ទំហំពាណិជ្ជកម្មកម្ពុជា – អន្តរជាតិ ​រយៈពេល​​ ៩ខែឆ្នាំ២០២៣ សម្រេចបានទឹកប្រាក់ជាង ៣៥ពាន់លានដុល្លារ   

ភ្នំពេញ៖ របាយការណ៍របស់អគ្គនាយកដ្ឋានគយ និងរដ្ឋាករកម្ពុជា បានបង្ហាញឱ្យដឹង ថា នៅរយៈពេល៩ខែ ឆ្នាំ២០២៣នេះ ការដោះដូរពាណិជ្ជកម្មរបស់កម្ពុជាជាមួយអន្តរជាតិ សម្រេចបាននូវទឹកប្រាក់ ៣៥ ពាន់លានដុល្លារអាមេរិក ខណៈការនាំចេញរបស់កម្ពុជាមានជិត ១៧ពាន់លានដុល្លារ។

តារាង​ស្ថិតិ​ជញ្ជីងពាណិជ្ជកម្ម​ទំនិញ​អន្តរជាតិ​របស់​អគ្គ​នា​​យក​ដ្ឋា​ន​គយ និង​រដ្ឋាករ​កម្ពុជា​ (GDCE)​  បាន​បង្ហាញថា រយៈពេល ៩ ​ខែ​ចាប់ពី​ខែមករា ដល់​ខែកញ្ញា ឆ្នាំ​ ២០២៣ ការដោះដូរពាណិជ្ជកម្មរបស់កម្ពុជាជាមួយអន្តរជាតិសម្រេចបាននូវទឹកប្រាក់ ៣៥ ១៦២ ៤៣៩ ០០០ដុល្លារ ធ្លាក់ចុះ ៣,៥​ ភាគរយ​បើ​ធៀប​នឹង​រយៈពេល​ដូចគ្នា​ឆ្នាំ​២០២២ ដែលមាន​ជាង ៣៦,៤៤​ ពាន់​លាន​ដុល្លារ​។

របាយការណ៍បានឱ្យដឹងទៀតថា នៅរយៈពេល៩ខែនេះ កម្ពុជានាំចេញទំនិញទៅផ្សារអន្តរជាតិមានទឹកប្រាក់ ១៦ ៩៤៥ ៧៩៩ ០០០ដុល្លារ ធ្លាក់ចុះ ០.៨ភាគរយ បើធៀបនឹងរយៈពេលដូចគ្នាឆ្នាំ ២០២២មានទឹកប្រាក់ ១៧ ០៧៧ ៣០៤ ០០០ដុល្លារ។ ដោយឡែកការនាំចូលវិញ មានទឹកប្រាក់ ១៨ ២១៦ ៦៤០ ០០០ដុល្លារ ធ្លាក់ចុះ ៥.៩ភាគរយ បើធៀបនឹងឆ្នាំ២០២២ មានទឹកប្រាក់ ១៩ ៣៦៣២២៦ ០០0ដុល្លារ។

ប្រទេសដែលជាទីផ្សារសំខាន់ៗរបស់កម្ពុជារួមមាន៖ ទីផ្សារអាមេរិកមានទឹកប្រាក់ជិត ៧ពាន់លានដុល្លារ ធ្លាក់ចុះ ២ភាគរយ, ទីផ្សារវៀតណាមជាង ២ពាន់លានដុល្លារ កើនឡើង៣០.៧ភាគរយ, ប្រទេសចិន ជាង១ពាន់លានដុល្លារ កើនឡើង១៨ភាគរយ, ប្រទេសជប៉ុនជិត ៩០០លានដុល្លារ ធ្លាក់ចុះ ១.៣ភាគរយ និងបណ្តាទីផ្សារសំខាន់ៗមួយចំនួនទៀត។

ដោយឡែកផលិតផលសំខាន់ៗ ដែលកម្ពុជានាំចេញទៅបរទេសវិញរួមមាន៖ សម្លៀកបំពាក់ និងគ្រឿងបន្ទាប់​បន្សំមានទឹកប្រាក់ជិត៦ ពាន់លានដុល្លារ, ម៉ាស៊ីន និងឧបករណ៍អគ្គិសនីមានទឹកប្រាក់ជិត ២.៥ពាន់លានដុល្លារ, វត្ថុធ្វើពីស្បែក និងបរិក្ខាធ្វើពីរោមសត្វមានទឹកប្រាក់ជិត១.៣ពាន់លានដុល្លារ, គ្រាប់ធញ្ញជាតិ មានទឹកប្រាក់ជិត ១.២ពាន់លានដុល្លារ និងផលិតផលមួយចំនួនទៀត។

