សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ជីរណា ជាពពួកបន្លែប្រើស្លឹកមួយប្រភេទដែលគេពេញនិយមទទួលទានដោយផ្ទាប់ ឬផ្សំក្លិនជាមួយមុខម្ហូបដទៃ ហើយអ្វីដែលកាន់តែពិសេសទៅទៀតនោះ វាជារុក្ខជាតិដែលងាយដាំដុះ មិនសូវរើសដី ដែលសមស្របសម្រាប់កសិករអាចដាំដុះជាលក្ខណៈគ្រួសារ ឬសម្រាប់ផ្គត់ផ្គង់ទៅកាន់ទីផ្សារដើម្បីអាចទទួលបានចំណូលបន្ថែម។
បើតាមបទពិសោធរបស់កសិករដែលធ្លាប់ដាំជីរណាកន្លងមកបានប្រាប់ឱ្យដឹងថា ជីរណា គឺមានភាពងាយស្រួលក្នុងការដាំដុះ ហើយមិនសូវបារម្ភខ្លាចខូចដូចបន្លែផ្សេងទៀតនោះទេ ជាពិសេសគឺអាចដាំបានគ្រប់រដូវកាល មិនថាខួបប្រាំង ឬខួបវស្សានោះទេ ពោលគឺឱ្យតែរៀបចំប្រព័ន្ធទឹកបានត្រឹមត្រូវ និងគ្រប់គ្រាន់។ ក្នុងនោះ កសិករអាចរកចំណូលជាមធ្យមប្រមាណ ២០ម៉ឺនរៀលក្នុងមួយថ្ងៃ តាមរយៈការប្រមូលផលជីក្នុងបរិមាណ ១០០គីឡូក្រាម ក្រោយការដាំដុះនៅលើផ្ទៃដីប្រមាណ ១ហិកតា ខណៈដែលតម្លៃនៅលើទីផ្សារអាចស្ថិតក្នុងចន្លោះ ២០០០-៣០០០រៀលក្នុងមួយគីឡូក្រាម។
ពាក់ព័ន្ធនឹងបច្ចេកទេសដាំជីរណា ជាដំបូងគេត្រូវភ្ជួរដី និងហាល ៤-៥ថ្ងៃ រួចធ្វើការប្រែដី និងហាលបន្ត ៥ថ្ងៃបន្ថែមទៀត ដើម្បីឱ្យដីងាប់មេរោគ ទើបលើកជារងដែលមានទទឹងប្រមាណ ១.២ម៉ែត្រ ហើយបណ្ដោយអាស្រ័យប្រវែងដី។ បន្ទាប់មកត្រូវធ្វើរងគ្របស្បៃដើម្បីការពារពន្លឺថ្ងៃ និងរៀបចំប្រព័ន្ធទឹកស្រោចស្រពតាមរងដំណាំ ទើបចាប់ផ្ដើមដាំ។
ដោយឡែកក្នុងការដាំដុះ គេមានច្រើនវិធី ក្នុងនោះគេអាចព្រួសគ្រាប់យកតែម្ដង ដោយសារជីដែលព្រួសគ្រាប់មានសភាពទន់ជាង និងដាំរយៈពេលខ្លីជាងជីដែលដាំដោយដើម ហើយអតិថិជនចូលចិត្តហូបជីដែលមានសភាពទន់។ បន្ទាប់ពីព្រួសគ្រាប់ពូជរួចហើយ គេត្រូវស្រោចទឹកបានឱ្យគ្រាប់គ្រាន់ដើម្បីឱ្យគ្រាប់ឆាប់ដុះ។
លុះរំលងបានរយៈពេលប្រមាណ ២សប្ដាហ៍ គ្រាប់ជីនឹងដុះចេញជាស្លឹកឡើង ហើយទុករហូតដល់ជីចាប់ផ្ដើមចេញស្លឹកតូចៗមក ទើបគេធ្វើការសម្អាតស្មៅ ដាក់ជី ការពារសត្វល្អិត ប្រមាណ ៣ខែគឺអាចប្រមូលផលបានហើយ។ ការប្រមូលផលជីរណា យើងត្រូវដកដើមជីណាធំៗ ទុកកូនតូចៗឱ្យលូតលាស់បបន្តទៀត ហើយលាងសម្អាតដីដែលជាប់ឫស ចងបាច់ និងច្រកថង់លក់ឱ្យឈ្មួញតែម្ដង៕
Account
Security
Favourite Content