សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ គោលនយោបាយអាទិភាពរបស់ក្រសួងកសិកម្ម រុក្ខាប្រមាញ់ និងនេសាទ បានគូសបញ្ជាក់ពីការបង្កើតសហគមន៍កសិកម្មទំនើប ដែលមានធនធានមនុស្ស និងថវិកាគ្រប់គ្រាន់ មានការគ្រប់គ្រងដឹកនាំច្បាស់លាស់ មានបច្ចេកទេស និងការចំណាយថ្លៃដើមទាប មានគុណភាព ព្រមទាំងមានផែនការផលិតជាក់លាក់ ដែលផ្គត់ផ្គង់តម្រូវការទីផ្សារបានល្អ និងទៀងទាត់។
ផ្អែកលើគោលនយោបាយអាទិភាពទី៥ និងទី៦ ដែលរាជរដ្ឋាភិបាលបានសម្រេចដាក់ចេញ ដើម្បីដោះស្រាយបញ្ហាប្រឈមលើវិស័យកសិកម្ម និងលើកស្ទួយផលិតផលកសិកម្មរកទីផ្សារ និងរក្សាលំនឹងថ្លៃកសិផល ឯកឧត្តម បណ្ឌិត យ៉ង សាំងកុមារ រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ កាលពីថ្ងៃទី២៤ ខែមករា ឆ្នាំ២០២៤នេះ បានជួបប្រជុំជាមួយមន្រ្តីកសិកម្មឃុំ នៅឃុំសាកល្បង ក្នុងស្រុកជើងព្រៃ ខេត្តកំពង់ចាម ដើម្បីវាយតម្លៃលើការកសាងប្រព័ន្ធសហគមន៍កសិកម្មទំនើប នៃការប្រើស្រូវពូជសុទ្ធផ្ការំដួល ដើម្បីងាយស្រួលលក់ និងបានតម្លៃខ្ពស់នៅលើទីផ្សារ ។
ឯកឧត្តមបណ្ឌិត យ៉ង សាំងកុមារ បានឱ្យដឹងថា ជាក់ស្តែងកាលពីឆ្នាំ២០២៣ មន្រ្តីកសិកម្មឃុំ បានគាំទ្រកសិករចំនួន ២២២គ្រួសារ ឱ្យបានចូលរួមប្រើស្រូវពូជសុទ្ធផ្ការំដួល។ ដូច្នេះនៅរដូវខាងមុខ ចំនួនកសិករប្រើពូជសុទ្ធទាំង ១០ឃុំ អាចកើនដល់ឡើង ១ ០០០គ្រួសា
តាមរយៈលទ្ធផល និងបទពិសោធនៅស្រុកជើងព្រៃ ក្រសួងកសិកម្ម រុក្ខាប្រមាញ់ និងនេសាទ នឹងបង្កើនការជំរុញការប្រើពូជសុទ្ធឲ្យបានទូលំទូលាយទូទាំងប្រទេស តាមរយ:មន្រ្តីកសិកម្មឃុំ ដែលទើបរើសបានចំនួន ២៥០រូប និងរើសបន្ថែម ៨០០រូបទៀត នៅក្នុងឆ្នាំ២០២៤នេះ។
ឯកឧត្តមបណ្ឌិត យ៉ង សាំងកុមារ រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ បានថ្លែងថា តាមរយៈការចុះសិក្សាវាយតម្លៃ ជាមួយកសិករទាំងអស់ ការប្រើពូជស្រូវសុទ្ធ ពិសេសស្រូវផ្ការំដួលសុទ្ធនាំមកនូវអត្ថប្រយោជន៍សំខាន់ៗ ដូចជា ការកើនផល ១៥ភាគរយ កាត់បន្ថយការប្រើពូជបានប្រមាណ ៣០ភាគរយ ងាយស្រួលលក់ និងបានតម្លៃខ្ពស់។