​របាយការណ៍​ ក៏បាន​បង្ហាញ​ថា​ ​ប្រទេស​ចិន​គឺ​ជាគោល​ដៅ​នាំចេញ​ធំ​ជាងគេ​ទី ៣ ​សម្រាប់​កម្ពុជា​ បន្ទាប់ពី​សហរដ្ឋអាមេរិក​ ​និង​វៀតណាម​។​

​​លោកបណ្ឌិត ហុង វណ្ណៈ បានកត់សម្គាល់ថា បើសង្កេតមើលទៅតុល្យភាពនៃជញ្ជីងពាណិជ្ជកម្មអន្តរជាតិរបស់កម្ពុជាឃើញថា កម្រិតនៃការនាំចូលមានការថយចុះ ហើយកម្រិតនៃការនាំចូលរបស់កម្ពុជា ក៏មានការថយចុះដូចគ្នា។

លោកបណ្ឌិតបានបញ្ជាក់ថា ៖

«បើយើងធ្វើតុល្យការទៅធ្វើឱ្យសេដ្ឋកិច្ចកម្ពុជានៃការធ្វើពាណិជ្ជកម្មជាអន្តរជាតិមិនមានការធ្លាក់ចុះគួរឱ្យកត់សម្គាល់នោះទេ ព្រោះបើយើងមើលទៅលក្ខណៈតំបន់វាមានទំនាក់ទំនងគ្នាដែលមានតម្រូវការថយចុះរបស់ពិភពលោក។ នេះវាមិនមែនជាការធ្លាក់ចុះគំហុកធ្វើឱ្យប៉ះពាល់ដល់ការរីកចម្រើនរបស់សេដ្ឋកិច្ចកម្ពុជាយើងជារួមនោះទេ»។

អ្នកឧកញ៉ា លឹម ហេង អនុប្រធាន​សភាពាណិជ្ជកម្ម​កម្ពុជា បាន​ឱ្យដឹងថា ទំហំ​ពាណិជ្ជកម្ម​អន្តរជាតិរបស់​កម្ពុជា​បានចាប់ផ្តើម​ងើប​ឡើងវិញជា​បណ្តើរៗ​ បន្ទាប់ពី​ធ្លាក់​​ចុះ​តាំងពីដើម​ឆមាស​ទី​២ ឆ្នាំ​២០២២ ដែលនេះជាការបញ្ជាក់ពីចរន្ត​សេដ្ឋ​កិច្ចកម្ពុជា​មានដំណើរ​ទៅមុខ និងបង្ហាញនូវភាព​ល្អប្រសើរ ​​។

អ្នកឧកញ៉ា ​បានបញ្ជាក់ថា ស្ថានភាពប៉ុន្មាន​ឆ្នាំ​ចុង​ក្រោយនេះ កម្ពុជា​សម្រេចបាន​កិច្ចព្រមព្រៀង​ពាណិជ្ជកម្ម​សេរី​ជាមួយ​ប្រទេស​ចិន និង​កូរ៉េ ព្រមទាំង​កិច្ច​ព្រមព្រៀង​ពាណិជ្ជកម្ម​តំបន់ RCEP​ ធ្វើឱ្យកម្ពុជា​ ក៏​កំពុង​ទទួលបាន​កំណើន​នៃ​ការ​បណ្តាក់​ទុន​ផ្ទាល់​កាន់តែច្រើន និងជួយ​ឱ្យ​កម្ពុ​ជាមានការ​លើកកម្ពស់ ផលិតកម្មនៃតម្រូវកា​រ​ក្នុងស្រុក និងទាំង​ក្នុងការ​ជំរុញ​ការនាំចេញផងដែរ ដែលចំណុច​នេះ ​នឹង​កាន់តែ​ប្រសើរ​បន្ថែមទៀត ​នៅពេល​នយោ​បាយ​ពិភពលោក​មាន​ស្ថិរភាព​ឡើងវិញ។

