សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងតាមប្រភពព័ត៌មានពី BBC បានរាយការណ៍ថា ប្រធានាធិបតីសហរដ្ឋអាម៉េរិក លោក Donald Trump បានគំរាមដាក់ពន្ធ ១០ ភាគរលើទំនិញនាំចូលដែលផលិតចាប់ពីថ្ងៃទី ១ ខែកុម្ភៈ ឆ្នាំ២០២៥ ខណៈកំពុងពិចារណាលើការយកពន្ធលើការនាំចូលពីសហភាពអឺរ៉ុបផងដែរ។
បន្ទាប់ពីស្បថចូលកាន់តំណែងជាប្រធានាធិបតីកាលពីថ្ងៃចន្ទ សប្ដាហ៍នេះ លោក Donald Trump បានបញ្ជាឲ្យភ្នាក់ងារសហព័ន្ធធ្វើការពិនិត្យឡើងវិញលើកិច្ចព្រមព្រៀងពាណិជ្ជកម្មដែលមានស្រាប់ និងកំណត់ការអនុវត្តន៍មិនយុត្តិធម៌ដោយដៃគូពាណិជ្ជកម្មអាមេរិក។ ប្រធានាធិបតីអាមេរិករូបនេះកំពុងពិចារណាដាក់ពន្ធ ១០ ភាគរយលើការនាំចូលទំនិញដែលផលិតដោយចិនគីតចាប់ពីថ្ងៃទី ១ ខែកុម្ភៈ ឆ្នាំ២០២៥ តទៅ។
Trump បានលើកឡើថា ការពិភាក្សាជាមួយរដ្ឋបាលរបស់លោកគឺផ្អែកលើការពិតដែលថា ចិនកំពុងបញ្ជូនសារធាតុ fentanyl ទៅកាន់ម៉ិកស៊ិក និងកាណាដា ដោយបានហៅប្រទេសចិនថា ជាអ្នកបំពាន។ ជាការឆ្លើយតប ចិន វាយបកវិញថា សង្គ្រាមពាណិជ្ជកម្មគ្មានអ្នកឈ្នះនោះទេ។ ទោះបីជាការពិភាក្សាលើពន្ធមានភាពតានតឹងក៏ដោយ ប៉ុន្តែការដាក់ពន្ធ ១០ ភាគរយនៅតិចជាងការគំរាមយកពន្ធ ៦០ ភាគរយដែល Trump បានប្រកាសកំឡុងពេលមានយុទ្ធនាការបោះឆ្នោត។ លើសពីនេះ Trump នឹងធ្វើតាមការគំរាមកំហែងរបស់គាត់ដោយយកពន្ធនាំចូល ២៥ ភាគរយពីប្រទេសម៉ិកស៊ិក និងកាណាដា ដោយចោទប្រកាន់ប្រទេសទាំងពីរពីបទអនុញ្ញាតឱ្យជនចំណាកស្រុកខុសច្បាប់ និងគ្រឿងញៀនចូលមកក្នុងទឺកដីសហរដ្ឋអាមេរិក។
ក្នុងសន្និសីទសារព័ត៌មានក្នុងទីក្រុងវ៉ាស៊ីនតោនកាលពីថ្ងៃអង្គារ Trump ក៏បានប្តេជ្ញាថានឹងដាក់ពន្ធគយលើសហភាពអឺរ៉ុបផងដែរ ដោយលើកឡើងពីការធ្វើពាណិជ្ជកម្មអយុត្តិធម៌ជាមួយនឹងអាម៉េរិក។ Trump លើកឡើងថា ការដាក់ពន្ធលើសហភាពអឺរ៉ុប គឺជាវិធីយុត្តិធម៌តែមួយគត់ដែលអាម៉េរិកឆ្លើយតបទៅវិញ។
គួរឲ្យបញ្ជាក់ដែរថា កាណាដា ចិន និងម៉ិកស៊ិក សុទ្ធសឹងតែជាដៃគូពាណិជ្ជកម្មកំពូលរបស់សហរដ្ឋអាមេរិក។ ជាការឆ្លើយតបទៅនឹងការគំរាមកំហែងរបស់ Trump អ្នកនាំពាក្យក្រសួងការបរទេសចិន លោកស្រី Mao Ning សន្យាថា នឹងការពារផលប្រយោជន៍ជាតិរបស់ខ្លួន។ លោកស្រីបានបន្ថែមថា សង្គ្រាមពាណិជ្ជកម្ម និងសង្គ្រាមពន្ធគយនឹងមិនមានអ្នកឈ្នះទេនោះ។
ឧបនាយករដ្ឋមន្ត្រីចិន លោក Ding Xuexiang បានអំពាវនាវឱ្យមានដំណោះស្រាយឈ្នះ-ឈ្នះ ចំពោះជម្លោះពាណិជ្ជកម្ម ទោះបីជាមិនលើកឡើងពីឈ្មោះសហរដ្ឋអាមេរិកចំក៏ដោយ។
ទន្ទឹមនឹងនេះ នាយករដ្ឋមន្ត្រីកាណាដា លោក Justin Trudeau លើកឡើងថា ប្រសិនបើប្រធានាធិបតីសហរដ្ឋអាមេរិកជ្រើសរើសការដាក់ពន្ធគយ នោះកាណាដានឹងឆ្លើយតបវិញ។ លើសពីនេះ ទីក្រុង Ottawa កំពុងរៀបចំការប្រឆាំងពន្ធ ដើម្បីឆ្លើយតបទៅនឹងការគំរាមកំហែង ខណៈដែលទីក្រុងនេះមានសកម្មភាពពាណិជ្ជកម្មជាមួយនឹងអាម៉េរិកតម្លៃរាប់ពាន់លានដុល្លារ។
ពន្ធគយ គឺជាផ្នែកមួយដ៏សំខាន់នៃផែនការសេដ្ឋកិច្ចរបស់ Trump ដោយគាត់ជឿជាក់ថា ការដាក់ពន្ធគយអាចជំរុញកំណើនការពារវិស័យការងារ និងបង្កើនប្រាក់ចំណូលពន្ធរបស់អាម៉េរិក។ យ៉ាងណាមិញ អ្នកសេដ្ឋកិច្ចជាច្រើនយល់ឃើញថា វិធានការបែបនេះអាចនាំឱ្យអ្វីៗមានតម្លៃថ្លៃសម្រាប់ពលរដ្ឋអាម៉េរិក និងក្រុមហ៊ុនដែលរងគ្រោះដោយការសងសឹកពីបរទេស៕
Account
Security
Favourite Content