សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ តាមការអះអាងដោយក្រសួងការពារជាតិរបស់ប្រទេសម៉ាឡេស៊ីកាលពីដើមសប្តាហ៍កន្លងមកនេះបានឲ្យដឹងថា ប្រទេសម៉ាឡេស៊ីបានចុះហត្ថលេខាលើកិច្ចព្រមព្រៀងយោធាមួយជាមួយនឹងក្រុមហ៊ុនអ្នកផលិតអាវុធនៃប្រទេសតួគី STM ដើម្បីចាប់ផ្តើមសាងសង់នាវាចម្បាំងធុនធ្ងន់ថ្មីចំនួន៣គ្រឿង។
គេសង្កេតឃើញថា នេះគឺជាកិច្ចព្រមព្រៀងបែបយោធាលើកដំបូងរបស់រដ្ឋាភិបាលម៉ាឡេស៊ីក្នុងកម្រិតរដ្ឋាភិបាល និងរដ្ឋាភិបាល ដើម្បីអាចបញ្ជាទិញអាវុធសម្រាប់វិស័យការពារជាតិដោយកិច្ចព្រមព្រៀងនេះមានការអញ្ជើញចូលរួមពីសំណាក់រដ្ឋមន្ត្រីក្រសួងកិច្ចការងារឧស្សាហកម្មសម្រាប់វិស័យការពារជាតិតួគី លោក Haluk Gorgun និងរដ្ឋមន្ត្រីការពារជាតិប្រទេសម៉ាឡេស៊ី Mohamed Khaled Nordin។
រដ្ឋមន្ត្រីតួគី លោក Gorgun បានថ្លែងថា៖
«ក្រៅតែពីក្រុមហ៊ុន STM ដែលជាអ្នកម៉ៅការសាងសង់នាវាចម្បាំងទាំង៣គ្រឿងនេះ យើងក៏នឹងមានការចូលរួមចំណែកពីសំណាក់ក្រុមហ៊ុនអ្នកផលិតរបស់តួគីចំនួន៣ផ្សេងទៀតផងដែរ ដូចជា Havelsan, Aselsan និង Roketsan ដែលពួកគេនឹងផ្តល់ការគាំទ្រផ្នែកគ្រឿងបន្លាស់មួយចំនួននៃនាវាទាំងនោះ។ កិច្ចការងារនេះនឹងក្លាយទៅជាកិច្ចសហប្រតិបត្តិការរយៈពេលវែងរវាងរដ្ឋាភិបាលទាំងពីរ»។
ប្រធានគ្រប់គ្រងទូទៅនៃក្រុមហ៊ុនអ្នកផលិត STM លោក Ozgur Guleryuz បាននិយាយថា ៖ ក្រុមហ៊ុនទើបតែបានបញ្ចប់ការងារសាងសង់នាវាចម្បាំងមួយចំនួនទៅឲ្យប្រទេសប៉ាគីស្ថាន ហើយបច្ចុប្បន្នកំពុងបន្តការងារសាងសង់នាវា២គ្រឿងផ្សេងទៀតទៅឲ្យប្រទេសអ៊ុយក្រែនផងដែរ។
តាមផែនការ លោក Guleryuz បានអះអាងថា STM នឹងចាប់ផ្តើមការងារសាងសង់នាវាចម្បាំងទាំង៣គ្រឿងទៅឲ្យរដ្ឋាភិបាលម៉ាឡេស៊ីនៅក្នុងឆ្នាំ២០២៤នេះ ហើយនឹងបញ្ចប់ការងារ ព្រមទាំងប្រគល់នាវាទាំងនោះនៅក្នុងរយៈពេល៣ឆ្នាំកន្លះខាងមុខ។
ទោះបីជាយ៉ាងណាក្តី ភាគីទាំងសងខាងទាំង STM និងរដ្ឋាភិបាលតួគីក្តីបានបដិសេធមិនផ្តល់ព័ត៌មានលំអិតអំពីការសាងសង់ និងតម្លៃនៃនាវាចម្បាំង ឬតម្លៃនៃកិច្ចព្រមព្រៀងនោះទេ។
តាមអ្វីដែលគេអាចដឹងបាននៅពេលនេះ នាវាចម្បាំងទាំង៣គ្រឿង ជានាវាប្រភេទធុនធ្ងន់ដែលអាចផ្ទុកនាវិកសរុប១១១នាក់ក្នុងមួយគ្រឿង មានប្រវែងទទឹង១៤,៤២ម៉ែត្រ និងបណ្តោយ៩៩,៥៦ម៉ែត្រ ហើយអាចចេញប្រតិបត្តិការពីមូលដ្ឋានរហូតទៅដល់១៤ថ្ងៃក្នុងមួយលើកដោយក្នុងនោះវានឹងមានបំពាក់ជាមួយនឹងមីស៊ីលប្រឆាំងនាវា Atmaca និងប្រព័ន្ធបាញ់គ្រាប់ទំហំ76mm gun ផងដែរ៕
Account
Security
Favourite Content