ទណ្ឌកម្មរបស់លោកខាងលិចកំពុងជំរុញឱ្យក្រុមប្រទេស BRICS មានទំនាក់ទំនងគ្នាកាន់តែជិតស្និទ្ធ

បរទេស៖​ យោងតាមប្រភពព័ត៌មានពី CNBC​ លើកឡើងថា ការដាក់ទណ្ឌកម្មរបស់លោកខាងលិចមកលើរុស្ស៊ីកំពុងជំរុញឱ្យប្រទេស BRICS មានទំនាក់ទំនងជាមួយគ្នាកាន់តែជិតស្និទ្ធ។

បន្ទាប់ពីមានសង្គ្រាមរវាងរុស្ស៊ី-អ៊ុយក្រែន ក្រុមប្រទេស G7 បានដាក់យន្តការកំណត់តម្លៃប្រេង ដើម្បីដាក់សម្ពាធលើប្រាក់ចំណូលរបស់រុស្ស៊ីសម្រាប់ប្រើប្រាស់លើសង្រ្គាម។ កាលពីខែមិថុនាកន្លងទៅនេះ សហភាពអឺរ៉ុបបានអនុម័តវិធានការប្រឆាំងនឹងរុស្ស៊ីដែលគេចវេះពីទណ្ឌកម្ម ដើម្បីរឹតបន្តឹងការលក់ ការផ្គត់ផ្គង់ ការនាំចេញទំនិញ និងបច្ចេកវិទ្យាដែលជាប់នៅក្នុងបញ្ជីទណ្ឌកម្មទៅកាន់ប្រទេសទី ៣ មួយចំនួនដែលដើរតួជាឈ្មួញកណ្តាលសម្រាប់រុស្ស៊ី។ លើសពីនេះ G7 ក៏បានប្រកាសពីការកំណត់ក្នុងការជួញដូរពេជ្ររបស់រុស្ស៊ីផងដែរ។

នៅ​ក្នុង​សន្និសីទ APEC នៅ​ប្រទេស​សិង្ហបុរីនាពេលថ្មីៗនេះ លោក Russell Hardy នាយកប្រតិបត្តិក្រុមហ៊ុនថាមពល Vitol បាននិយាយថា​ បើក្រឡេកមើលទីផ្សារប្រេងបច្ចុប្បន្ននេះ ទណ្ឌកម្មលោកខាងលិចលើរុស្ស៊ីនៅតែប្រសិទ្ធភាព ដោយសារពួកគេបន្ទាបតម្លៃទំនិញរុស្ស៊ី។ វាជាទិដ្ឋភាពអវិជ្ជមានដោយសារទណ្ឌកម្មទាំងនេះក៏អាចនាំទៅរកផលវិបាកផ្សេងទៀត ខណៈដែលពាណិជ្ជកររុស្ស៊ីនឹងចាប់ឱកាសបង្កើតទំនាក់ទំនងរវាងការផ្គត់ផ្គង់ថាមពលរុស្ស៊ី និងក្រុមប្រទេស BRICS ។ លើសពីនេះ ផ្នែកម្ខាងនៃទណ្ឌកម្មគឺកំពុងបង្កើតចំណងកាន់តែរឹងមាំរវាងប្រទេស BRICS ដែលផ្ទុយស្រឡះពីនយោបាយលោកខាងលិច។

គួរឲ្យបញ្ជាក់ដែរថា សម្ព័ន្ធភាព BRICS រួមមានរុស្ស៊ី ប្រេស៊ីល ឥណ្ឌា ចិន និងអាហ្វ្រិកខាងត្បូង។ កាលពីសប្តាហ៍មុនកន្លងទៅនេះ ប្លុកនេះបានជួបប្រជុំគ្នា និងអញ្ជើញប្រទេសផលិតប្រេងផ្សេងៗទៀតដូចជា អារ៉ាប៊ីសាអូឌីត អារ៉ាប់រួម ក៏ដូចជាអ៊ីរ៉ង់ អេត្យូពី អេហ្ស៊ីប អាហ្សង់ទីន ដើម្បីចូលរួមសម្ព័ន្ធភាពនៅឆ្នាំ២០២៤ ខាងមុខនេះ។ ស្របពេលនេះដែរ ក្រុមប្រទេស BRICS កំពុងមាន​ទំនាក់ទំនងរង្គោះរង្គើរជាមួយ​លោកខាងលិច។

