សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងតាមប្រភពព័ត៌មានពី Yahoo!Finance រាយការណ៍ថា ការផ្ទុះជម្លោះនៅមជ្ឈឹមបូព៌ាអាចបណ្តាលឱ្យធនាគារកណ្តាលតាមបណ្តាប្រទេសមួយចំនួនប្រឈមនឹងវិបត្តិថ្មី ខណៈដែលពួកគេកំពុងបង្កើនកិច្ចខំប្រឹងប្រែងទប់ស្កាត់ការកើនឡើងនៃអតិផរណាដែលបង្កឡើងដោយសង្រ្គាមរវាងរុស្ស៊ី-អ៊ុយក្រែន។
ថ្មីៗនេះ មានការវាយប្រហារដ៏គួរឱ្យភ្ញាក់ផ្អើលបានកើតឡើងក្នុងប្រទេសអ៊ីស្រាអែល ដែលធ្វើឲ្យមនុស្សស្លាប់រាប់រយនាក់ក្រោមសារចលនាក្រុមហាម៉ាសបានលុកលុយតំបន់ហ្កាហ្សា។ ជាការឆ្លើយតប អ៊ីស្រាអែលបានបញ្ជូនយន្តហោះចម្បាំងជាច្រើនគ្រឿងទៅវាយប្រហារតំបន់ហ្កាហ្សា និងប្រមូលទាហានបម្រុងរាប់ម៉ឺននាក់ក្នុងការវាយបកលើក្រុមហាម៉ាសវិញ។ ទន្ទឹមនឹងនេះ ជម្លោះនេះកាន់តែធ្ចើឲ្យជម្លោះមជ្ឈឹមបូព៌ាធំជាងមុន ខណៈដែលពិភពលោកកំពុងប្រឈមមុខនឹងសង្រ្គាមរវាងរុស្ស៊ី-អ៊ុយក្រែននៅឡើយ។ ផលប៉ះពាល់ពីសង្គ្រាមនឹងអាស្រ័យលើរយៈពេលដែលជម្លោះនេះអូសបន្លាយ ថាតើវាកាន់តែខ្លាំងប៉ុណ្ណា ហើយវារីករាលដាលដល់ផ្នែកផ្សេងទៀតនៃតំបន់ដែរឬទេ?
ស្របពេលនេះដែរ ឥទ្ធិពលនៃសង្រ្គាមកំពុងបន្ថែមផលប៉ះពាល់ដល់សេដ្ឋកិច្ចពិភពលោកដែលកំពុងតែធ្លាក់ចុះរួចទៅហើយ។ លើសពីនេះ ទីផ្សារសហរដ្ឋអាមេរិកនៅតែសម្របខ្លួនទៅនឹងស្ថានការណ៍ ហើយធនាគារកណ្តាលអាចនឹងរក្សាអត្រាការប្រាក់ខ្ពស់ក្នុងរយៈពេលយូរជាងការរំពឹងទុក។
លោក Carl Tannenbaum ប្រធានសេដ្ឋវិទូនៅក្រុមហ៊ុន Northern Trust បាននិយាយថា មូលហេតុនៃភាពមិនច្បាស់លាស់ខាងសេដ្ឋកិច្ចអាចធ្វើឲ្យការសម្រេចចិត្តប្រើរយៈពេលយូរ និង បង្កើនហានិភ័យ ជាពិសេសតំបន់ប្រេង។ ទន្ទឹមនឹងនោះ អ្នកវិភាគយល់ឃើញថា ទីផ្សារក៏នឹងប្រែប្រួលទៅតាមស្ថានភាពកំពុងកើតឡើងដែរ បន្ទាប់ពីអស្ថិរភាពជាច្រើនទសវត្សរ៍នៅមជ្ឈឹមបូព៌ា តើការផ្ទុះឡើងនៃអំពើហឹង្សានេះមានលក្ខណៈខុសគ្នាពីលើកមុនៗដែរ ឬទេ?
ក្នុងសប្តាហ៍នេះ បញ្ហាជម្លោះនេះអាចនឹងលើកឡើងជាមួយនឹងបញ្ហាពាក់ព័ន្ធក្នុងរបៀបវារៈសម្រាប់កិច្ចប្រជុំរបស់មូលនិធិរូបិយវត្ថុអន្តរជាតិ និងធនាគារពិភពលោកជាមួយនឹងមេដឹកនាំហិរញ្ញវត្ថុពិភពលោកនៅប្រទេសម៉ារ៉ុក។ សម្រាប់ធនាគារកណ្តាលតាមបណ្តាប្រទេស វាជាបញ្ហាថ្មីមួយដែលទំនងជានាំទៅរកសម្ពាធអតិផរណាថ្មី ដោយសារតំបន់ទាំងនោះមិនមែនគ្រាន់តែជាផ្ទះរបស់អ្នកផលិតប្រេងធំៗដូចជាអ៊ីរ៉ង់ និងអារ៉ាប៊ីសាអូឌីតប៉ុណ្ណោះទេ ប៉ុន្តែក៏មានផ្លូវដឹកជញ្ជូនសំខាន់ៗឆ្លងកាត់ឈូងសមុទ្រ Suez ផងដែរ។
ស្របពេលដែលជម្លោះកំពុងផ្ទុះឡើងនៅក្នុងតំបន់ផលិតប្រេងដ៏សំខាន់ ប្រតិកម្មក្នុងចំណោមពាណិជ្ជករ និងប្រទេសផលិតប្រេងដូចជា អ៊ីរ៉ង់ និងអារ៉ាប៊ីសាអូឌីត កំពុងឃ្លាំមើលយ៉ាងដិតដល់ដើម្បីដឹងថា តើការកើនឡើងតម្លៃមួយផ្សេងទៀតនឹងមកដល់ដែរឬទេ ដូចជា ការជួញដូរនៅលើមូលបត្របំណុល និងទីផ្សារភាគហ៊ុនជាដើម។
Karim Basta ប្រធានសេដ្ឋវិទូនៅ III Capital Management បាននិយាយថា ជម្លោះនេះបង្កឱ្យមានហានិភ័យនៃតម្លៃប្រេងឡើងថ្លៃខ្ពស់ អតិផរណា និងចក្ខុវិស័យកំណើន។ ដូច្នោះហើយ សង្រ្គាមអ៊ីស្រាអែលជាមួយក្រុមហាម៉ាសអាចបង្កើនការព្រួយបារម្ភអំពីសេដ្ឋកិច្ចពិភពលោក ដោយគេសង្កត់ធ្ងន់ថា វាជាសង្គ្រាមថ្មីដែលបន្ថែមជាហានិភ័យចំពោះសេដ្ឋកិច្ចពិភពលោក៕.
Account
Security
Favourite Content