សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ចាប់តាំងពីកម្ពុជាបានជួបវិបត្តិកូវីដ១៩ កាលពីអំឡុងឆ្នាំ២០២០ ស្ថានភាពទីផ្សារអចលនទ្រព្យចាប់ផ្ដើមរង្គោះរង្គើ ប៉ុន្តែមិនទាន់ជាធ្ងន់ធ្ងរពេកនោះទេ រហូតមកដល់វិបត្តិកូវីដ១៩ដំណាក់កាលទី២ ពោលគឺនៅក្នុងអំឡុងឆ្នាំ២០២១ ស្ថានភាពបានចាប់ផ្ដើមមានស្ថានភាពធ្ងន់ជាងវិបត្តិកូវីដ១៩ដំណាក់ទី១ ។ ដោយឡែកមកដល់ពេលបច្ចុប្បនេះ ស្ថានភាពនៃវិស័យអចលនទ្រព្យរួមក្នុងប្រទេសកម្ពុជាក៏មិនខុសគ្នាពីស្ថានភាពនៅក្នុងវិបត្តិកូវីដ១៩ក្នុងដំណាក់ទី២ប៉ុន្មាននោះដែរ ។
លោកឧកញ៉ា នួន រិទ្ធី ប្រធានក្រុមប្រឹក្សាភិបាលក្រុមហ៊ុនអចលនទ្រព្យ KFA Group បានមានប្រសាសន៍ថា ស្ថានភាពវិស័យអចលនទ្រព្យក្នុងប្រទេសកម្ពុជានាពេលបច្ចុប្បន្ននេះ ហាក់មិនសូវខុសប្លែកប៉ុន្មានពីអំឡុងពេលកូវីដ១៩ ដំណាក់ទី២នោះដែរ ពោលគឺនៅតែបន្តមានភាពស្ងប់ស្ងាត់ ។ ប៉ុន្តែក្នុងវិស័យអចលនទ្រព្យនេះ វាមានការបែងចែកជា៤ផ្នែក រួមមានផ្នែកដីកសិកម្ម ដីសម្រាប់ឧស្សាហកម្ម ផ្នែកលំនៅឋាន និងផ្នែកពាណិជ្ជកម្ម។
លោកឧកញ៉ាបានបន្តថា ៖
«ក្នុងចំណោមផ្នែកធំៗចំនួន៤ ក្នុងវិស័យអចលនទ្រព្យនេះ យើងឃើញថា ផ្នែកកសិកម្ម និងឧស្សាហកម្មនៅមានដំណើរល្អ ជាពិសេសកសិកម្ម ដោយដីសម្រាប់កសិកម្មមានតម្រូវការខ្ពស់ តែយ៉ាងណាក្ដី ដីធ្លីក្នុងផ្នែកនេះមិនមានការប្រែប្រួលខ្លាំងណាស់ណាទេ ។ សម្រាប់អចលនទ្រព្យផ្នែកលំនៅឋាន ផ្ទះសំបែង ឃើញថាបន្តថមថយ ដោយការអភិវឌ្ឍបានដកឃ្លាមួយរយៈ ដោយមិនមានការអភិវឌ្ឍច្រើនដូចមុនកូវីដនោះទេ ។ ជាមួយគ្នានោះដែរ តម្លៃលំនៅឋាន បានធ្លាក់ចុះចន្លោះពី១៥ ទៅ ២៥ភាគរយ ជាពិសេសលំនៅឋានដែលមានការអភិវឌ្ឍថ្មីៗ ខណៈដែលអ្នកអភិវឌ្ឍន៍ត្រូវកែប្រែតម្លៃផ្ទះសាជាថ្មី» ។
លោកឧញ៉ាបន្ថែមថា នៅក្នុងដំណាក់កាលនៃវិបត្តិនេះ លំនៅឋានតម្លៃសមរម្យ ក៏នៅតែអាចលក់ចេញបានជាហូរហែរ ដោយសារអ្នកអភិវឌ្ឍន៍លំនៅឋានប្រភេទនេះផ្ដល់លក្ខខណ្ឌបង់ប្រាក់ដោយរំលស់ជាប្រចាំខែ ហើយអ្នកដែលមានលុយសុទ្ធសម្រាប់ទិញបង់ផ្ដាច់ក៏មានចំនួនច្រើន ទើបធ្វើឱ្យទីផ្សារនៃប្រភេទនេះនៅតែមានភាពរលូន ។ ចំណែកទីផ្សារខុនដូវិញ ក៏ឃើញថា គម្រោងដែលបានសាងសង់រួចរាល់ហើយមានមនុស្សរស់នៅពេញៗ ដោយតម្លៃខុនដូប្រភេទនេះក៏មិនមានការប្រែប្រួលដែរ ចំណែកខុនដូដែលមិនទាន់សាងសង់រួចឃើញថាតម្លៃបានថមថយបន្តិច ដោយសារអ្នកទិញក៏មានចំនួនថមថយជាងមុនដែរ។
គួរបញ្ជាក់ដែរថា តាមរបាយការណ៍ CBRE បានបង្ហាញផងដែរថា ចំនួនវិនិយោគិនចិន ដែលជាវិនិយោគិនធ្លាប់ជាប់លំដាប់ថ្នាក់ទី១នៅកម្ពុជា នៅមិនទាន់មានចំនួនច្រើននោះទេក្នុងឆ្នាំ២០២៤នេះ ឬអាចនិយាយថាកុំទាន់រំពឹងលើការវិលត្រលប់របស់វិនិយោគិនចិនចូលមកកម្ពុជាវិញក្នុងឆ្នាំ២០២៤នេះ ។ យ៉ាងណាក្ដី សម្រាប់តម្លៃអចលនទ្រព្យក្នុងឆ្នាំ ២០២៤នេះ អាចនឹងមានការហក់ឡើងវិញបន្តិច ដែលរំពឹងទៅលើទីផ្សារជាក់ស្ដែង៕
Account
Security
Favourite Content