មូលនិធិរូបិយវត្ថុអន្តរជាតិ IMF និងធនាគារពិភពលោក World Bank លើកឡើងពីបញ្ហាសេដ្ឋកិច្ចមួយចំនួន

បរទេស ៖ យោងតាមប្រភពពី Weforum បានដកស្រង់ព័ត៌មានសំខាន់ៗមួយចំនួនពីកិច្ចប្រជុំប្រចាំឆ្នាំរបស់មូលនិធិរូបិយវត្ថុអន្តរជាតិ និងធនាគារពិភពលោក ដែលប្រព្រឹត្តឡើងកាលពីសប្តាហ៍កន្លងទៅនេះ។

មូលនិធិរូបិយវត្ថុអន្តរជាតិ IMF បានរក្សាការព្យាករណ៍កំណើនសេដ្ឋកិច្ចសកលរបស់ខ្លួនសម្រាប់ឆ្នាំនេះនៅកម្រិត ៣ ភាគរយ ប៉ុន្តែបានកាត់បន្ថយការព្យាករណ៍នៅឆ្នាំ២០២៤ របស់ខ្លួនពី ៣ ភាគរយមកត្រឹម ២,៩ ភាគរយ។ លើសពីនេះ IMF ក៏បានកាត់បន្ថយការព្យាករណ៍កំណើនសម្រាប់ប្រទេសចិន និងតំបន់ចាយប្រាក់អឺរ៉ូផងដែរ។

IMF ព្យាករណ៍ថា កំណើនតំបន់ចាយប្រាក់អឺរ៉ូនឹងកើនឡើង ០,៧ ភាគរយនៅឆ្នាំ២០២៣ និង ១,២ ភាគរយនៅឆ្នាំ២០២៤ បើធៀបទៅនឹងការព្យាករណ៍កាលពីដើមឆ្នាំនេះគឺ ០,៩ ភាគរយ និង ១,៥ ភាគរយ។ ការព្យាករណ៍កំណើនរបស់ចិនត្រូវបានកាត់បន្ថយមកត្រឹម ៥ ភាគរយនៅឆ្នាំ២០២៣ និង ៤,២ ភាគរយនៅឆ្នាំ២០២៤។ ស្របពេលនេះដែរ ទស្សនវិស័យកំណើនសេដ្ឋកិច្ចរបស់សហរដ្ឋអាមេរិកកើនឡើងថែម ០,៣ ភាគរយសម្រាប់ឆ្នាំនេះ។

មូលនិធិរូបិយវត្ថុអន្តរជាតិ IMF ទម្លាក់ការព្យាករណ៍កំណើនឆ្នាំ២០២៣ និង ឆ្នាំ២០២៤ សម្រាប់ប្រទេសចិន ដោយសារភាពទន់ខ្សោយនៅក្នុងវិស័យអចលនទ្រព្យរបស់ចិន។ របាយការណ៍បានបង្ហាញថា ចិនបាត់បង់ការស្ទុះងើបឡើងវិញនៃសេដ្ឋកិច្ច ដោយសារការធ្លាក់ចុះនៃសន្ទស្សន៍អ្នកទិញចន្លោះខែមេសាដល់ខែសីហា ខណៈដែលលក្ខខណ្ឌអចលនទ្រព្យកាន់តែមានភាពយ៉ាប់យ៉ឺន។ របាយការណ៍ព្យាករណ៍ថា បញ្ហាទីផ្សារអចលនទ្រព្យដែលអូសបន្លាយពេលយូរនៅចិននឹងបង្កឱ្យមានភាពតានតឹងផ្នែកហិរញ្ញវត្ថុកាន់តែខ្លាំងក្នុងចំណោមអ្នកអភិវឌ្ឍន៍អចលនទ្រព្យ និងការថយចុះគុណភាពទ្រព្យសកម្មកាន់តែធំ។ ទន្ទឹមនឹងនេះ IMF បានព្យាករណ៍ថា តំបន់អាស៊ី និងប៉ាស៊ីហ្វិកមានភាពភ្លឺស្វាងជាងមុន និងជាតំបន់ដែលមានថាមពលបំផុតនៅឆ្នាំនេះ។ IMF បានរក្សាការព្យាករណ៍កំណើនសម្រាប់តំបន់នេះនៅកម្រិត ៤,៦ ភាគរយ ហើយសកម្មភាពសេដ្ឋកិច្ចនៅក្នុងតំបន់អាចនឹងរួមចំណែកប្រហែល ២ ភាគ ៣ នៃកំណើនពិភពលោកនៅឆ្នាំនេះ។

