សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ នាយករដ្ឋមន្ត្រីកម្ពុជា សម្ដេចតេជោ ហ៊ុន សែន កាលពីពេលថ្មីៗកន្លងទៅនេះ បានមានប្រសាសន៍ជំរុញបន្ថែមនូវការកែច្នៃគ្រាប់ស្វាយចន្ទីនៅក្នុងស្រុកសម្រាប់នាំចេញទៅផ្គត់ផ្គង់ទីផ្សារខាងក្រៅ។ ការជំរុញរបស់សម្ដេចបែបនេះ ធ្វើឡើងក្រោមមូលហេតុថាកន្លងមកកម្ពុជានាំចេញគ្រាប់ស្វាយចន្ទីស្រស់ ដែលមិនទាន់កែច្នៃក្នុងទំហំច្រើន។
សម្ដេចតេជោបានមានប្រសាសន៍ទៀតដែរថា កម្ពុជាមានវត្ថុធាតុដើម ប៉ុន្តែបើមើលទៅលើការកែច្នៃគឺនៅមិនទាន់មានគ្រប់គ្រាន់ឡើយ ដូច្នេះហើយកម្ពុជាចង់ទាក់ទាញវិនិយោគមកកែច្នៃនៅក្នុងស្រុក ដែលការធ្វើបែបនេះអាចបង្កើតការងារដល់ប្រជាជនកម្ពុជាក្នុងស្រុកផង។
សម្តេចតេជោ ហ៊ុន សែន បានបញ្ជាក់យ៉ាងដូច្នេះថា ៖
“ទៅមុខទៀត បើកម្ពុជាមានលទ្ធភាព កម្ពុជាអាចក្លាយទៅជាប្រទេសដែលចែកចាយនូវគ្រាប់ស្វាយចន្ទី ដែលសឹងនឹងក្លាយទៅជាអ្នកខ្លាំងមួយក្នុងចំណោមអ្នកខ្លាំងនៃការចែកចាយ ព្រោះមួយឆ្នាំកម្ពុជានាំចេញគ្រាប់ស្វាយចន្ទីដែលមិនទាន់កែច្នៃ ១លានតោន……យើងកែច្នៃខ្លួនឯងបានតិចតួចណាស់ ដែលយកមកតាំងពិព័រណ៍លក់”
បើតាមរបាយការណ៍របស់ក្រសួងកសិកម្មដែលបានចេញផ្សាយកាលពីពេលកន្លងទៅបានឱ្យដឹងដែរថា ផលិតផលគ្រាប់ស្វាយចន្ទីឆៅក្នុងពិភពលោកមានការកើនឡើង១២ដងក្នុងរយៈពេល ៥០ឆ្នាំចុងក្រោយនេះ ពោលគឺចាប់ពីតិចជាង ៣០០ ០០០តោន ក្នុងឆ្នាំ១៩៦១ ដល់៣,៧ លានតោនក្នុងឆ្នាំ២០០៨។ រីឯការដាំដុះមានការកើនឡើងនៅប៉ុន្មានទសវត្សរ៍ចុងក្រោយនេះ ហើយផលិតផលស្ទើរតែកើនឡើងទ្វេដងពីឆ្នាំ២០០០ ដល់ ២០០៨ ដោយសារការកើនឡើង ២៧ភាគរយនូវផ្ទៃដីដាំដុះក្នុងពិភពលោក ហើយទិន្នផលជាមធ្យមក្នុងពិភពលោកកើនឡើងជាង ៥០ភាគរយ។
នៅក្នុងឆ្នាំ២០២២ កម្ពុជានាំចេញគ្រាប់ស្វាយចន្ទីឆៅទៅទីផ្សារអន្តជាតិ ៦៧ម៉ឺនតោន គិតជាទឹកប្រាក់ ១ពាន់ ៧៧លានដុល្លាអាមេរិក ក្នុងនោះប្រទេសដែលនាំចូលគ្រាប់ស្វាយចន្ទីពីកម្ពុជា មានជាអាថិ៍ ប្រទេសវៀតណាម ជប៉ុន និងចិន ខណៈប្រទេសផ្សេងៗទៀតក៏កំពុងតែសម្លឹងមើលឱកាសក្នុងការនាំចូលគ្រាប់ស្វាយចន្ទីកម្ពុជាទៅកាន់ទីផ្សារប្រទេសខ្លួនដែរ។
យ៉ាងណាមិញ គ្រាប់ស្វាយចន្ទីរបស់កម្ពុជាស្ទើរ១០០ភាគរយ បាននាំចេញទៅកាន់ប្រទេសវៀតណាម ដែលមានចំនួនរហូតទៅដល់ ៦៦ម៉ឺនតោន ថយចុះ៣៧ភាគរយ។ ចំណែកឯតម្លៃនៃគ្រាប់ស្វាយចន្ទីស្ងួត មានចន្លោះពី ៥ ៥០០រៀលទៅ ៧ ២០០រៀល អាស្រ័យតាមគុណភាពគ្រាប់។ នេះបើតាមរបាយការណ៍ពីសមាគមស្វាយចន្ទីកម្ពុជា៕
Account
Security
Favourite Content