សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងតាមប្រភពព័ត៌មានពី CNA បានរាយការណ៍ថា ចិនបានព្រមានយ៉ាងម៉ឺងម៉ាត់ចំពោះប្រទេសណាដែលធ្វើកិច្ចព្រមព្រៀងពាណិជ្ជកម្មជាមួយសហរដ្ឋអាម៉េរិកប៉ះពាល់ដល់ផលប្រយោជន៍ចិន ហើយខ្លួននឹងចាត់វិធានការប្រឆាំងទៅពួកគេវិញ។
ថ្មីៗនេះ ក្រសួងពាណិជ្ជកម្មចិនបានព្រមានថា ប្រទេសចិននឹងចាត់វិធានការតបតវិញក្នុងលក្ខណៈច្បាស់លាស់ ប្រសិនបើប្រទេសណាមួយយល់ព្រមលើកិច្ចព្រមព្រៀងទាំងឡាយណាជាមួយអាមេរិកដែលប៉ះពាល់ដល់ផលប្រយោជន៍ប្រទេសចិន បន្ទាប់ពីមានព័ត៌មានលេចឮថា រដ្ឋបាល Trump កំពុងរៀបចំផែនការដាក់សម្ពាធប្រទេសផ្សេងទៀតពីការធ្វើពាណិជ្ជកម្មជាមួយប្រទេសចិន។ ថ្មីៗនេះ ប្រធានាធិបតីអាម៉េរិក Donald Trump បានប្រកាសពន្ធថ្មី ១០ ភាគរយជាបណ្តោះអាសន្នលើប្រទេសជាច្រើន ខណៈដែលយកពន្ធលើទំនិញចិនយ៉ាងលើសលប់រហូតដល់ ១៤៥ ភាគរយ។ យ៉ាងណាមិញ ទីក្រុងប៉េកាំងបានឆ្លើយតបវិញជាមួយនឹងពន្ធចំនួន ១២៥ ភាគរយលើទំនិញរបស់សហរដ្ឋអាម៉េរិក។
ឥឡូវនេះ ប្រទេសមួយចំនួនកំពុងចូលរួមក្នុងការចរចាជាមួយសហរដ្ឋអាម៉េរិកដើម្បីកាត់បន្ថយពន្ធ ខណៈដែលសង្រ្គាមពាណិជ្ជកម្មអាម៉េរិក និងចិនកាន់តែតាន់តឹង។ ទន្ទឹមនឹងនេះ ចិនគោរពគ្រប់ភាគីទាំងអស់ក្នុងការដោះស្រាយភាពភាពលំបាកផែ្នកសេដ្ឋកិច្ច និងពាណិជ្ជកម្មជាមួយសហរដ្ឋអាម៉េរិកតាមរយៈការពិគ្រោះយោបល់ដោយឈរលើមូលដ្ឋានស្មើភាពគ្នា ប៉ុន្តែបានព្រមានប្រទេសនានាអំពីកិច្ចព្រមព្រៀងជាមួយសហរដ្ឋអាម៉េរិកដែលប្រឆាំងនឹងចិន ដើម្បីសម្របសម្រួលផលប្រយោជន៍របស់ខ្លួន។
អ្នកនាំពាក្យក្រសួងពាណិជ្ជកម្មរបស់ទីក្រុងប៉េកាំងបាននិយាយនៅក្នុងសេចក្តីថ្លែងការណ៍មួយថា ការលួងលោមបញ្ចុះបញ្ចូលដើម្បីផលប្រយោជន៍ផ្ទាល់ខ្លួន ហើយប៉ះពាល់អ្នកដទៃនឹងមិននាំមកនូវសន្តិភាពទេ ហើយការសម្របសម្រួលក៏នឹងមិនត្រូវបានគោរពទទួលស្គាល់ដែរ ។ វិធីសាស្រ្តនោះនឹងទទួលបរាជ័យទាំងសងខាង និងបង្កគ្រោះថ្នាក់ដល់អ្នកដទៃ។ ទន្ទឹមនឹងនេះ ចិនប្រឆាំងយ៉ាងម៉ឺងម៉ាត់ចំពោះភាគីណាដែលឈានដល់កិច្ចព្រមព្រៀងដែលប៉ះពាល់ប្រយោជន៍របស់ចិន។ ប្រសិនបើស្ថានភាពបែបនេះកើតឡើង ចិននឹងមិនអាចទទួលយកបាននោះទេ ហើយនឹងចាត់វិធានការតបតវិញយ៉ាងម៉ឺងម៉ាត់។ ប្រទេសចិនប្តេជ្ញាចិត្តក្នុងការការពារសិទ្ធិ និងផលប្រយោជន៍ផ្ទាល់ខ្លួន៕
Account
Security
Favourite Content