សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ យោងតាមប្រភពព័ត៌មានពី Asia News បានរាយការណ៍ថា ប្រទេសជាសមាជិកអាស៊ានចំនួន ៦ មានកំណើនសេដ្ឋកិច្ចល្អគួរឲ្យកត់សម្គាល់ ដោយផ្អែកលើកត្តាមួយចំនួន។
យោងតាមការព្យាករណ៍របស់ Maybank Research Pte Ltd បានឲ្យដឹងថា ផលិតផលក្នុងស្រុកសរុបរបស់ប្រទេសអាស៊ានទាំង ៦ រួមមាន៖ ឥណ្ឌូណេស៊ី ម៉ាឡេស៊ី សិង្ហបុរី ថៃ វៀតណាម និងហ្វីលីពីន នឹងងើ់បឡើងវិញដល់ ៤,៥ ភាគរយនៅឆ្នាំ ២០២៤ និង ៤,៧ ភាគរយនៅឆ្នាំ ២០២៥ ដោយកើនឡើងពី ៤ ភាគរយនៅឆ្នាំ ២០២៣។ ទន្ទឹមនឹងនេះ ការងើបឡើងវិញនៃផលិតផលក្នុងស្រុកសរុបត្រូវបានជំរុញដោយការផលិត និងការនាំចេញ ជាពិសេសផ្នែកអេឡិចត្រូនិក ដែលជួយដល់ការងើបឡើងវិញនៅក្នុងឆមាសទីមួយនៃឆ្នាំនេះ។ មិនត្រឹមតែប៉ុណ្ណោះ បញ្ញាសិប្បនិម្មិត (AI) ការរីកដុះដាលនៃមជ្ឈមណ្ឌលទិន្នន័យ និងតម្រូវការអេឡិចត្រូនិកសកលកំពុងធ្វើឱ្យចក្ខុវិស័យពាណិជ្ជកម្មមានពន្លឺ និងទាក់ទាញការវិនិយោគផ្ទាល់ពីបរទេស (FDI) ។
ទោះបីជាមានអត្រាការប្រាក់កើនឡើងក៏ដោយ ប៉ុន្តែការពង្រឹងសកម្មភាពសេដ្ឋកិច្ចបានធ្វើឲ្យកំណើនប្រាក់កម្ចីកើនឡើងនៅទូទាំងអាស៊ាន។ លើសពីនេះ ការលើកលែងទិដ្ឋាការនៅក្នុងប្រទេសម៉ាឡេស៊ី ថៃ និងសិង្ហបុរី បានបង្កើនសមត្ថភាពហោះហើរដោយកំពុងជំរុញភ្ញៀវទេសចរចិនមកកាន់អាស៊ាន។ បន្ថែមពីនេះ អត្រាអតិផរណារបស់អាស៊ានបានធ្លាក់ចុះយ៉ាងខ្លាំងពីកម្រិតខ្ពស់នៅឆ្នាំ២០២៣ បន្ទាប់ពីវិបត្តិរុស្ស៊ី-អ៊ុយក្រែនបង្កការរំខានដល់ខ្សែសង្វាក់ផ្គត់ផ្គង់នៅឆ្នាំ ២០២២។ ទោះជាយ៉ាងណាក្តី ធនាគារកណ្តាលអាស៊ានត្រូវបានរារាំងពីការកាត់បន្ថយអត្រាគោលនយោបាយ ដោយសារអត្រាការប្រាក់ខ្ពស់របស់សហរដ្ឋអាមេរិកបានបង្កើនសម្ពាធលើរូបិយប័ណ្ណទីផ្សារដែលកំពុងរីកចម្រើន ។
Maybank Research Pte Ltd ក៏បានកត់សម្គាល់ផងដែរថា អាស៊ានបានលេចចេញនូវទិសដៅមួយ ដើម្បីទាក់ទាញក្រុមហ៊ុនពហុជាតិ (MNCs) កំពុងធ្វើពិពិធកម្មសង្វាក់ផ្គត់ផ្គង់ផលិតកម្មរបស់ពួកគេនៅឆ្ងាយពីប្រទេសចិន។ មិនត្រឹមតែប៉ុណ្ណោះ ក្រុមហ៊ុនបរទេសមួយចំនួនបានអនុម័ត និងស្នើសុំការវិនិយោគ FDI ទៅកាន់ប្រទេសអាស៊ានមួយចំនួនរួមមាន ម៉ាឡេស៊ី ថៃ វៀតណាម និងឥណ្ឌូនេស៊ី បានកើនឡើងយ៉ាងខ្លាំង។
បណ្តាប្រទេសអាស៊ានកំពុងធានាការវិនិយោគមិនត្រឹមតែពីសហរដ្ឋអាមេរិក និងសម្ព័ន្ធមិត្តប៉ុណ្ណោះទេ ប៉ុន្តែក៏មកពីប្រទេសចិនផងដែរ ហើយការវិនិយោគផ្ទាល់ពីបរទេស (FDI) នៅប្រទេសមួយចំនួនកំពុងកើនឡើងយ៉ាងខ្លាំង ជាពិសេសវៀតណាម ថៃ និងម៉ាឡេស៊ី។ ឥឡូវនេះ ម៉ាឡេស៊ីហាក់កំពុងទាក់ទាញការវិនិយោគដ៏ធំបំផុតសម្រាប់ការសាងសង់មជ្ឈមណ្ឌលទិន្នន័យ ខណៈដែលបញ្ញាសិប្បនិម្មិត (AI) ជំរុញឱ្យមានការរីកចម្រើននៅក្នុងវិស័យជាច្រើននៅទូទាំងអាស៊ាន។ ប្រទេសនេះបានទាក់ទាញការវិនិយោគពី Google, Nvidia, GDS និង Equinix ខណៈដែលប្រទេសថៃបានធានាការវិនិយោគពី Amazon, Microsoft និង Google ។ ទន្ទឹមនឹងនេះ ឥណ្ឌូណេស៊ីបានទាក់ទាញការវិនិយោគ Amazon, Alibaba និង Edgnex ក្នុងចំណោមទីផ្សារផ្សេងទៀត ហើយទីផ្សាររបស់វៀតណាមបានទទួលការទុកចិត្តពី Keppel, Alibaba និង Gaw Capital។ កាលពីប៉ុន្មានឆ្នាំថ្មីៗនេះ វៀតណាមបានធ្វើជាម្ចាស់ផ្ទះនៃក្រុមហ៊ុនបន្ទះឈីបជាច្រើនរួមមានទាំងការសាកល្បង និងរោងចក្រដំឡើងដ៏ធំបំផុតរបស់ Intel។ ឥឡូវនេះ ទីក្រុងហាណូយមានផែនការទាក់ទាញវិនិយោគិនបន្ទះឈីបបន្ថែមទៀតតាមរយៈការបន្ធូរបន្ថយពន្ធ ការចំណាយលើការស្រាវជ្រាវ និងការវិនិយោគលើហេដ្ឋារចនាសម្ព័ន្ធដូចជា ការផលិតថាមពលជាដើម៕
Account
Security
Favourite Content