សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ក្រៅតែពីបញ្ហាអន្តរជាតិជាបន្តបន្ទាប់រួចមក រដ្ឋាភិបាលក្រុងវ៉ាស៊ីនតោនក៏កំពុងប្រឈមមុខទៅនឹងបញ្ហាផ្ទៃក្នុងមួយចំនួនផងដែរ ខណៈដែលខ្លួនកំពុងត្រៀមខ្លួនរៀបចំការបោះឆ្នោតជ្រើសរើសប្រធានាធិបតីនៅឆ្នាំក្រោយ។ បញ្ហាអតិផរណាបញ្ហាគ្រឿងញៀនបញ្ហាព្រំដែន និងបញ្ហានយោបាយព្រមទាំងបញ្ហាផ្សេងៗទៀតមិនទាន់ដោះស្រាយ ឬធ្វើឲ្យប្រសើរឡើងវិញនៅឡើយក្នុងពេលនេះអាមេរិកកំពុងជួបប្រទះទៅនឹងបញ្ហាដ៏សំខាន់មួយផ្សេងទៀតគឺបញ្ហាបំណុលសាធារណៈ។
ការសម្រេចចិត្តដ៏លំបាកក្នុងការបង្កើនកម្រិតអតិបរិមាននៃពិដានបំណុលក្នុងពេលដែលអាមេរិកកំពុងជាប់វណ្ឌកនឹងបំណុលអន្តរជាតិប្រមាណទៅដល់ជាង៣១,៤ទ្រីលានដុល្លារទៅហើយនោះ ថ្វីត្បិតតែអាចឈានទៅដល់ការយល់ព្រមគ្នារវាងបក្សធំៗក្នុងរដ្ឋាភិបាលទាំងពីរពិតមែនប៉ុន្តែវានឹងបន្តដាក់សំពាធដល់រដ្ឋាភិបាលអាណត្តិក្រោយជាក់ជាមិនខាន។
ថ្មីៗនេះអ្នកវិភាគក្នុងស្រុកអាមេរិកជាច្រើនដែលរួមមានទាំង The Wall Street Journal (WSJ) ផងបានព្រមានថាបញ្ហាពិដានបំណុលនិងបំណុលសាធារណៈលើកនេះកំពុងបង្កផលប៉ះពាល់ធ្ងន់ធ្ងរទាំងកិត្តយស និងកម្រិតជឿទុកចិត្តរបស់សេដ្ឋកិច្ចអាមេរិកចំពោះទីផ្សារសកល។
កាលពីថ្ងៃសុក្រកន្លងទៅថ្មីៗនេះប្រធានាធិបតីអាមេរិក លោក Joe Biden បានចុះហត្ថលេខាលើកញ្ចប់ថវិកាថ្មីសម្រាប់យោធាសម្រាប់ឆ្នាំក្រោយរួចរាល់ហើយប៉ុន្តែ WSJមើលឃើញថាតួលេខនៃការចំណាយប្រចាំឆ្នាំលើកនេះនឹងមានការធ្លាក់ចុះខ្លាំងមិនធ្លាប់មានឡើយក្នុងប្រវត្តិសាស្ត្រអាមេរិកគិតចាប់តាំងតែពីចប់សម័យសង្គ្រាមត្រជាក់។
នៅថ្ងៃដដែល លោក Biden បានចេញសេចក្តីថ្លែងការណ៍ដោយពន្យល់បែបនេះថា ៖ កញ្ចប់ថវិកាដែលបានអនុម័តបានជួយសង្គ្រោះអាមេរិកចេញពីការធ្លាក់ចូលទៅក្នុងបញ្ហាវិបតិ្តសេដ្ឋកិច្ចធ្ងន់ធ្ងរ ហើយបន្ថែមវាគឺជាកិច្ចខិតខំប្រឹងប្រែងសម្របសម្រួលគ្នាប៉ុន្តែច្បាស់ណាស់ថាលទ្ធផលនេះគឺមិនមានអ្វីគ្រប់យ៉ាងដែលភាគីទាំងអស់ចង់បាននោះឡើយ។
ទោះបីជាកិច្ចព្រមព្រៀងពិដានបំណុលត្រូវបានធ្វើឡើងក្តីប៉ុន្តែ The Fitch បានមើលឃើញថាកេរ្ត៍ឈ្មោះរបស់អាមេរិកចំពោះវិស័យសេដ្ឋកិច្ចហាក់បីដូចជាកំពុងធ្លាក់ចុះឬស្ថិតនៅក្នុងកម្រិតទាបបំផុតគឺ AAA ក្នុងរូបភាពជាសញ្ញាអវិជ្ជមានទៅវិញ។
រំលឹកដែរថាមុនកិច្ចព្រមព្រៀងរវាងបក្សសាធារណៈរដ្ឋនិងបក្សប្រជាធិបតេយ្យចំពោះបញ្ហាពិដានបំណុលនោះមន្ត្រីជាន់ខ្ពស់របស់រតនាគារជាតិអាមេរិកធ្លាប់បានធ្វើការព្រមានរួចហើយទៅកាន់សភាជាតិថាប្រសិនបើការខកខានមិនបានបំពេញតាមកាតព្វកិច្ចទូទាត់បំណុលឲ្យបានត្រឹមត្រូវទេវានឹងបង្កទៅជាវិបត្តិសេដ្ឋកិច្ចដ៏ធ្ងន់ធ្ងរមួយសម្រាប់ប្រទេសជាតិផងពលរដ្ឋអាមេរិកផងនិងក៏ដូចជាពិភពលោកផងហើយមិនត្រឹមតែប៉ុណ្ណោះទំនុកចិត្តលើប្រាក់ដុល្លារអាមេរិកលើទីផ្សារសកលក៏នឹងត្រូវបាត់បង់បន្តិចម្តងៗផងដែរ៕
Account
Security
Favourite Content