សហភាពអឺរ៉ុប EU អាចនឹងមានផែនការដាក់ទណ្ឌកម្មថ្មីប្រឆាំងនឹងធនាគាររុស្ស៊ីចំនួន ៤

បរទេស ៖ យោងទៅតាមប្រភពព័ត៌មានពីរ៉យទ័របានរាយការណ៍ថា សហភាពអឺរ៉ុប EU អាចនឹងមានផែនការដាក់ទណ្ឌកម្មថ្មីប្រឆាំងលើប្រទេសរុស្ស៊ីក្នុងពេលឆាប់ៗខាងមុខនេះ។

វិធានការថ្មីនេះអាចនឹងរួមបញ្ចូលសំណើដាក់ទណ្ឌកម្មហិរញ្ញវត្ថុថ្មីប្រឆាំងនឹងធនាគាររុស្ស៊ីចំនួន ៤ ដោយក្នុងនោះមានធនាគារផ្តល់ប្រាក់កម្ចីឯកជនធំបំផុតរបស់រុស្ស៊ីគឺធនាគារ Alfa Bank  ព្រមទាំងបុគ្គល និងអង្គភាពចំនួន ១៣០ បន្ថែមទៀត។ ជនជាតិរុស្ស៊ីត្រូវបានគេរំពឹងថា នឹងត្រូវបានហាមឃាត់មិនឱ្យបម្រើការងារនៅក្នុងអង្គភាព ឬក្រុមហ៊ុនហេដ្ឋារចនាសម្ព័ន្ធសំខាន់ៗនៅក្នុងសហភាពអឺរ៉ុបដូចជា បណ្តាញអគ្គិសនី និងក្រុមហ៊ុនហ្គាសជាដើម។ ចំពោះពាណិជ្ជកម្មវិញ អាចនឹងមានការហាមឃាត់លើការនាំចូលផលិតផលកៅស៊ូ ជ័រកៅស៊ូ ផលិតផលប្រេងពីរុស្ស៊ី និងហាមឃាត់លើការនាំចេញទៅកាន់ប្រទេសរុស្ស៊ីវិញនូវទំនិញជាច្រើនរបស់សហភាពអឺរ៉ុបដូចជា រថយន្តដឹកទំនិញ យានយន្តធុនធ្ងន់ ម៉ាស៊ីនសំណង់ ម៉ាស៊ីនបូមទឹក ម៉ាស៊ីនផ្សេងៗ និង សម្ភារៈប្រើប្រាស់ក្នុងវិស័យសំណង់។ វិធានការថ្មីនេះត្រូវបានគេរាយការណ៍ថា នឹងមានការហាមឃាត់ការនាំចេញគ្រឿងបន្លាស់អេឡិចត្រូនិច ដែលរុស្ស៊ីត្រូវការប្រើដើម្បីផលិតអាវុធផងដែរ។ ទោះជាយ៉ាងណាក្តី គេមិនប្រាកដថា ​តើ​ធនធានពេជ្ររបស់​រុស្ស៊ី​នឹង​ត្រូវ​បញ្ចូល​ក្នុង​កញ្ចប់​ទណ្ឌកម្មថ្មីនោះ​ដែរឬ​អត់?

