សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ ក្បាលគ្រាប់នុយក្លេអ៊ែររបស់មហាអំណាច ទោះមិនមែនជាប្រធានបទក្តៅនៅពេលនេះ ប៉ុន្តែវាជាព័ត៌មានដែលមិនស្ងប់ស្ងាត់នៅឡើយ ជាពិសេសចាប់តាំងតែពីពេលដែលជម្លោះនៅអ៊ុយក្រែនបានផ្ទុះឡើងដោយក្នុងនោះមហាអំណាចបាននាំគ្នាលើកយករឿងនេះមកពិភាក្សា និងវិភាគសាជាថ្មីម្តងហើយម្តងទៀត។
សប្តាហ៍នេះ មន្ទីរប៉ង់តាហ្គោនបានចេញផ្សាយនូវរបាយការណ៍ស្រាវជ្រាវថ្មីមួយរបស់ខ្លួនដោយអះអាងថា រដ្ឋាភិបាលទីក្រុងប៉េកាំងកំពុងបង្កើនចំនួនផលិតរបស់ខ្លួនយ៉ាងខ្លាំងក្លា ហើយសង្ស័យថាចំនួនជាក់ស្តែងនៅពេលនេះគឺមានទំហំដល់ទៅ ២ដងលើការប៉ាន់ស្មានរបស់អាមេរិក។
ភ្នាក់ងារសម្ងាត់កិច្ចការងារវិស័យការពារជាតិអាមេរិក (Defense Intelligence Agency) បានវាយតម្លៃថា ប្រទេសចិនដែលធ្លាប់មានក្បាលគ្រាប់តែ២០០គ្រាប់កាលពីឆ្នាំ២០២០នោះ ទំនងជាកំពុងមានអាវុធប្រល័យលោកនេះប្រមាណជា៥០០គ្រាប់រួចទៅហើយនៅក្នុងស្តុកនៅពេលបច្ចុប្បន្ន ហើយនឹងបន្តកើនឡើងជាង២ដង ឬប្រមាណជាង ១០០០គ្រាប់នៅត្រឹមឆ្នាំ២០៣០ ហើយអ្វីដែលកាន់តែគួរឲ្យព្រួយបារម្ភចំពោះរដ្ឋាភិបាលវ៉ាស៊ិនតោននោះគឺថា វាសុទ្ធតែអាចវាយប្រហារចូលដល់ទឹកដីអាមេរិកបានទាំងអស់ទៀតផង។
របាយការណ៍របស់ប៉ង់តាហ្គោនដដែលនេះបានសរសេរថា៖ ចិនកំពុងស្ថិតនៅក្នុងផលិតកម្មដ៏មមាញឹក និងមានមហិច្ឆតាក្នុងការធ្វើទំនើបកម្មបច្ចេកវិទ្យាអាវុធនុយក្លេអ៊ែររបស់ពួកគេបើទោះបីជាវានៅតែស្ថិតនៅក្នុងកម្រិតចំនួនទាបធៀបទៅនឹងជាមួយសហរដ្ឋអាមេរិក និងប្រទេសរុស្សីក៏ដោយ។
យ៉ាងណាក៏ដោយ ទោះបីជាបានអះអាងលំអិតអំពីតួលេខដែលបានព្យាករណ៍ទុកនេះក្តី ប៉ុន្តែអាមេរិកនៅមិនទាន់អាចកំណត់បានពីរបៀបដែលរដ្ឋាភិបាលទីក្រុងប៉េកាំងអនុវត្តក្នុងការផលិតក្បាលគ្រាប់បានយ៉ាងឆាប់រហ័សបែបនេះនោះទេ៕
Account
Security
Favourite Content