សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
សៀមរាប ៖ ក្នុងរយៈពេល៦ខែដើមឆ្នាំ២០២៤នេះ រចំណូលពីការលក់បណ្ណ ឱ្យភ្ញៀវទេសចរអន្ដរជាតិចូលទស្សនាតំបន់រមណីយដ្ឋានអង្គរទទួលបានប្រមាណ ២៤លានដុល្លារអាមេរិក លើចំនួនភ្ញៀវទេសចរសរុបជាង៥ម៉ឺននាក់។ នេះបើតាមសេចក្ដីប្រកាសរបស់គ្រឹះស្ថានអង្គរ នាថ្ងៃទី១ ខែកក្កដា ឆ្នាំ២០២៤។
យោងតាមសេចក្ដីប្រកាសព័ត៌មានរបស់គ្រឹះស្ថានអង្គរបានឱ្យដឹងថា ក្នុងរយៈពេល៦ខែ គិតចាប់ពីដើមខែមករា ដល់ខែមិថុនា ឆ្នាំ២០២៤ ភ្ញៀវទេសចរបរទេសដែលបានទិញបណ្ណ ឬសំបុត្រចូលទស្សនារមណីយដ្ឋានអង្គរ និងប្រាសាទកោះកេរមានចំនួន ៥២១ ៩៥០ នាក់ កើនឡើងជាង ៣៥.៣០ ភាគរយ បើធៀបរយៈពេលដូចគ្នាឆ្នាំ២០២៣ និងទទួលបានប្រាក់ចំណូលចំនួន ២៤ ៣៥៧ ៦៩៥ ដុល្លារអាមេរិក កើនឡើងជិត ៣៦.២៤%ភាគរយ បើធៀបនឹងឆ្នាំ២០២៣កន្លងទៅ។
សេចក្ដីប្រកាសព័ត៌មានដដែលបានបន្ថែមថា សម្រាប់ខែមិថុនាឆ្នាំ២០២៤នេះ មានភ្ញៀវទេសចរអន្ដរជាតិទិញបណ្ណចូលទស្សនាអង្គរមានចំនួន ៤៩ ៦៩២ នាក់ បើធៀបនឹងឆ្នាំ២០២៣កន្លងទៅកើនឡើងជាង២០រយភាគរយ និងផ្ដល់ចំណូលថវិកាចំនួន ២ ១៥០ ៨០៤ដុល្លារ កើនឡើងជាង១៨ភាគរយ បើធៀបក្នុងរយៈពេលដូចគ្នានៃឆ្នាំ២០២៣។
ភ្ញៀវទេសចរជនជាតិអាមេរិក ឈរនៅកំពូលតារាងដែលមកទស្សនារមណីយដ្ឋានអង្គរច្រើនជាងគេ គឺជាង ៥៥ ០០០នាក់។ បន្ទាប់មក ទេសចរជនជាតិអង់គ្លេស ជាង ៤៨ ០០០នាក់, បារាំង ជិត ៤៤ ០០០នាក់, កូរ៉េខាងត្បូង ជិត ៤៤ ០០០នាក់ និងទេសចរចិន ជាង ៣៨ ០០០នាក់។ ចំណែកលេខរៀងបន្ទាប់មាន ជប៉ុន អាល្លឺម៉ង់ និងអូស្រ្តាលី រីឯឥណ្ឌា ឈរនៅលេខរៀងទី៩ មានទេសចរជាង២ម៉ឺននាក់។
នៅក្នុងសេចក្ដីប្រកាសដដែលក៍បានបង្ហាញដែរថា ការលក់ប័ណ្ណឱ្យអ្នកទេសចរអន្ដរជាតិ ចូលទស្សនាប្រាសាទកោះកែរ រយៈពេល៦ខែ ឆ្នាំ២០២៤នេះ មានចំនួន ១០៨២៨នាក់ ចំណូលថវិកាចំនួន ១៦២ ៤២០ដុល្លាអាមេរិក ខណៈដែលមួយខែមិថុនាឆ្នាំ២០២៤នេះ មានអ្នកទេសចរទិញសំបុត្រចូលទស្សនាប្រាសាទកោះកែរនេះដែរ មានចំនួន៧០១នាក់ ចំណូលថវិកាចំនួន ១០ ៥១៥ដុល្លាអាមេរិក។ សម្រាប់ថវិកាដែលដកពីការលក់បណ្ណយកឧបត្ថម្ភដល់មូលនិធិគន្ធបុប្ផាកម្ពុជា រយៈពេល៦ខែនេះ សរុបមានចំនួន ១ ០៤៣ ៩០០ដុល្លារអាមេរិកដើម្បីជួយក្នុងមូលនិធិសម្រាប់សង្គ្រោះជីវិតកុមារកម្ពុជា។
សូមជម្រាបថា ឆ្នាំ២០២៣ ភ្ញៀវទេសចរបរទេស ទិញបណ្ណចូលទស្សនារមណីយដ្ឋានអង្គរ មានចំនួនជាង ៧៩ម៉ឺននាក់ ទទួលបានចំណូល ៣៧ ១៩៨ ៩៨៨ ដុល្លារអាមេរិក កើនឡើងចំនួន ២២២.៦៨ភាគរយធៀបទៅនឹងឆ្នាំ២០២២៕
Account
Security
Favourite Content