស់បច្ចេកវិទ្យាបម្រើឱ្យជីវភាពរស់នៅ ក៏ដូចជាបំពេញការងារទៅតាមអង្គភាពនីមួយៗ។

លោក Razeb chowdhury ទីប្រឹក្សាគោលនយោបាយ នៃកម្មវិធីស្រ៊ីអាយ(3i)បានធ្វើបទបង្ហាញស្ដីពីកម្មវិធីវិនិយោគក្នុងវិស័យហេដ្ឋារចនាសម្ព័ន្ធស្រ៊ីអាយ(3i)ដែលជាកម្មវិធីជំនួយឥតសំណងរបស់ក្រសួងកិច្ចការបរទេស និងពាណិជ្ជកម្មអូស្ត្រាលី(DFAT)បាននិងកំពុងជួយដល់រាជរដ្ឋាភិបាលកម្ពុជាយ៉ាងសកម្ម ក្នុងរយៈពេល ៦ ឆ្នាំកន្លងមកនេះ ក្នុងការបំពេញចន្លោះខ្វះខាតក្នុងវិស័យហេដ្ឋារចនាសម្ព័ន្ធ ហើយកម្មវិធីស្រ៊ីអាយ(3i)បាននិងកំពុងសហការជាមួយរដ្ឋបាលខេត្តព្រះសីហនុ ដើម្បីបង្កើតយុទ្ធសាស្ត្រទីក្រុងឆ្លាតវៃ ក្នុងគោលបំណងបង្កើនល្បឿនប្រសិទ្ធភាព និងប្រសិទ្ធផល ក្នុងការរៀបចំផែនការផ្តល់សេវាសាធារណៈ និងហេដ្ឋរចនាសម្ពន្ធ័ក្រុង តាមរយៈការប្រើប្រាស់បច្ចេកវិទ្យាឌីជីថល ឱ្យប្រែក្លាយទៅជាទីក្រុងឆ្លាតវៃ និងអភិវឌ្ឍន៍ប្រកបដោយបរិយាបន្ន និងនិរន្តរភាព។

លោក Razeb chowdhury ទីប្រឹក្សាគោលនយោបាយ នៃកម្មវិធីស្រ៊ីអាយ(3i)បានបន្តទៀតថា យុទ្ធសាស្ត្រនេះ នឹងបង្ហាញនូវអាទិភាព គោលការណ៍ និងសកម្មភាពសំខាន់ៗសម្រាប់ជម្រុញការចូលរួមគៀងគរហិរញ្ញប្បទានពីវិស័យឯកជន ដោយក្នុងនោះយុទ្ធសាស្ត្រត្រូវមានការបំពេញបន្ថែមស្ថាបត្យកម្មបច្ចេកទេស ដែលជាមាគារបង្ហាញផ្លូវពីការរចនា និងអនុវត្តគម្រោងឌីជីថលផ្សេងៗ បច្ចុប្បន្នកម្មវិធីស្រ៊ីអាយ(3i) បាននិងកំពុងអនុវត្តគម្រោងសិក្សាចំនួនទាំងពីរ ដែលទទួលបានការយល់ព្រម និងសហការពីរដ្ឋបាលខេត្ត មានដូចខាងក្រោម៖