​អ្នកឧកញ៉ា លឹម ហេង បាន​ថ្លែងថា ​៖

«​កម្ពុជា​នឹងមាន​ផលិតផល​ចម្រុះ ​មាន​គុណភាព​កម្រិតស្តង់ដា​អន្តរជាតិ​​សម្រាប់​នាំចេញ ហើយការខិតខំ​របស់​រាជរ​ដ្ឋា​ភិ​បាល និង​ផ្នែក​ឯកជន​នៅ​កម្ពុជា នឹងធ្វើឱ្យទំហំ​ពាណិជ្ជកម្ម​អន្តរជាតិ​របស់​កម្ពុជា មានកំណើន​ការនាំចេញ ក្នុងពេល​ឆាប់ៗ ​​និងមាន​សញ្ញា​វិជ្ជមាន​»​។​

សូមបញ្ជាក់ថា តាម​អគ្គ​​នាយកដ្ឋាន​គយ និង​រដ្ឋាករ​កម្ពុជា ក្នុង​ឆ្នាំ​ ២០២២ ទឹកប្រាក់​ពាណិជ្ជកម្ម​អន្តរជាតិ​របស់​កម្ពុជា មាន​សរុប​ជាង ៥២,៤២ ​ពាន់​លាន​ដុល្លារ កើន ៩,២ ​ភាគរយ​ធៀប​នឹង​ឆ្នាំ ​២០២១ ក្នុងនោះ​កម្ពុជា​នាំចេញ​ជាង ២២,៤៨ ​ពាន់​លាន​ដុល្លារ កើនឡើង ១៦,៤ ​ភាគរយ និង​នាំចូល​មកវិញ​ជិត ៣០ ​ពាន់​លាន​ដុល្លារ កើន ៤,៣​ ភាគរយ​​៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ក្រមួនឃ្មុំ ជាទិន្នផលទទួលបានពីទឹក និងសម្បុកឃ្មុំ កំពុងមានទីផ្សារល្អ ផ្តល់គុណប្រយោជន៍ច្រើន  

ជំនួញ, ព្រឹត្តិការណ៍

• 15/07/2024

ការចិញ្ចឹមឃ្មុំ ជាអាជីវកម្មមួយដែលអាចទាញយកបានផលច្រើនមុខ ដោយក្រៅពីទទួលបានទិន្នផលជាទឹកឃ្មុំ គេក៏អាចប្រមូលបាននូវលំអងឃ្មុំ និងចម្រាញ់ធ្វើជាក្រមួនឃ្មុំផងដែរ

គម្រោងអភិវឌ្ឍន៍ផ្លូវ​ចំនួន​៣ខ្សែ​រំពឹង​បញ្ចប់​ការដ្ឋាននៅក្នុងឆ្នាំ២០២៤

ព្រឹត្តិការណ៍, អចលនទ្រព្យ

• 15/07/2024

គម្រោងអភិវឌ្ឍន៍​ផ្លូវជាតិសំខាន់ៗចំនួន​៣ខ្សែ រំពឹងថា​នឹង​បញ្ចប់ការ​សាងសង់នៅក្នុងឆ្នាំ ២០២៤​នេះ ហើយនឹង​សម្រួលដល់​ការធ្វើដំណើររបស់ពលរដ្ឋ​​

សេដ្ឋកិច្ចថៃបែរជាមានសម្ពាធខ្លាំងដោយសាររោងចក្រចិន និងការនាំចូលទំនិញធូរថ្លៃរបស់ចិន

ព្រឹត្តិការណ៍, សេដ្ឋកិច្ច

• 15/07/2024

សេដ្ឋកិច្ចថៃ កំពុងទទួលរងសំពាធ បន្ទាប់ពីមានបើកដំណើរការរោងចក្រផលិតរថយន្តអគ្គិសនី និងការនាំចូលទំនិញធូរថ្លៃរបស់ចិន

ក្រុមហ៊ុន SUN WAH សម្លឹងឃើញកាលានុវត្តភាពវិនិយោគថ្មីក្នុងវិស័យផ្គុំ និងដំឡើងយានយន្តអគ្គិសនីនៅកម្ពុជា

ព្រឹត្តិការណ៍, សេដ្ឋកិច្ច

• 15/07/2024

ក្រុមហ៊ុន SUN WAH Cambodia បានសម្លឹងឃើញកាលានុវត្តភាពវិនិយោគថ្មីក្នុងវិស័យផ្គុំ និងដំឡើងយានយន្តអគ្គិសនីនៅកម្ពុជា

