សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ លោក ប៉ែន សុវិជាតិ រដ្ឋលេខាធិការក្រសួងពាណិជ្ជកម្មបានឱ្យដឹងថា៖ ការនាំចេញកង់របស់កម្ពុជា ទៅកាន់ទីផ្សារអន្តរជាតិ សម្រេចបានប្រមាណ ៤២៤លានដុល្លារអាម៉េរិកនារយៈពេល៩ខែឆ្នាំ២០២៣នេះ។ ប៉ុន្តែការនាំចេញនេះបានធ្លាក់ចុះដល់ ៤២,៨៥ភាគរយបើធៀបនឹងរយៈពេលដូចគ្នាឆ្នាំ២០២២។
លោករដ្ឋលេខាធិការបានបញ្ជាក់ថា ការនាំចេញកង់របស់កម្ពុជាធ្លាក់ចុះបែបនេះដោយសារតែកម្លាំងបញ្ជាទិញពីបណ្តាប្រទេសនានា បានរងផលប៉ះពាល់ពីវិបត្តិសេដ្ឋកិច្ច និងសង្រ្គាមរវាងរុស្សី-អ៊ុនក្រែន។ ទោះយ៉ាងណាក៏ដោយ ការនាំចេញនេះនឹងល្អប្រសើរឡើងវិញនៅដំណាច់ឆ្នាំ២០២៣ ព្រោះរៀងរាល់ឆ្នាំចាប់ពីខែតុលា ដល់ខែធ្នូ ជារដូវកាលប្រទេសនៅតំបន់អឺរ៉ុបប្រារព្ធបុណ្យណូអែល និងពិធីបុណ្យប្រពៃណីផ្សេងៗដែលមានការបញ្ជាទិញកង់ច្រើនពីកម្ពុជា ក៏ដូចជាបណ្តាប្រទេសនានាសម្រាប់ធ្វើអំណោយជូនគ្នាទៅវិញទៅមក។
បច្ចុប្បន្ន កម្ពុជាបាននាំចេញកង់ទៅជាង ៥០ ប្រទេសជុំវិញពិភពលោក។ ប្រទេសដែលនាំចូលកង់ពីកម្ពុជាច្រើនជាងគេរួមមានសហរដ្ឋអាម៉េរិក អាល្លឺម៉ង់ អង់គ្លេស ជប៉ុន ចិន ប្រទេសក្នុងតំបន់អាស៊ាន ប៊ែលហ្ស៊ិក ហូឡង់ អូទ្រីស ស៊ុយអែត ដាណឺម៉ាក អូស្ត្រាលី និងកាណាដា…ជាដើម ខណៈដែលកង់ក្លាយជាផលិតផលនាំចេញសំខាន់មួយរបស់កម្ពុជា ក្រៅពីសម្លៀកបំពាក់ ស្បែកជើង និងកាបូប។
គួរកត់សម្គាល់ថា កាលឆ្នាំ២០២២ ការនាំចេញកង់ពីកម្ពុជាទៅទីផ្សារអន្តរជាតិ មានទឹកប្រាក់ ៩៦៦,៧៥ លានដុល្លារ កើនជាង ៤៨ ភាគរយបើធៀបឆ្នាំ ២០២១។
គួរបញ្ជាក់ថា គិតត្រឹមឆ្នាំ ២០២២ កម្ពុជាមានរោងចក្រកង់ចំនួន ៥ កំពុងដំណើរការ ដោយមានទីតាំងក្នុងតំបន់សេដ្ឋកិច្ចពិសេស ក្រុងបាវិត ខេត្តស្វាយរៀង៕
Account
Security
Favourite Content