សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ តាមរយៈសមាគមអ្នកវិនិយោគចិននៅកម្ពុជា គម្រោងចំនួន ៣ បានត្រូវចុះហត្ថលេខា នាល្ងាចថ្ងៃអង្គារ ទី១៧ ខែតុលា ឆ្នាំ២០២៣ នៅរដ្ឋធានីប៉េកាំង សាធារណរដ្ឋប្រជាមានិតចិន។
អនុស្សរណៈទាំង ៣ នេះ ផ្តោតទៅលើវិស័យអភិវឌ្ឍន៍វិស័យទេសចរណ៍ ការបណ្តុះបណ្ដាលវិស័យអប់រំ បដិសណ្ឋារកិច្ច និងគម្រោងវិនិយោគ អភិវឌ្ឍន៍តំបន់សេដ្ឋកិច្ចពិសេសនៅស្រុកព្រៃនប់ ខេត្តព្រះសីហនុ។
លោកជំទាវ ចម និម្មល រដ្ឋមន្ត្រីក្រសួងពាណិជ្ជកម្មបានអញ្ជើញជាអធិបតីក្នុងពិធីចុះហត្ថលេខាដែលរៀបចំដោយសមាគមអ្នកវិនិយោគចិននៅកម្ពុជា។
អនុស្សរណៈទាំងបីនេះ រួមមាន៖
១-អនុស្សារណៈយោគយល់គ្នា ស្ដីពី កិច្ចសហប្រតិបត្តិការលើគម្រោងអភិវឌ្ឍន៍វិស័យទេសចរណ៍និងវិស័យផ្សេងទៀតនៅក្នុងតំបន់ប្រើប្រាស់ដោយចីរភាព នៃឧទ្យានជាតិព្រះសុរាម្រិត-កុសុមៈ “គិរីរម្យ” ក្នុងខេត្តកំពង់ស្ពឺ និងខេត្តព្រះសីហនុ
២-អនុស្សារណៈយោគយល់គ្នា ស្ដីពី កិច្ចសហការវិនិយោគលើការបណ្តុះបណ្ដាលវិស័យអប់រំ បដិសណ្ឋារកិច្ច ដែលត្រូវជ្រើសរើសសិស្ស និសិ្សតវិទ្យាល័យនៅកម្ពុជាទៅបន្តការសិក្សានៅប្រទេសចិន
៣-អនុស្សារណៈយោគយល់គ្នា ស្ដីពី កិច្ចសហការវិនិយោគលើគម្រោងអភិវឌ្ឍន៍តំបន់សេដ្ឋកិច្ចពិសេស នៅភូមិតានៃ ឃុំតានៃស្រុកព្រៃនប់ ខេត្តព្រះសីហនុ៕ អត្ថបទដោយ ៖ ញ៉ែម សុផល
Account
Security
Favourite Content