ផ្លូវជាតិលេខ៧១C ប្រវែងជាង១១៤គីឡូម៉ែត្រ ភ្ជាប់ខេត្តត្បូងឃ្មុំ​ – ខេត្តកំពង់ចាម​សាងសង់រួចរាល់១០០%

ព្រឹត្តិការណ៍, អចលនទ្រព្យ

• 15/07/2024

ផ្លូវជាតិលេខ៧១C ប្រវែងជាង១១៤គីឡូម៉ែត្រ តភ្ជាប់ខេត្តត្បូងឃ្មុំ​ និង ខេត្តកំពង់ចាម​ សាងសង់រួចរាល់១០០%ហើយនៅសល់តែការងារគូសគំនូសចរាចរណ៍ប៉ុណ្ណោះ

រយៈពេល៥ខែ សេដ្ឋកិច្ចកម្ពុជាបានបង្ហាញពីសញ្ញាណល្អ ខណៈអត្រាអតិផរណាត្រលប់ទៅរកភាពប្រសើរឡើងវិញ

ព្រឹត្តិការណ៍, ហិរញ្ញវត្ថុ

• 15/07/2024

រយៈពេល៥ខែ សេដ្ឋកិច្ចកម្ពុជាបានបង្ហាញពីសញ្ញាណល្អ ខណៈអត្រាអតិផរណាត្រលប់ទៅរកភាពប្រសើរឡើងវិញ

ការនាំចេញរបស់ចិនកើនឡើងក្នុងល្បឿនលឿន ៨,៦ ភាគរយ លើសពីការរំពឹងទុក

ព្រឹត្តិការណ៍, សេដ្ឋកិច្ច

• 15/07/2024

Financial Times បានលើកឡើងថា ការនាំចេញរបស់ប្រទេសចិនកើនឡើងក្នុងល្បឿនយ៉ាងលឿនបំផុតក្នុងរយៈពេលជាងមួយឆ្នាំចុងក្រោយនេះ បើទោះបីជាមានភាពតានតឹងកើនឡើងជាមួយអឺរ៉ុប និងសហរដ្ឋអាមេរិកក៏ដោយ

ជប៉ុន គ្រោងវិនិយោគ២៣ពាន់លានដុល្លារសង់ផ្លូវក្រោមដីជាង៥០០គីឡូម៉ែត្រសម្រាប់តែការដឹកជញ្ជូនទំនិញដោយស្វ័យប្រវត្តិ

ព្រឹត្តិការណ៍, អាជីវកម្មថ្មី និងនវានុវត្ត

• 15/07/2024

ជប៉ុន គ្រោងវិនិយោគ ២៣ពាន់លានដុល្លារ សម្រាប់ការសាងសង់ផ្លូវក្រោមដីមានប្រវែងជាង៥០០គីឡូម៉ែត្រ សម្រាប់តែការដឹកជញ្ជូនទំនិញដោយស្វ័យប្រវត្តិ

បុគ្គលិកក្រុមហ៊ុន Samsung រាប់ពាន់នាក់ធ្វើកូដកម្មបន្ទាប់ពីបរាជ័យក្នុងការចរចាដំឡើងប្រាក់ឈ្នួល

ព្រឹត្តិការណ៍, សេដ្ឋកិច្ច

• 12/07/2024

សហជីពប្រចាំក្រុមហ៊ុនអេឡិចត្រូនិក Samsung នៅប្រទេសកូរ៉េខាងត្បូងបាននិយាយថា បុគ្គលិករាប់ពាន់នាក់បានចាប់ផ្តើមកូដកម្មមិនកំណត់ថ្ងៃ

តម្លៃប្រេងបន្តឡើងថ្លៃជាង ៨៥ ដុល្លារក្នុងមួយបារ៉ែល

ព្រឹត្តិការណ៍, សេដ្ឋកិច្ច

• 12/07/2024

តម្លៃប្រេងឆៅម៉ាក Brent ឡើងថ្លៃ ០,៥ ភាគរយ ឬ ៨៥,០៨ ដុល្លារក្នុងមួយបារ៉ែល ខណៈដែលប្រេងឆៅម៉ាក West Texas Intermediate (WTI) ឡើងថ្លៃ ០,៨ ភាគរយ ឬ ៨២,១០​ ដុល្លារក្នុងមួយបារ៉ែល