សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ គិតចាប់ពីខែមករា ដល់ដំណាច់ខែតុលា ឆ្នាំ២០២៤ គ្រឹះស្ថានអង្គរបានលក់បណ្ណជូនភ្ញៀវទេសចរបរទេសចូលទស្សនារមណីយដ្ឋានអង្គរចំនួន ៧៧៤ ២០៣ នាក់ និងទទួលបានទឹកប្រាក់ចំនួន ៣៥ ៩៨៧ ៩៦១ លានដុល្លារអាមេរិក ។
យោងសេចក្ដីប្រកាសព័ត៌មានរបស់គ្រឹះស្ថានអង្គរចេញផ្សាយនៅថ្ងៃទី០១ ខែវិច្ឆិកា ឆ្នាំ២០២៤ បានបញ្ជាក់ថា ក្នុងរយៈពេល១០ខែដើមឆ្នាំនេះ ចំនួនភ្ញៀវទេសចរបរទេសទិញបណ្ណចូលទស្សនារមណីយដ្ឋានអង្គរកើនឡើង ២៨,៤៨ ភាគរយធៀបនឹងរយៈពេលដូចគ្នាកាលពីឆ្នាំ២០២៣កន្លងទៅ ខណៈចំនួនទឹកប្រាក់ដែលទទួលបានពីការលក់បណ្ណជូនភ្ញៀវទេសចរបរទេសវិញមានកំណើនប្រមាណ ២៩,០៧ភាគរយ ។
សេចក្ដីប្រកាសព័ត៌មានដដែលនេះបានឱ្យដឹងផងដែរថា៖ សម្រាប់ខែតុលា ឆ្នាំ២០២៤ មានទេសចរបរទេសទិញបណ្ណចូលអង្គរចំនួន ៧៤ ៣៥៣នាក់ កើន ១៨,០០ភាគរយធៀបរយៈពេលដូចគ្នាឆ្នាំ២០២៣ និងរកចំណូលបានចំនួន ៣ ៤៦៥ ២៣១ ដុល្លារកើន១៨,៣៩ភាគរយ ធៀបនឹងខែកញ្ញា ឆ្នាំ២០២៣។
ក្រៅពីចំណូលដែលទទួលបានពីការលក់បណ្ណជូនភ្ញៀវទេសចរបរទេសទស្សនារមណីយដ្ឋានអង្គរ គ្រឹះស្ថានអង្គរក៏ទទួលបានចំណូលពីលក់បណ្ណជូនភ្ញៀវវទេសចរនៅប្រាសាទកោះកេរយៈពេល១០ខែ មានទឹកប្រាក់ជាង២២ម៉ឺនដុល្លារអាមេរិកពីទេសចរបរទេស១៥ ២៤៥នាក់ និងសម្រាប់ខែតុលា មានទេសចរបរទេស ១៣៧៥នាក់ ទទួលបានចំណូល ២០ ៦២៥ដុល្លារ។
ចំណែកការលក់សំបុត្រទូករយៈពេល១០ខែទទួលបានថវិកាចំនួនជាង៦០ម៉ឺនដុល្លារអាមេរិក ដោយឡែកសម្រាប់តែខែតុលា ទទួលបានជាង៥ម៉ឺនដុលា្លរ៕
Account
Security
Favourite Content