ទោះជាយ៉ាងណាក្តី IMF ព្យាករណ៍ថា កំណើននៅអាស៊ីប៉ាស៊ីហ្វិកនឹងថយចុះមកត្រឹម ៤,២ ភាគរយនៅឆ្នាំក្រោយ ដោយសារការធ្លាក់ចុះនៃរចនាសម្ព័ន្ធរបស់ចិន និងកំណើនផលិតភាពខ្សោយនៅក្នុងប្រទេសផ្សេងទៀតនៅក្នុងតំបន់។ គេរំពឹងថា តំបន់អាស៊ីមិនរាប់បញ្ចូលប្រទេសជប៉ុន នឹងត្រលប់ទៅគោលដៅអតិផរណារបស់ធនាគារកណ្តាលរៀងៗខ្លួននៅចុងឆ្នាំក្រោយ។ IMF បន្ថែមថា ទោះជាយ៉ាងណាក៏ដោយ ធនាគារកណ្តាលក្នុងតំបន់គួរតែប្រុងប្រយ័ត្នចំពោះការបន្ធូរបន្ថយគោលនយោបាយរូបិយវត្ថុមុនពេលកំណត់ដោយគួរតែអនុវត្តគោលនយោបាយដើម្បីធានាថា អតិផរណាស្ថិតក្នុងគោលដៅសមស្រប។

ទន្ទឹមនឹងនេះ ធនាគារពិភពលោកក៏បានព្រមានអំពីការកើនឡើងបំណុលនៅអាស៊ីផងដែរ។ លោក Indermit Gill ប្រធានសេដ្ឋវិទូរបស់ធនាគារពិភពលោក លើកឡើងថា ការកើនឡើងនៃកម្រិតបំណុលនៅអាស៊ីអាចប៉ះពាល់ដល់កំណើនសេដ្ឋកិច្ច និង​ព្រមាន​អំពី​ភាព​យឺតយ៉ាវ​នៃ​ការ​រៀបចំ​រចនាសម្ព័ន្ធ​បំណុល​ក្នុង​ប្រទេស​ក្រីក្រ​បំផុត​របស់​ពិភពលោក៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ក្រមួនឃ្មុំ ជាទិន្នផលទទួលបានពីទឹក និងសម្បុកឃ្មុំ កំពុងមានទីផ្សារល្អ ផ្តល់គុណប្រយោជន៍ច្រើន  

ជំនួញ, ព្រឹត្តិការណ៍

• 15/07/2024

ការចិញ្ចឹមឃ្មុំ ជាអាជីវកម្មមួយដែលអាចទាញយកបានផលច្រើនមុខ ដោយក្រៅពីទទួលបានទិន្នផលជាទឹកឃ្មុំ គេក៏អាចប្រមូលបាននូវលំអងឃ្មុំ និងចម្រាញ់ធ្វើជាក្រមួនឃ្មុំផងដែរ

គម្រោងអភិវឌ្ឍន៍ផ្លូវ​ចំនួន​៣ខ្សែ​រំពឹង​បញ្ចប់​ការដ្ឋាននៅក្នុងឆ្នាំ២០២៤

ព្រឹត្តិការណ៍, អចលនទ្រព្យ

• 15/07/2024

គម្រោងអភិវឌ្ឍន៍​ផ្លូវជាតិសំខាន់ៗចំនួន​៣ខ្សែ រំពឹងថា​នឹង​បញ្ចប់ការ​សាងសង់នៅក្នុងឆ្នាំ ២០២៤​នេះ ហើយនឹង​សម្រួលដល់​ការធ្វើដំណើររបស់ពលរដ្ឋ​​

សេដ្ឋកិច្ចថៃបែរជាមានសម្ពាធខ្លាំងដោយសាររោងចក្រចិន និងការនាំចូលទំនិញធូរថ្លៃរបស់ចិន

ព្រឹត្តិការណ៍, សេដ្ឋកិច្ច

• 15/07/2024

សេដ្ឋកិច្ចថៃ កំពុងទទួលរងសំពាធ បន្ទាប់ពីមានបើកដំណើរការរោងចក្រផលិតរថយន្តអគ្គិសនី និងការនាំចូលទំនិញធូរថ្លៃរបស់ចិន

ក្រុមហ៊ុន SUN WAH សម្លឹងឃើញកាលានុវត្តភាពវិនិយោគថ្មីក្នុងវិស័យផ្គុំ និងដំឡើងយានយន្តអគ្គិសនីនៅកម្ពុជា