គម្រោងសិក្សាទី១.គឺសិក្សាបង្កើតស្ថាបត្យកម្មបច្ចេកទេស និងក្របខណ្ឌអន្តរប្រតិបត្តិការទីក្រុងឆ្លាតវៃគម្រោងសិក្សាពីស្តង់ដារ និងតម្រូវការប្រព័ន្ធឌីជីថល ដើម្បីអនុវត្តយុទ្ធសាស្ត្រទីក្រុងឆ្លាតវៃទាំងមូលរបស់ខេត្តព្រះសីហនុ ហើយការសិក្សានឹងបង្ហាញគំនូសបំព្រួញនៃ ប្រព័ន្ធឌីជីថលសំខាន់ៗរបស់ខេត្ត-ក្រុង និងរបៀបដែលប្រព័ន្ធទាំងនោះអន្តរប្រតិបត្តិការជាមួយគ្នា ព្រមទាំងយុទ្ធសាស្ត្រគ្រប់គ្រងទិន្នន័យដែលជាស្តង់ដារសំខាន់សម្រាប់កំណត់ការបង្កើតកម្មវិធីសូហ្វែ(SOFTWARE)ផ្សេងៗ និងសម្រាប់ការធ្វើលទ្ធកម្មជ្រើសរើសក្រុមហ៊ុនដែលមានគុណវឌ្ឍន៍។ គម្រោងសិក្សាទី២.សិក្សាសមិទ្ធិលទ្ធភាពនៃគម្រោងសាកល្បងចំណតទីក្រុងឆ្លាតវៃគម្រោងសិក្សាលម្អិតលទ្ធភាពបច្ចេកទេស លទ្ធភាពហិរញ្ញវត្ថុ ក្នុងការទាក់ទាញវិស័យឯកជនក្នុងការវិនិយោគ និងប្រតិបត្តិប្រព័ន្ធចំណតទីក្រុងឆ្លាតវៃ ការសិក្សាកំណត់នូវគំរូបច្ចេកទេស ដែលឆ្លើយតបទៅនឹងស្តង់ដាកំណត់ដោយស្ថាបត្យកម្មបច្ចេកទេស គំរូពាណិជ្ជកម្ម និងគំរូភាពជាដៃគូរ រដ្ឋ-ឯកជន ដែលសមស្រប ដើម្បីបង្កើនអត្ថប្រយោជន៍សាធារណៈជាអតិបរមា ស្របពេលធានានូវផលចំណេញសមរម្យសម្រាប់អ្នកវិនិយោគ រឺប្រតិបត្តិករ៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

World Bank ៖ បំណុល និងជម្លោះជាវិបត្តិសកលរយៈពេលខ្លី ប៉ុន្តែភាពក្រីក្រ ជាវិបត្តិធ្ងន់ធ្ងររយៈពេលវែង

ព្រឹត្តិការណ៍, សេដ្ឋកិច្ច

• 18/04/2024

វិបត្តិសកលទាំងអស់គឺមានការជាប់ទាក់ទងគ្នាយ៉ាងខ្លាំង រាប់ចាប់តាំងពីបញ្ហាបម្រែបម្រួលអាកាសធាតុ, បញ្ហាបំណុល, បញ្ហាវិបត្តិស្បៀងអាហារ ទៅដល់ការពន្លឿននៃការរៀបចំប្រព័ន្ធខ្យល់អាកាស

អាកាសយានដ្ឋានអន្តរជាតិខេត្តព្រះសីហនុ សម្តែងរបាំត្រុដិ និងឆៃយ៉ាំ ទទួលស្វាគមន៍ទេសចរ

ព្រឹត្តិការណ៍, សេដ្ឋកិច្ច

• 18/04/2024

អាកាសយានដ្ឋានអន្តរជាតិខេត្តព្រះសីហនុ បានរៀបចំការសម្តែងរបាំត្រុដិ និងឆៃយ៉ាំ ដើម្បីទទួលស្វាគមន៍ទេសចរបរទេសក្នុងឱកាសសង្រ្កាន្តឆ្នាំថ្មីប្រពៃណីជាតិ

ត្រីមាស​ទី​១ ​ឆ្នាំ​២​០​២​៤​ កម្ពុជាទទួលបានចំណូលជិត ១០០លានដុល្លារពីការនាំចេញ​កង់​

ព្រឹត្តិការណ៍, សេដ្ឋកិច្ច

• 18/04/2024

របាយការណ៍អគ្គនាយកដ្ឋានគយនិងរដ្ឋាករបានឱ្យដឹងថាអំឡុងខែមករាដល់ខែមីនាកម្ពុជាបាននាំចេញកង់រួមទាំងកង់អគ្គិសនីដែលមានតម្លៃ ៩៦,៩ លានដុល្លារអាមេរិក

ក្រុមហ៊ុនអ្នកឧកញ៉ា គិត ម៉េង ទិញក្បាលម៉ាស៊ីនរថភ្លើងល្បឿនលឿនចំនួន ១១គ្រឿងពីប្រទេសជប៉ុន

ព្រឹត្តិការណ៍, សេដ្ឋកិច្ច

• 18/04/2024

ក្រុមហ៊ុនរបស់អ្នកឧកញ៉ា គិត ម៉េង បានទិញក្បាលម៉ាស៊ីនរថភ្លើងល្បឿនលឿនចំនួន ១១គ្រឿង ពីប្រទេសជប៉ុន ដើម្បីអភិវឌ្ឍវិស័យរថភ្លើងនៅកម្ពុជា ។

