សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
នៅក្នុងឱកាសចុះទស្សនកិច្ច និងសិក្សា ស្វែងយល់អំពីក្រុមហ៊ុន AMECO (Aircraft Maintenance and Engineering Cooperation) ដែលមានមូលដ្ឋាននៅក្នុងទីក្រុងប៉េកាំង រដ្ឋមន្ត្រីទទួលបន្ទុករដ្ឋលេខាធិការដ្ឋានអាកាសចរស៊ីវិលកម្ពុជាបានស្នើឲ្យក្រុមហ៊ុនចិនដ៏ធំមួយនេះ ពិចារណាលើការបង្កើតរោងជាងជួសជុល និងថែទាំអាកាសយាននៅកម្ពុជា។
ឯកឧត្តមបណ្ឌិត ម៉ៅ ហាវណ្ណាល់ នៅក្នុងដំណើរទស្សនៈកិច្ចនៅប្រទេសចិនកាលពីពេលកន្លងទៅថ្មីៗនេះ បានស្នើឲ្យភាគីចិន សិក្សា លើ លទ្ធភាពនៃការវិនិយោគ ផ្ដោតជាពិសេសក្នុងមូលដ្ឋានអាកាសយានដ្ឋានអន្តរជាតិសៀមរាបអង្គរថ្មី ដែលនឹងចាប់ផ្តើមបើកដំណើរការ សាកល្បងនៅពាក់កណ្តាលខែឧសភា និងឈានទៅដំណើរការជាផ្លូវការនៅត្រឹមខែតុលា ឆ្នាំ២០២៣ក្នុងពេលឆាប់ៗខាងមុខនេះ។
ឯកឧត្តមបានបញ្ជាក់ថា វត្តមាននៃរោងជាងជួសជុលថែទាំ និងវិស្វកម្មអាកាសយានកម្រិតអន្តរជាតិ ដែលមានការទទួលស្គាល់ជាសកល នៅ ក្នុងប្រទេសកម្ពុជា អាចនាំឱ្យមានការរីកចម្រើនផ្នែកសេដ្ឋកិច្ច ជាពិសេសនឹងជួយជំរុញឱ្យវិស័យអាកាសចរស៊ីវិលកម្ពុជា មានការរីកលូតលាស់ រីកចម្រើនមួយកម្រិតថែមទៀត និងអាចឈានដល់កម្រិតប្រកួតប្រជែងជាមួយបណ្តាប្រទេសក្នុងតំបន់ផងដែរ។
យ៉ាងណាមិញ ជាការឆ្លើយតប ក្រុមហ៊ុន AMECO នឹងបញ្ជូនក្រុមបច្ចេកទេសមកសិក្សាអំពីលទ្ធភាពនៃការបង្កើតរោងជាងជួសជុល និងថែទាំ អាកាសយាននៅអាកាសយានដ្ឋានអន្តរជាតិសៀមរាបអង្គរថ្មី នៅពេលវេលាសមស្របណាមួយផងដែរ។
គួរបញ្ជាក់ផងដែរថា ក្រុមហ៊ុន AMECO (Aircraft Maintenance and Engineering Cooperation) គឺជាក្រុមហ៊ុនដ៏ធំ និងល្បីល្បាញ មួយក្នុងវិស័យអាកាសចរស៊ីវិល មានមូលដ្ឋាននៅក្នុងទីក្រុងប៉េកាំងនៃសាធារណរដ្ឋប្រជាមានិតចិន ដែលមានជំនាញ និងផ្តល់ជូនសេវាកម្មសំបូរបែបលើការជួសជុសថែទាំអាកាសយាន និងវិស្វកម្មអាកាសយាន។ បច្ចុប្បន្ន ក្រុមហ៊ុននេះមានបុគ្គលិកបម្រើការសរុបរហូតដល់ ១១ ០០០នាក់ និងត្រូវបានគេទទួលស្គាល់ច្រើនអំពីសេវាកម្មដែលក្រុមហ៊ុននេះបានផ្ដល់ជូន៕
Account
Security
Favourite Content