សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ យោងតាមប្រភពព័ត៌មានពីរ៉យទ័រ បានរាយការណ៍ថា ប្រធានាធិបតីអាម៉េរិក Donald Trump បានគំរាម និងបង្ហាញពីគោលបំណងចង់ដាក់ពន្ធបន្ថែម ១០% លើក្រុមបណ្តាប្រទេស BRICS ដែលអនុវត្តគោលនយោបាយប្រឆាំងនឹងអាម៉េរិក។
កាលពីថ្ងៃអាទិត្យកន្លងទៅនេះ បណ្តាមេដឹកនាំនៃក្រុមប្រទេស BRICS បានជួបគ្នាក្នុងកិច្ចប្រជុំកំពូលមួយនៅប្រទេសប្រេស៊ីល ដោយផ្តោតសំខាន់លើការដំឡើងពន្ធក្រោមការដឹកនាំរបស់ប្រធានាធិបតីអាម៉េរិក Donald Trump និងសង្គ្រាមរវាងអ៊ីស្រាអែល-អ៊ីរ៉ង់។ យ៉ាងណាក៏ដោយ ទោះបីជាតំបន់នេះមានលក្ខណៈបែងចែកច្រើន ប៉ុន្តែពួកគេជួបប្រទះនឹងបញ្ហារួមមួយ គឺការដំឡើងពន្ធរបស់ប្រធានាធិបតីអាម៉េរិក Donald Trump។ BRICS មិនបានលើកឈ្មោះ Donald Trump មកនិយាយចំៗនោះទេ ប៉ុន្តែពួកគេឡើងថា ការដំឡើងពន្ធនឹងប៉ះពាល់ដល់សេដ្ឋកិច្ចពិភពលោក។ លើសពីនេះ ពួកគេផ្តល់ការគាំទ្រដល់សមាជិកមិត្តអ៊ីរ៉ង់ ដែលរងការវាយប្រហារយោធាជាបន្តបន្ទាប់លើរោងចក្រនុយក្លេអ៊ែរ និងគោលដៅផ្សេងទៀតពីអ៊ីស្រាអែល និងសហរដ្ឋអាម៉េរិក។
នៅក្នុងសុន្ទរកថានាកិច្ចប្រជុំកំពូល BRICS ប្រធានាធិបតីប្រេស៊ីល Luiz Inacio Lula da Silva បានប្រៀបធៀប BRICS ទៅនឹងចលនាមិនចូលបក្សសម្ព័ន្ធក្នុងកំឡុងសង្គ្រាមត្រជាក់ ដែលជាបណ្តុំនៃបណ្តាប្រទេសកំពុងរីកចម្រើនមិនព្រមចូលដៃជាមួយភាគីណាមួយដែលអាចរំខាន់ដល់សណ្តាប់ធ្នាប់អន្តរជាតិកំពុងបែកបាក់។ នៅក្នុងសេចក្តីថ្លែងការណ៍រួមមួយរបស់ BRICS ដែលបានចេញផ្សាយកាលពីរសៀលថ្ងៃអាទិត្យបានឱ្យដឹងថា ក្រុមនេះបានព្រមានថា ការដំឡើងពន្ធបានគំរាមកំហែងដល់ពាណិជ្ជកម្មពិភពលោក ជាមួយនឹងការរិះគន់ចំពោះគោលនយោបាយពន្ធរបស់ Trump ។
បន្ទាប់ពីកិច្ចប្រជុំកំពូលនេះបានកើតឡើង ប្រធានាធិបតីអាម៉េរិក Donald Trump បានគំរាមដាក់ពន្ធបន្ថែម ១០% លើប្រទេសណាមួយដែលអនុវត្តគោលនយោបាយរបស់ BRICS ប្រឆាំងនឹងអាម៉េរិក។ កាលពីខែមេសា Trump បានគំរាមសម្ព័ន្ធមិត្ត និងគូប្រជែងដូចគ្នាតាមរយៈការដំឡើងពន្ធឲ្យមានភាពស្មើគ្នា ប៉ុន្តែបានពន្យារពេលយកពន្ធនេះរយៈពេល ៩០ ថ្ងៃ ដែលនឹងផុតកំណត់នៅថ្ងៃទី ៩ ខែកក្កដា។ ថ្មីៗនេះ Trump បានព្រមានទៀតថា នឹងដាក់ពន្ធឯកតោភាគីលើដៃគូពាណិជ្ជកម្មមួយចំនួន ប្រសិនបើពួកគេមិនឈានដល់កិច្ចព្រមព្រៀងពាណិជ្ជកម្មជាមួយនឹងអាម៉េរិកត្រឹមថ្ងៃទី ១ ខែសីហា។
គួរឲ្យបញ្ជាក់ដែរថា BRICS បានពង្រីកសមត្ថភាពយ៉ាងខ្លាំងវាប់តាំងពីត្រូវបានបង្កើតឡើងកាលតាំងពីឆ្នាំ២០០៩ មក ខណៈដែលមានប្រទេសសេដ្ឋកិច្ចធំៗ ដូចជា ប្រេស៊ីល រុស្ស៊ី ឥណ្ឌា និងចិន ជាបង្អែក។ ឥឡូវនេះ ក្រុមប្រទេស BRICS មានចំនួនប្រជាជនជិតពាក់កណ្តាលនៃចំនួនសរុបប្រជាជនពិភពលោក, មានចំណែក ៤០% នៃផលិតផលក្នុងស្រុកសរុបរបស់ពិភពលោក និងកាន់តែមានឥទ្ធិពលលើឆាកអន្តរជាតិចាប់តាំងពីពាណិជ្ជកម្មរហូតដល់បញ្ហាភូមិសាស្ត្រនយោបាយ ដូចជា ហ្គាហ្សា និងអ៊ុយក្រែនជាដើម៕
Account
Security
Favourite Content