របាយ​ការណ៍​បាន​បង្ហាញ​ថា ទីក្រុង​ប្រ៊ុចសែល​ក៏​គ្រោង​នឹង​ដាក់​ក្រុមហ៊ុន​ដឹក​ជញ្ជូន​ដែល​មាន​មូលដ្ឋាន​នៅ​ទីក្រុង​ឌូបៃ​មួយ​​ក្នុង​បញ្ជី​ខ្មៅ។ ​គេ​សង្ស័យ​ថា ក្រុមហ៊ុននោះ​បាន​ជួយ​រុស្ស៊ី​គេច​ផុត​ពី​ទណ្ឌកម្ម​នាំ​ចេញ​ប្រេងដោយបានទិញកប៉ាល់ដឹកប្រេងរបស់រុស្ស៊ីជាច្រើន ដែលស្ថិតនៅក្រោមទណ្ឌកម្មលោកខាងលិចហាមឃាត់ឱ្យដឹកជញ្ជូនប្រេង។ ទន្ទឹមនឹងនេះដែរ ប្រទេសមួយនៅសហភាពអឺរ៉ុបបានស្នើសុំ ទីក្រុងប្រ៊ុចសែលចុះបញ្ជីក្រុមហ៊ុននោះនៅក្នុងកញ្ចប់ទណ្ឌកម្មថ្មី ដើម្បីការពារខ្លួនពីអំណាចនាំចេញប្រេងរបស់រុស្ស៊ី។ គួរឲ្យបញ្ជាក់ផងដែរថា មកទល់ពេលនេះ ទីក្រុងប្រ៊ុចសែលបានអនុម័តការដាក់ទណ្ឌកម្មចំនួន ៩ លើប្រទេសរុស្ស៊ី ដែលបានប៉ះពាល់ដល់វិស័យផ្សេងៗនៃសេដ្ឋកិច្ចរបស់ប្រទេស ព្រមទាំងបានកំណត់គោលដៅលើពាណិជ្ជករ អ្នកនយោបាយ និងអ្នកសារព័ត៌មានជាច្រើន។ វិធានការចុងក្រោយបំផុតដែលបានប្រកាសកាលពីខែធ្នូ បានណែនាំពីការហាមឃាត់ការនាំចេញមួយចំនួន និងបានពង្រីកការរឹតបន្តឹងលើធនាគារបន្ថែមទៀត។ អង្គភាពរុស្ស៊ីចំនួន ១៦៨ បន្ថែមទៀតបានស្ថិតនៅក្រោមការរឹតបន្តឹងលើការនាំចេញ ដែលនាំឱ្យចំនួនក្រុមហ៊ុននៅក្រោមទណ្ឌកម្មមានសរុបដល់ទៅ ៤១០ ៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

សហភាពអឺរ៉ុបលើកឡើងថា ការដាក់ទណ្ឌកម្មលើសេដ្ឋកិច្ចរុស្ស៊ីពិតជាមានប្រសិទ្ធភាព

ព្រឹត្តិការណ៍, សេដ្ឋកិច្ច

• 25/07/2024

រដ្ឋមន្ត្រីហិរញ្ញវត្ថុសហភាពអឺរ៉ុប ៨ រូប លើកឡើងថា រុស្ស៊ីនិយាយកុហកអំពីកម្លាំងសេដ្ឋកិច្ចរបស់ខ្លួន ដោយសារមាន​សញ្ញា​ជា​ច្រើន​ដែល​បង្ហាញ​ថា​សេដ្ឋកិច្ច​រុស្ស៊ី​កំពុង​ធ្លាក់​ចុះ ហើយគួរតែមានទណ្ឌកម្ម ​និង​វិធានការ​ផ្សេង​បន្ថែមទៀត​ ដើម្បី​ធ្វើ​ឲ្យ​សេដ្ឋកិច្ច​រុស្ស៊ី​ចុះ​ខ្សោយ​កាន់តែមានប្រសិទ្ធភាព

រដ្ឋាភិបាល និងស្ថាប័នហិរញ្ញវត្ថុ សហការបង្កើនអាទិភាពហិរញ្ញប្បទានសម្រាប់វិស័យទឹកស្អាត

ព្រឹត្តិការណ៍, អាជីវកម្មថ្មី និងនវានុវត្ត

• 25/07/2024

វេទិកាទឹកស្អាតត្រូវផ្តោតលើការពង្រឹង​កិច្ច​សហការរវាងរដ្ឋ វិស័យឯកជននិងស្ថាប័នហិរញ្ញវត្ថuលើកកម្ពស់​លទ្ធភាព​ទទួលសេវា​ទឹក​ស្អាតទូទាំង​ប្រទេស​

នាពេលអនាគត កម្ពុជានឹងមានមជ្ឈមណ្ឌលភស្តុភារកម្មភ្នំពេញសម្រាប់ទាក់ទាញការវិនិយោគផ្នែកឡូជីស្ទីក

ព្រឹត្តិការណ៍, សេដ្ឋកិច្ច

• 25/07/2024

នាពេលអនាគតឆាប់ៗកម្ពុជា នឹងមានមជ្ឈមណ្ឌលភស្តុភារកម្មភ្នំពេញ សម្រាប់ទាក់ទាញការវិនិយោគផ្នែកឡូជីស្ទីកទាំងក្នុង និង ក្រៅប្រទេស