ដោយឡែកកាលពីពេលថ្មីៗនេះ ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ តាមរយៈការចូលរួមពិភាក្សាអំពីគម្រោង និងផែនការសកម្មភាពរបស់សមាគមកសិកម្ម ដើម្បីអភិវឌ្ឍជីវភាពរបស់ប្រជាពលរដ្ឋ ក្នុងការបង្កើតសហគមន៍កសិកម្មទំនើប និងភាពចំបាច់ គឺការធ្វើការរួមគ្នា និងទទួលខុសត្រូវរួមគ្នា ដើម្បីប្រជាពលរដ្ឋ ព្រោះយើងមានគោលដៅរួមគ្នា ជាមួយភាគីពាក់ព័ន្ធទាំងអស់ ក្នុងការជំរុញលើកកម្ពស់វិស័យកសិកម្ម បង្កើនចំណូល និងផលចំណេញដល់កសិករ ក៏ដូចជាធានាបាននូវប្រសិទ្ធភាព និងនិរន្តរភាពសេដ្ឋកិច្ចលើគ្រប់អនុវិស័យទាំងអស់។
ឯកឧត្តមរដ្ឋមន្ត្រី សង្កត់ធ្ងន់បន្ថែមថា សមាគមកសិកម្ម ត្រូវពិនិត្យលទ្ធភាពចូលរួម និងធ្វើការជាមួយគម្រោង និងដៃគូអភិវឌ្ឍនានា ដែលមានគោលដៅច្បាស់លាស់ ដើម្បីលើកកម្ពស់វិស័យកសិកម្មកម្ពុជាឱ្យកាន់តែប្រសើរឡើង ដោយត្រូវធ្វើការ និងដោះស្រាយបញ្ហាជាមួយគ្នាក្នុងខ្សែច្រវាក់តម្លៃតាំងពីការផលិតរហូតទីផ្សារ។ ទន្ទឹមនឹងនេះដែរ ការដាក់ពង្រាយមន្ត្រីកសិកម្មឃុំ នឹងដើរតួនាទីយ៉ាងសំខាន់ លើការបណ្តុះបណ្តាល និងផ្សព្វផ្សាយព័ត៌មានកសិកម្ម និងទីផ្សារឱ្យបានដល់កសិករ។
គួររំលឹកដែរថា ឯកឧត្តម ឌិត ទីណា រដ្ឋមន្ត្រីក្រសួងកសិកម្ម ក៏ធ្លាប់បានបញ្ជាក់ដែរថា ក្រសួងនឹងប្រឹងប្រែងជំរុញគោលនយោបាយកសិកម្មឱ្យកាន់តែរីកចម្រើន ដោយបានរៀបចំវេទិកានិរន្តរភាពកសិកម្មកម្ពុជា ជាមួយភាគីពាក់ព័ន្ធ ដើម្បីធានាសន្តិសុខស្បៀង និងនិរន្តរភាពសេដ្ឋកិច្ច និងបរិស្ថាន តាមរយៈការពង្រឹងសហគមន៍កសិកម្មទំនើប។
ឯកឧត្តមរដ្ឋមន្ត្រី បានបញ្ជាក់បន្ថែមថា ដើម្បីរួមចំណែកសម្រេចនូវគោលដៅគោលនយោបាយនេះ ក្រសួងគ្រោងរៀបចំឱ្យមានវេទិកាស្តីពីកសិកម្ម ដែលដឹកនាំដោយក្រសួងកសិកម្ម ដើម្បីទាក់ទាញវិនិយោគិនមកដាក់ទុនវិនិយោគនៅកម្ពុជាក្នុងខ្សែច្រវាក់ផលិតកម្ម ទាំងការកែច្នៃ វេចខ្ចប់សម្រាប់នាំចេញនូវដំណាំអាទិភាពមួយចំនួនដូចជាស្រូវ ម្រេច និងស្វាយចន្ទី ជាដើម។
Account
Security
Favourite Content