សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ រដ្ឋមន្ត្រីក្រសួងសាធារណការ និងដឹកជញ្ជូនបានថ្លែងនៅក្នុងពិធីបើកសន្និបាតបូកសរុបការងារឆ្នាំ២០២២កាលពីព្រឹកថ្ងៃទី១៥ ខែកុម្ភៈ ឆ្នាំ២០២៣បានឱ្យដឹងថា គម្រោងអភិវឌ្ឍន៍ផ្លូវល្បឿនលឿន ភ្នំពេញ-បាវិត នៅតែជាគម្រោងអាទិភាពរបស់រាជរដ្ឋាភិបាលដោយគម្រោងនេះមិនមានការលុបចោល ឬក៏ពន្យារពេលអភិវឌ្ឍន៍នោះឡើយ ។
ឯកឧត្តមទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន បានមានប្រសាសន៍ថា គម្រោងនេះបើសិនជាចង់ចុះហត្ថលេខារវាងក្រុមហ៊ុនសាងសង់ និងក្រសួងសាធារណការ ចង់ចុះពេលណាក៏បានដែរ ប៉ុន្តែក្រសួងចង់ចុះហត្ថលេខាដោយមានការអញ្ជើញជាអធិបតីរវាងនាយករដ្ឋមន្ត្រីកម្ពុជា និងចិន តែនីតិវិធីធ្វើមិនទាន់ហើយ ដូច្នេះ ខាងភាគីចិនមិនអាចអញ្ជើញធ្វើជាសាក្សីបាននោះទេ ។
ឯកឧត្តមបន្ថែមថា ករណីនេះ សម្ដេចអគ្គមហាសេនាបតីតេជោ ហ៊ុន សែន បានលើកជាសំណូមពរទៅដល់មិត្តចិនឱ្យជួយជំរុញនីតិវិធី ហើយក្រុមហ៊ុនចិនក៏បានសន្យាថានឹងបើកការដ្ឋានសាងសង់យ៉ាងយូរខែមិថុនា ឆ្នាំ២០២៣ និងបញ្ចប់យ៉ាងយូរនៅឆ្នាំ២០២៧ ដើម្បីឱ្យស្របនឹងផ្លូវល្បឿនលឿនរបស់វៀតណាម ពីហូជីមិញមកច្រកម៉ុកបៃកម្ពុជា និងអាចតភ្ជាប់គ្នាតភ្ជាប់ការដឹកជញ្ជូនរវាងកម្ពុជា និងវៀតណាម។
ឯកឧត្តមបន្តថា ៖
“ពេលនេះ គ្រឿងចក្របានបញ្ជូនទៅបណ្ដើរៗហើយទៅកាន់ទីតាំងគម្រោងផ្លូវល្បឿនលឿន និងគ្រោងបើកការដ្ឋាននៅពេលឆាប់ៗនេះ ដោយមិនមានការពន្យារ ឬក៏លុបចោលដូចដែលមានការលើកឡើងពីមតិមួយចំនួននោះទេ”
ឯកឧត្តមបន្ថែមទៀតថា គម្រោងនេះគឺជាគម្រោងសហប្រតិបត្តិការរវាងរដ្ឋាភិបាល និងឯកជន ដោយសារក្រុមហ៊ុននឹងសាងសង់ផ្លូវនៅត្រើយខាងកើតទៅបាវិត ដែលមានចំងាយ១៣៥គីឡូម៉ែត្រ ហើយភាគីរដ្ឋាភិបាលកម្ពុជានឹងសាងសង់ស្ពានឆ្លងទន្លេមេគង្គ។ នេះដោយសារតែអគ្គមហាសេនាបតីតេជោចង់ឱ្យប្រជាពលរដ្ឋឆ្លងពីត្រើយខាងលិចទៅល្វាឯមត្រើយខាងកើត ប្រើប្រាស់ស្ពានដោយមិនបង់លុយ ប៉ុន្តែបើសិនជាមិនមានការចូលរួមពីរាជរដ្ឋាភិបាល ពេលប្រជាពលរដ្ឋឆ្លងកាត់ស្ពាននោះ នឹងត្រូវបង់កម្រៃជូនទៅក្រុមហ៊ុនសាងសង់។
អ្នកជំនាញនៃវិស័យអចលនទ្រព្យជាច្រើនបានមើលឃើញថា គម្រោងអភិវឌ្ឍន៍ល្បឿនលឿនភ្នំពេញ-បាវិត នឹងជំរុញសក្ដានុពលវិនិយោគនៅតំបន់ខាងកើតប្រទេសមានអំណោយផលខ្ពស់ ជាក់ស្ដែងតាមបទពិសោធបច្ចុប្បន្ននេះ ផ្លូវល្បឿនលឿនភ្នំពេញក្រុងព្រះសីហនុ បាន និងកំពុងទាក់ទាញការវិនិយោគថ្មីៗ ទៅកាន់តំបន់ទឹកដីខេត្តព្រះសីហនុកាន់តែច្រើន។
លោក ប៉ូ អ៊ាវគង់ អគ្គនាយកក្រុមហ៊ុន Advance បានឱ្យដឹងថាជាទូទៅសក្ដានុពលនៃផ្លូវល្បឿនលឿនគឺមានតែនៅដើមផ្លូវ និងចុងផ្លូវ ហើយក្រៅពីនោះគឺមានតិចតួចសម្រាប់តំបន់ដែលមានច្រកចេញនៃផ្លូវល្បឿនលឿន តួយ៉ាងដូចជាផ្លូវល្បឿនលឿនភ្នំពេញ-ក្រុងព្រះសីហនុ គឺសក្ដានុពលខ្ពស់មានភ្នំពេញ និងក្រុងព្រះសីហនុ ហើយផ្លូវល្បឿនលឿនភ្នំពេញ-បាវិតក៏ដូចគ្នាដែរ ៕
Account
Security
Favourite Content