សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
(ភ្នំពេញ)៖ នារសៀលថ្ងៃទី៥ ខែឧសភា ឆ្នាំ២០២៣ គឺជាថ្ងៃបើកមហាព្រឹត្តិការណ៍ស៊ីហ្គេមជាផ្លូវការ និងជាប្រវត្តិសាស្ត្រដែលកម្ពុជាធ្វើជាម្ចាស់ផ្ទះក្រោយការរង់ចាំអស់រយៈពេល៦៤ឆ្នាំ ។ នៅក្នុងឱកាសធ្វើជាម្ចាស់ផ្ទះជាលើកទី១នេះ កម្ពុជាបានត្រៀមលក្ខណៈយ៉ាងពេញទី ជាពិសេសគឺបានផ្ដល់ជូននូវអ្វីដែលមិនធ្លាប់មានពីមុនមក ក្នុងនាមជា «ប្រទេសតូច បេះដូងធំ» ដោយបណ្តាប្រតិភូកីឡាមកពីបណ្ដាប្រទេសនានាគឺមិនតម្រូវយកប្រាក់លើថ្លៃស្នាក់នៅ ការហូបចុក ឬការធ្វើដំណើរនោះឡើយ ហើយក៏មិនមានការទិញសិទ្ធិផ្សាយផ្ទាល់ផងដែរ។
តាមរយៈការយោគយល់នេះ កម្ពុជាបានចំណាយអស់ប្រាក់ប្រមាណ ១២០លានដុល្លារ ក្នុងការរៀបចំ ខណៈដែលប្រទេសផ្សេងៗចំណាយអស់ក្រោម ១០០លានប៉ុណ្ណោះ។ ប៉ុន្តែទោះជាយ៉ាងណាក្ដី អ្វីដែលកម្ពុជាទទួលបានមកវិញជាការតបស្នង គឺការសរសើរមិនដាច់ពីមាត់ពីសំណាក់ប្រតិភូកីឡាមកពីគ្រប់ប្រទេសជាសមាជិក។ ម្យ៉ាងវិញទៀត កម្ពុជាក៏អាចទទួលបានផលចំណេញពីភ្ញៀវទេសចរដែលមកចូលរួមទាំងនោះ តាមរយៈវិស័យទេសចរណ៍ផងដែរ។ នេះបើតាមប្រសាសន៍របស់លោកជំទាវ ឆាយ ស៊ីវលីន ប្រធានសមាគមទីភ្នាក់ងារទេសចរណ៍កម្ពុជា។
អ្នកជំនាញវិស័យទេសចរណ៍ខាងលើនេះបានឲ្យដឹងទៀតថា ៖
“ការរំពឹងរបស់កម្ពុជាក្នុងការទទួលបានភ្ញៀវអន្តរជាតិ ៥០ម៉ឺននាក់ក្នុងអំឡុងពេលស៊ីហ្គេមនេះ នឹងរួមចំណែកដល់វិស័យទេសចរណ៍កម្ពុជាតាមរយៈការដើរកម្សាន្ដក្នុងប្រទេសយើងនៅក្រោយព្រឹត្តិការណ៍ស៊ីហ្គេម ព្រោះបើជ្រុលតែមកហើយ គេមិនមែនគ្រាន់តែចំណាយពេលមកមើលតែកីឡានោះទេ គឺពួកគេអាចដើរលេងកម្សាន្ដនៅតាមគោលដៅទេសចរណ៍កម្ពុជានានាផងដែរ។”
លោកជំទាវបន្តថា ៖
“ពេលគាត់ចេញដើរ គាត់ច្បាស់ជាត្រូវការចំណាយលើការធ្វើដំណើរ និងម្ហូបអាហារជាដើម ហើយនេះជាអ្វីដេលយើងអាចទាញជាផលប្រយោជន៍មកវិញ។ ម្យ៉ាងវិញទៀត គោលការណ៍របស់កម្ពុជាគឺមិនយកប្រាក់សម្រាប់តែប្រតិភូកីឡាប៉ុណ្ណោះ រីឯបងប្អូន សាច់ញាតិ ឬអ្នកគាំទ្រ គឺនឹងត្រូវយកប្រាក់ធម្មតា។ ប៉ុន្តែបើទោះជាយ៉ាងនេះក្ដី គោលបំណងពិតប្រាកដរបស់កម្ពុជាគឺមិនមែនទាញយកប្រាក់ចំណេញនោះទេ អ្វីដែលកម្ពុជាចង់បានគឺការចង់ចាំ ការកោតសរសើរ ការទទួលស្គាល់ ការស្វែងយល់ពីប្រទេសកម្ពុជាបន្ថែមទៀតពីសំណាក់អន្តរជាតិ។”
គួរបញ្ជាក់ថា កាលពីថ្ងៃទី ២៨ ខែមេសាកន្លងទៅនេះ ឯកឧត្តម ថោង ខុន បានបង្ហាញក្ដីរំពឹងថាកម្ពុជានឹងអាចទទួលបានភ្ញៀវទេសចរអន្តរជាតិ ៥០ម៉ឺននាក់ នៅក្នុងព្រឹត្តិការណ៍ស៊ីហ្គេមលើកទី៣២ ដែលចំនួននេះ នឹងជំរុញបន្ថែមនូវការរំពឹងទុកថា ក្នុងឆ្នាំ ២០២៣ កម្ពុជា អាចទទួលបានភ្ញៀវទេសចរអន្តរជាតិរហូតដល់ ៤លាននាក់៕
Account
Security
Favourite Content