សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
អន្តរជាតិ ៖ សេដ្ឋកិច្ចនៅតាមបណ្តាប្រទេសនៅអឺរ៉ុបខាងកើត និងអាស៊ីកណ្តាលនឹងត្រឡប់ទៅរកកំណើនយឺតនៅឆ្នាំ២០២៣។ នេះបើតាមធនាគារពិភពលោក កាលពីថ្ងៃអង្គារ ទី៤ ខែតុលា ដោយបានព្រមានថាការកាត់ផ្តាច់ថាមពលពីរុស្ស៊ីទៅកាន់អឺរ៉ុបនឹងធ្វើឱ្យតំបន់នេះធ្លាក់ចូលទៅក្នុងវិបត្តិសេដ្ឋកិច្ចនៅឆ្នាំក្រោយ។
តាមរយៈការព្យាករសេដ្ឋកិច្ច ដែលទើបបានធ្វើបច្ចុប្បន្នភាព ធនាគារពិភពលោកបានរកឃើញថា GDP ជារួមនៅក្នុងតំបន់អឺរ៉ុប និងអាស៊ីកណ្តាល នឹងចយចុះ ០.២%ក្នុងឆ្នាំ២០២២ ហើយនឹងកើនឡើង ០.៣% នៅឆ្នាំ២០២៣។ កំណើនយឺតនៃសេដ្ឋកិច្ច គឺដោយសារតែឥទ្ធិពលពីការឈ្លានពានរបស់រុស្ស៊ីលើអ៊ុយក្រែន។
ការព្យាករសម្រាប់ឆ្នាំ២០២២នេះ មានភាពប្រសើរជាងការព្យាករ កាលពីមិថុនាកន្លងទៅ ដែលកាលពីពេលនោះធនាគារពិភពលោកបានមើលឃើញនូវការធ្លាក់ចុះ ២.៩%នៃGDP សម្រាប់ប្រទេសក្នុងតំបន់ ដែលរួមមាន អ៊ុយក្រែន ប៉ូឡូញ រុស្ស៊ី ទួរគី និងប្រទេសជុំវិញ។ ការព្យាករនេះ បានឆ្លុះបញ្ចាំងឲ្យឃើញពីភាពធន់ និងកំណើនល្អប្រសើរជាងការរំពឹងទុកតាមបណ្តាប្រទេស ដែលមានសេដ្ឋកិច្ចធំជាងគេក្នុងតំបន់ បូករួមនឹងការបន្តកម្មវិធីជំរុញសេដ្ឋកិច្ចនៅក្រោយកូវីដ-១៩ តាមប្រទេសមួយចំនួន។
ធនាគារពិភពលោកបានលើកឡើងក្នុងរបាយការណ៍របស់ខ្លួនថា សម្រាប់បច្ចុប្បន្ននេះ សេដ្ឋកិច្ចរបស់ប្រទេសអ៊ុយក្រែននឹងធ្លាក់ចុះ ៣៥%នៅឆ្នាំ២០២២។ តួលេខនេះ មានភាពប្រសើរជាងបន្តិចធៀបនឹងការព្យាករ កាលពីដើមឆ្នាំ ដែលថាសេដ្ឋកិច្ចរបស់អ៊ុយក្រែននឹងធ្លាក់ចុះ ៤៥%។ សេដ្ឋកិច្ចរបស់ប្រទេសអ៊ុយក្រែន បានគ្រាំគ្រា ដោយការបំផ្លិចបំផ្លាញលើសមត្ថភាពផលិត ការខូចខាតដីកសិកម្ម និងការថយចុះនៃកម្លាំងពលកម្ម ដោយសារការផ្លាស់ទីលំនៅរបស់ប្រជាជនជាង ១៤លាននាក់។
លោកស្រី Anna Bjerde អនុប្រធានធនាគារពិភពលោកប្រចាំតំបន់អឺរ៉ុប និងអាស៊ីកណ្តាល បានថ្លែងតាមរយៈសេចក្តីថ្លែងការណ៍មួយថា “អ៊ុយក្រែននៅតែបន្តត្រូវការជំនួយផ្នែកហិរញ្ញវត្ថុដ៏សម្បើម ខណៈដែលសង្រ្គាមមិនទាន់បញ្ចប់។ ហិរញ្ញវត្ថុនឹងត្រូវប្រើសម្រាប់ការស្តារ និងការកសាងឡើងវិញគម្រោងនានា ដែល អាចចាប់ផ្តើមឡើងវិញភ្លាមៗ។”
យោងតាមការប៉ាន់ប្រមាណនាពេលថ្មីៗនេះដោយធនាគារពិភពលោក ប្រទេសអ៊ុយក្រែនត្រូវស្តារ និងកសាងឡើងទាំងផ្នែកសង្គម ផលិតភាព និងហេដ្ឋារចនាសម្ព័ន្ធនានា ដែលអាចចំណាយទឹកប្រាក់យ៉ាងហោចណាស់ ៣៤៩ប៊ីលានដុល្លារ ពោលគឺច្រើនជាង ១.៥ដងនៃទំហំ GDP របស់អ៊ុយក្រែនក្នុងឆ្នាំ២០២១។