ប្រជាពលរដ្ឋ​ខ្មែរ​​រីករាយ​នឹង​ពិធី​បុណ្យចូលឆ្នាំ​ថ្មី​ប្រពៃណី​ជាតិប្រកបដោយស្នាមញញឹម

ព្រឹត្តិការណ៍, សេដ្ឋកិច្ច

• 18/04/2024

ប្រជាពលរដ្ឋខ្មែរបានប្រារព្ធពិធីបុណ្យចូលឆ្នាំថ្មីប្រពៃណីជាតិក្នុងបរិយាកាសសាមគ្គីភាព រំភើប និងសប្បាយរីករាយ ជាមួយនឹងស្នាមញញឹម

ADB ព្យាករវិស័យកសិកម្មនឹងកើនឡើង១,៣%ក្នុងឆ្នាំ២០២៤ និង១,៤% ក្នុងឆ្នាំ២០២៥

ព្រឹត្តិការណ៍, សេដ្ឋកិច្ច

• 17/04/2024

ធនាគារអភិវឌ្ឍន៍អាស៊ី បានព្យាករថា វិស័យកសិកម្មកម្ពុជា នឹងកើនឡើង១,៣ភាគរយក្នុងឆ្នាំ២០២៤ និង១,៤% ក្នុងឆ្នាំ២០២៥ ។

ផលិតផលក្នុងស្រុកសរុប (GDP) របស់ចិនកើនឡើងដល់ ៥,៣ ភាគរយនៅក្នុងត្រីមាសទីមួយនៃឆ្នាំ ២០២៤

ព្រឹត្តិការណ៍, សេដ្ឋកិច្ច

• 17/04/2024

រដ្ឋាភិបាលចិនប្រកាសថា សេដ្ឋកិច្ចធំទីពីររបស់ពិភពលោកបានកើនឡើងក្នុងអត្រា ៥,៣ ភាគរយ ដោយគិតចាប់ពីខែមករា ដល់ខែមីនា លើសពីការព្យាករណ៍ ៤,៨ ភាគរយ

តម្លៃមាសឡើងថ្លៃជាង ២ ៤០០ ដុល្លារក្នុងមួយអោន ដោយសារភាពតានតឹងនៃជម្លោះនៅមជ្ឈិមបូព៌ា

ព្រឹត្តិការណ៍, សេដ្ឋកិច្ច

• 17/04/2024

កាលពីថ្ងៃសុក្រ សប្ដាហ៍កន្លងទៅនេះ តម្លៃមាសបានឡើងថ្លៃដល់កម្រិតខ្ពស់ ២ ៤៣១ ដុល្លារក្នុងមួយអោន ប៉ុន្តែបានធ្លាក់ចុះបន្តិចនៅថ្ងៃពុធ សប្ដាហ៍នេះនៅត្រឹម ២ ៣៨១ ដុល្លារក្នុងមួយអោន

គម្រោងពង្រីកសមត្ថភាពប្រព័ន្ធផ្គត់ផ្គង់ទឹកស្អាតខេត្តស្វាយរៀងតម្លៃជាង៣០លានដុល្លារ បើកការដ្ឋានសាងសង់ហើយ

ព្រឹត្តិការណ៍, សេដ្ឋកិច្ច

• 17/04/2024

គម្រោងពង្រីកសមត្ថភាពប្រព័ន្ធផ្គត់ផ្គង់ទឹកស្អាតខេត្តស្វាយរៀងតម្លៃជាង៣០លានដុល្លារ បានបើកការដ្ឋានសាងសង់ហើយ គ្រោងនឹងបញ្ចប់នាពេលខាងមុខនេះ

សម្តេចធិបតី ៖ ការគ្រប់គ្រងធនធានទឹកបានកាន់តែល្អ អាចជួយដល់ការអភិវឌ្ឍសង្គម និងសេដ្ឋកិច្ច

ព្រឹត្តិការណ៍, សេដ្ឋកិច្ច

• 11/04/2024

ទឹកគឺជាធនធានដ៏មានសារៈសំខាន់សម្រាប់ការអភិវឌ្ឍសង្គម និងសេដ្ឋកិច្ច ហើយការប្រើប្រាស់ធន​ធានទឹកប្រកបដោយប្រសិទ្ធភាព និងស័ក្ដិសិទ្ធិភាព គឺពិតជារបៀបវារៈសំខាន់ខ្លាំងបំផុត។