សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ៖ សហព័ន្ធស្រូវអង្ករកម្ពុជា (CRF) បានឱ្យដឹងថា ក្នុងរយៈពេល ២ខែដើមឆ្នាំ២០២៥ កម្ពុជាបាននាំចេញអង្ករបានចំនួន ១៣៥ ០៧៤តោន ទទួលចំណូល១០៦លានដុល្លារ និងបាននាំចេញស្រូវចំនួន ១ ៣៩លានតោន បានចំណូល ៣១៣លានដុល្លារ។
តាមសហព័ន្ធស្រូវអង្ករកម្ពុជាបានបង្ហាញថា ការនាំចេញអង្ករជាង ១៣ម៉ឺន ៥ពាន់តោននេះ តាមរយៈក្រុមហ៊ុននាំចេញអង្ករចំនួន ៤៤ ក្រុមហ៊ុន ទៅកាន់គោលដៅចំនួន ៥១ប្រទេស ដែលក្នុងនោះទៅកាន់បណ្តាប្រទេសនៅក្នុងតំបន់អឺរ៉ុបចំនួន ២៥ បានបរិមាណអង្ករចំនួន ៧៣ ០៤៨ តោន គិតជាទឹកប្រាក់ចំនួន ៥៨.៥៣ លានដុល្លារសហរដ្ឋអាមេរិក។
CRF បានរៀបរាប់លម្អិតថា ប្រទេសចិន និងតំបន់ស្វយ័តហុងកុង បាននាំចូលបរិមាណអង្ករពីកម្ពុជាចំនួន ចំនួន១៦ ៥០០តោន គិតជាទឹកប្រាក់ចំនួន ១០.៤៧ លានដុល្លារសហរដ្ឋអាមេរិក ទៅកាន់ប្រទេសក្នុងអាស៊ានចំនួន ៤ប្រទេសមានបរិមាណចំនួន ២៣ ២៩៧ តោន គិតជាទឹកប្រាក់ចំនួន ១៦.៦៦ លានដុល្លារអាមេរិក ខណៈដែលទៅកាន់គោលដៅ ២០ ប្រទេសផ្សេងទៀតមានអាហ្វ្រិក មជ្ឈឹមបូព៌ា អាមេរិក កាណាដា អូស្ត្រាលី ញ៉ូហ្សេឡេន ។ល។ បានចំនួន ២២ ២២៩ តោន គិតជាទឹកប្រាក់ចំនួន ១៩.៨៧ លានដុល្លារសហរដ្ឋអាមេរិក។
ចំពោះប្រភេទអង្ករ ដែលបានធ្វើការនាំចេញ រួមមាន ប្រភេទអង្ករក្រអូបចំនួនប្រមាណ ៨៦.០៣% បន្ទាប់មកប្រភេទអង្ករសគ្រាប់វែង ៨.៦៥% អង្ករចំហ៊ុយ ២.៩៩% អង្ករសរីរាង្គចំនួន ១.៨៧% និងអង្ករផ្សេងៗចំនួន ០.៤៦% ។
សូមជម្រាបថា ប្រទេសកម្ពុជាក៏បាននាំចេញស្រូវចំនួន ១ ៣៩២ ១១៥ តោនស្រូវសើម ដែលគិតជាទឹកប្រាក់បានប្រមាណ ៣១៣.២២ លានដុល្លារ អាមេរិក។ លទ្ធផលនៃការនាំចេញដ៏រឹងមាំនៃពូជស្រូវនេះ បានគូសបញ្ជាក់អំពីវត្តមានដែលកំពុងកើនឡើងរបស់កម្ពុជា និងជំរុញដោយទិសដៅនាំចេញចម្រុះដ៏រឹងមាំក្នុងទីផ្សារអង្ករពិភពលោក៕
Account
Security
Favourite Content