ព្រឹត្តិការណ៍, សេដ្ឋកិច្ច

• 15/07/2024

ក្រុមហ៊ុន SUN WAH Cambodia បានសម្លឹងឃើញកាលានុវត្តភាពវិនិយោគថ្មីក្នុងវិស័យផ្គុំ និងដំឡើងយានយន្តអគ្គិសនីនៅកម្ពុជា

ផ្លូវជាតិលេខ៧១C ប្រវែងជាង១១៤គីឡូម៉ែត្រ ភ្ជាប់ខេត្តត្បូងឃ្មុំ​ – ខេត្តកំពង់ចាម​សាងសង់រួចរាល់១០០%

ព្រឹត្តិការណ៍, អចលនទ្រព្យ

• 15/07/2024

ផ្លូវជាតិលេខ៧១C ប្រវែងជាង១១៤គីឡូម៉ែត្រ តភ្ជាប់ខេត្តត្បូងឃ្មុំ​ និង ខេត្តកំពង់ចាម​ សាងសង់រួចរាល់១០០%ហើយនៅសល់តែការងារគូសគំនូសចរាចរណ៍ប៉ុណ្ណោះ

រយៈពេល៥ខែ សេដ្ឋកិច្ចកម្ពុជាបានបង្ហាញពីសញ្ញាណល្អ ខណៈអត្រាអតិផរណាត្រលប់ទៅរកភាពប្រសើរឡើងវិញ

ព្រឹត្តិការណ៍, ហិរញ្ញវត្ថុ

• 15/07/2024

រយៈពេល៥ខែ សេដ្ឋកិច្ចកម្ពុជាបានបង្ហាញពីសញ្ញាណល្អ ខណៈអត្រាអតិផរណាត្រលប់ទៅរកភាពប្រសើរឡើងវិញ

ការនាំចេញរបស់ចិនកើនឡើងក្នុងល្បឿនលឿន ៨,៦ ភាគរយ លើសពីការរំពឹងទុក

ព្រឹត្តិការណ៍, សេដ្ឋកិច្ច

• 15/07/2024

Financial Times បានលើកឡើងថា ការនាំចេញរបស់ប្រទេសចិនកើនឡើងក្នុងល្បឿនយ៉ាងលឿនបំផុតក្នុងរយៈពេលជាងមួយឆ្នាំចុងក្រោយនេះ បើទោះបីជាមានភាពតានតឹងកើនឡើងជាមួយអឺរ៉ុប និងសហរដ្ឋអាមេរិកក៏ដោយ

ជប៉ុន គ្រោងវិនិយោគ២៣ពាន់លានដុល្លារសង់ផ្លូវក្រោមដីជាង៥០០គីឡូម៉ែត្រសម្រាប់តែការដឹកជញ្ជូនទំនិញដោយស្វ័យប្រវត្តិ

ព្រឹត្តិការណ៍, អាជីវកម្មថ្មី និងនវានុវត្ត

• 15/07/2024

ជប៉ុន គ្រោងវិនិយោគ ២៣ពាន់លានដុល្លារ សម្រាប់ការសាងសង់ផ្លូវក្រោមដីមានប្រវែងជាង៥០០គីឡូម៉ែត្រ សម្រាប់តែការដឹកជញ្ជូនទំនិញដោយស្វ័យប្រវត្តិ

បុគ្គលិកក្រុមហ៊ុន Samsung រាប់ពាន់នាក់ធ្វើកូដកម្មបន្ទាប់ពីបរាជ័យក្នុងការចរចាដំឡើងប្រាក់ឈ្នួល

ព្រឹត្តិការណ៍, សេដ្ឋកិច្ច

• 12/07/2024

សហជីពប្រចាំក្រុមហ៊ុនអេឡិចត្រូនិក Samsung នៅប្រទេសកូរ៉េខាងត្បូងបាននិយាយថា បុគ្គលិករាប់ពាន់នាក់បានចាប់ផ្តើមកូដកម្មមិនកំណត់ថ្ងៃ

តម្លៃប្រេងបន្តឡើងថ្លៃជាង ៨៥ ដុល្លារក្នុងមួយបារ៉ែល

ព្រឹត្តិការណ៍, សេដ្ឋកិច្ច

• 12/07/2024

តម្លៃប្រេងឆៅម៉ាក Brent ឡើងថ្លៃ ០,៥ ភាគរយ ឬ ៨៥,០៨ ដុល្លារក្នុងមួយបារ៉ែល ខណៈដែលប្រេងឆៅម៉ាក West Texas Intermediate (WTI) ឡើងថ្លៃ ០,៨ ភាគរយ ឬ ៨២,១០​ ដុល្លារក្នុងមួយបារ៉ែល