ធនាគារពិភពលោកក៏បានព្យាករថាសេដ្ឋកិច្ចរបស់ប្រទេសរុស្ស៊ីនឹងធ្លាក់ចុះ ៤.៥%នៅឆ្នាំ២០២២ ខណៈដែល ការព្យាករ កាលពីមិថុនា គឺថយចុះ ៨.៩%។ ដោយឡែកចំពោះសេដ្ឋកិច្ចរបស់រុស្ស៊ី នៅឆ្នាំ២០២៣ ត្រូវបានព្យាករថានឹងធ្លាក់ចុះ ៣.៦%។
ចំពោះសេដ្ឋកិច្ចរបស់ប្រទេសទួរគីត្រូវបានគេរំពឹងថានឹងកើនឡើង ៤.៧%ក្នុងឆ្នាំ២០២២នេះ ខណៈការព្យាករ កាលពីខែមិថុនាមានកំណើនតែ ២.៣%។ សម្រាប់ឆ្នាំ២០២៣ កំណើនសេដ្ឋកិច្ចរបស់ទួរគី២.៧%។
នៅក្នុងកំណត់សម្គាល់ដាច់ដោយឡែកមួយទៀតស្តីពីផលប៉ះពាល់នៃវិបត្តិថាមពលពិភពលោក ធនាគារពិភពលោកបានលើកឡើង ការបន្ថយបរិមាណផ្គត់ផ្គង់ថាមពលដល់សហភាពអឺរ៉ុបអាចបង្កឱ្យមានវិបត្តិសេដ្ឋកិច្ចសម្រាប់បណ្តាប្រទេសអឺរ៉ុប និងអាស៊ីកណ្តាល ដែលជារួមអាចនឹងធ្លាក់ ១.២%៕ ដោយ CPA/YAN AN
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
ជប៉ុន កោតសរសើរក្រសួងបរិស្ថាន ដែលធ្វើឱ្យកម្ពុជាក្លាយជា «ផ្ទះដ៏ស្អាត និងមានបរិស្ថានល្អ» សម្រាប់ប្រជាពលរដ្ឋ
ព្រឹត្តិការណ៍, អាជីវកម្មថ្មី និងនវានុវត្ត
• 06/07/2026
ឯកអគ្គរាជទូតជប៉ុនប្រចាំព្រះរាជាណាចក្រកម្ពុជា បានកោតសរសើរ និងបានវាយតម្លៃខ្ពស់ចំពោះកិច្ចខិតខំប្រឹងប្រែងរបស់ក្រសួងបរិស្ថាន ដែលបានជួយឱ្យប្រទេសកម្ពុជាក្លាយជា «ផ្ទះដ៏ស្អាត និងមានបរិស្ថានល្អ» សម្រាប់ប្រជាពលរដ្ឋ
ចិន-រុស្ស៊ី ចាប់ផ្តើមធ្វើសមយុទ្ធរួមគ្នា ១ សប្តាហ៍នៅដែនសមុទ្រនៃខេត្ត Qingdao
ព្រឹត្តិការណ៍, អាជីវកម្មថ្មី និងនវានុវត្ត
• 06/07/2026
ក្រសួងការពារជាតិនៃប្រទេសរុស្ស៊ី បានប្រកាសថា លំហាត់សមយុទ្ធប្រចាំឆ្នាំ Joint Sea-2026 នៅក្នុងទឹកដីនៃប្រទេសចិន នឹងប្រព្រឹត្តទៅក្នុងរយៈពេលមួយសប្តាហ៍ គិតចាប់ពីថ្ងៃចន្ទនេះ តទៅ
AI និង Deepfake រួមចំណែកក្នុងវិបត្តិស្គេមអនឡាញលើពលរដ្ឋអាម៉េរិក ខាតបង់ប្រាក់ដល់ ៦៨ ពាន់លានដុល្លារ
ព្រឹត្តិការណ៍, អាជីវកម្មថ្មី និងនវានុវត្ត
• 06/07/2026
ប្រជាជនអាម៉េរិកប្រហែល ១៥ លាននាក់ ត្រូវបានបោកប្រាស់លុយកាក់តាមប្រព័ន្ធអនឡាញ ឬ online scam កាលពីឆ្នាំ ២០២៥ កន្លងទៅ ដោយក្នុងនោះមានចំណែកគួរឱ្យកត់សម្គាល់នៃករណីឆបោក គឺជាការប្រើប្រាស់មាតិកា ដែលបង្កើតឡើងដោយបច្ចេកវិទ្យាបញ្ញាសិប្បនិម្មិត AI និងបច្ចេកវិទ្យាក្លែងបន្លំរូបភាព/សំឡេងដែលយើងស្គាល់ថាជា Deepfakes
កម្មវិធីពិសេសរបស់ AMS ECONOMY
ព័ត៌មានសង្ខេប
ព័ត៌មានផ្សេងៗទៀត
ឈ្វេងយល់ និងសិក្សាតួលេខខ្លះៗដែលហ្វីលីពីន និងវៀតណាមទើបទទួលបានចំណាត់ថ្នាក់ថ្មីជាប្រទេសមានចំណូលមធ្យមកម្រិតខ្ពស់
ធនាគារពិភពលោក ដំឡើងឋានៈវៀតណាមទៅជា ‘ប្រទេសមានចំណូលមធ្យមកម្រិតខ្ពស់’
Account
Security
Favourite Content