វិស័យមីក្រូហិរញ្ញវត្ថុបន្តចូលរួមចំណែកយ៉ាងសំខាន់ក្នុងការជំរុញកំណើនសេដ្ឋកិច្ច

ព្រឹត្តិការណ៍, ហិរញ្ញវត្ថុ

• 25/07/2024

វិស័យមីក្រូហិរញ្ញវត្ថុនៅតែបន្តចូលរួមចំណែកយ៉ាងសំខាន់ក្នុងការជំរុញកំណើនសេដ្ឋកិច្ច តាមរយៈការផ្តល់ផលិតផល និងសេវាហិរញ្ញវត្ថុផ្លូវការដល់ប្រជាពលរដ្ឋ ជាពិសេសប្រជាពលរដ្ឋនៅតាមតំបន់ជនបទ

រាជរដ្ឋាភិបាល​អាណត្តិថ្មី បាន​ដាក់​ចេញវិធានការជា​បន្តបន្ទាប់​ ​ដើម្បីជំរុញ​ការស្ដារ​វិស័យ​សំណង់ ​និងអចលនទ្រព្យ​

ព្រឹត្តិការណ៍, អចលនទ្រព្យ

• 25/07/2024

រដ្ឋាភបិាលបាល​បានដាក់ចេញនូវ​វិធានការ​ជា​បន្តបន្ទាប់ដើម្បីជំរុញវិស័យ​អចលនទ្រព្យ ​និងសំណង់ឱ្យ​ងើ​បឡើងវិញតាំងពីអាណត្តិ​ចាស់​ដល់អាណត្តិ​ថ្មី

F-16ថ្មីចំនួន២គ្រឿងនៃកញ្ចប់ចំណាយជិត២ពាន់លានដុល្លារ ចុះចតដល់ទឹកដីស្លូវ៉ាលើកដំបូងក្រោយរង់ចាំជាង២ឆ្នាំ

ព្រឹត្តិការណ៍, អាជីវកម្មថ្មី និងនវានុវត្ត

• 25/07/2024

F-16 បានបង្ហាញអំពីការចូលរួមចំណែកយ៉ាងសំខាន់ក្នុងការធ្វើឲ្យប្រសើរឡើង និងកាន់តែមានប្រសិទ្ធភាពនៃសមត្ថភាពការពារជាតិរបស់ស្លុវ៉ាគី

រដ្ឋាភិបាលអភិវឌ្ឍបណ្តាខេត្តជាប់ឆ្នេរសមុទ្រទៅជារបៀងសេដ្ឋកិច្ចពហុបំណង និងឈានទៅគោលដៅឆ្នេរទេសចរណ៍កម្រិតពិភពលោក

ព្រឹត្តិការណ៍, សេដ្ឋកិច្ច

• 25/07/2024

កម្ពុជា នឹងអភិវឌ្ឍបណ្តាខេត្តជាប់ឆ្នេរសមុទ្រឱ្យទៅជារបៀងសេដ្ឋកិច្ចពហុបំណង ប្រទាក់ក្រឡា និងជាគោលដៅទេសចរណ៍ឆ្នេរកម្រិតពិភពលោក

ការចូលរួមសេដ្ឋកិច្ចឌីជីថលសម្រាប់សហគ្រិនស្ត្រី នឹងធ្វើឱ្យកម្ពុជាឈានទៅរកការពង្រីកអាជីវកម្មក្នុងតំបន់អាស៊ាន

ព្រឹត្តិការណ៍, សេដ្ឋកិច្ច

• 25/07/2024

ការលើកកម្ពស់នៃការចូលរួមសេដ្ឋកិច្ចឌីជីថលសម្រាប់សហគ្រិនស្ត្រី នឹងធ្វើឲ្យកម្ពុជាឈានទៅរកការពង្រីកអាជីវកម្មទៅកាន់តំបន់អាស៊ានតាមរយៈប្រព័ន្ធអេឡិចត្រូនិក

ស្វែងយល់ពីបច្ចេកទេសដាំដំណាំផ្ទី ងាយៗមិនចំណាយកម្លាំងច្រើន ប៉ុន្តែទទួលបានទិន្នផលខ្ពស់

ជំនួញ, ព្រឹត្តិការណ៍

• 24/07/2024

ផ្ទី ជាដំណាំមួយប្រភេទងាយស្រួលដាំដុះ ទទួលបានផលច្រើន និងមានតម្រូវការទីផ្សារល្អ