លើសពីនេះ ភាពតានតឹងរវាងសហរដ្ឋអាមេរិក និង ចិននៅតែបន្តកើនឡើងលើផ្នែកជាច្រើន រួមមាន ការទូត ពាណិជ្ជកម្ម និងបច្ចេកវិទ្យា ដោយភាគីទាំងពីរបានរឹតបន្តឹងលើការនាំចេញ។ ទន្ទឹមនឹងនេះ ឥណ្ឌា និងចិនក៏បានបង្កើនការនាំចូលប្រេងឆៅពីរុស្ស៊ីក្នុងតម្លៃថោកផងដែរ ហើយទីក្រុងមូស្គូបានក្លាយជាប្រភពប្រេងឆៅឈានមុខគេរបស់ឥណ្ឌា និងមានចំណែកប្រហែល ៤០ ភាគរយនៃការនាំចូលប្រេងឆៅសរុបរបស់ឥណ្ឌា។ នៅក្នុងកិច្ចប្រជុំកំពូល BRICS នៅអាហ្វ្រិកខាងត្បូងនាពេលថ្មីៗនេះ ប្រធានាធិបតីប្រេស៊ីល Luiz Inácio Lula da Silva បានគូសបញ្ជាក់ថា សម្ព័ន្ធភាពកំពុងបន្តវាយតម្លៃលទ្ធភាពនៃការបង្កើតរូបិយប័ណ្ណរួម។ ក្នុងអំឡុងពេលទស្សនកិច្ចទៅកាន់ប្រទេសចិន លោកប្រធានាធិបតីក៏បានអំពាវនាវឱ្យកាត់បន្ថយការពឹងផ្អែកលើប្រាក់ដុល្លារអាមេរិកសម្រាប់ពាណិជ្ជកម្មពិភពលោក។

យ៉ងណាមិញ លោក Fereidun Fesharaki ប្រធានក្រុមហ៊ុនប្រឹក្សាថាមពល Facts Global Energy បាននិយាយថា De-dollarization ឬការផ្លាស់ប្តូរឆ្ងាយពីប្រាក់ដុល្លារមិនងាយនឹងកើតឡើងនោះទេ ដោយសារប្រាក់ដុល្លារអាមេរិកមានថាមពលខ្លាំង និង គ្មានអ្វីអាចជំនួសវាបានទេ។ តាមពិតទៅ ប្រសិនបើប្រាក់ដុល្លារអាមេរិកត្រូវបានជំនួសដោយរូបិយប័ណ្ណណាមួយនោះ វានឹងបង្កភាពចលាចលនៅក្នុងទីផ្សារតម្លៃប្រេង៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ប្រាក់ចំណូលរបស់អ្នកបម្រើការងារតាមផ្ទះរួមចំណែកផ្នែកសេដ្ឋកិច្ចយ៉ាងសំខាន់ និងជួយកាត់បន្ថយភាពក្រីក្រ

ព្រឹត្តិការណ៍, សេដ្ឋកិច្ច

• 17/06/2024

ប្រាក់ចំណូលរបស់កម្មករការងារតាមផ្ទះ រួមចំណែកមួយផ្នែកធំដល់សេដ្ឋកិច្ចយ៉ាងសំខាន់ និង បានរួមចំណែកកាត់បន្ថយភាពក្រីក្រនៅកម្ពុជា

ផលិតផលថ្មីរបស់គ្រឿងហ្លួង កាន់តែជួយគាំទ្រ និងផ្សព្វផ្សាយមុខម្ហូបខ្មែរ

ជំនួញ, ព្រឹត្តិការណ៍

• 17/06/2024

គ្រឿងហ្លួង សាបារា ត្រូវបានគេស្គាល់យ៉ាងទូលាយថាជាផលិតផលក្នុងស្រុកដែលត្រូវបានបង្កើតឡើងដោយក្រុមហ៊ុន Sabara Best Food សម្រាប់ជាគ្រឿងផ្សំរសជាតិទៅលើមុខម្ហូបបែបខ្មែរ

សម្ដេច​ធិបតី​ ជំរុញឱ្យ​​គិតគូរ ​និងអនុវត្តន៍ឱ្យបានតឹងរ៉ឹង​លើ​គម្រោង​ប្លង់មេក្នុង​តំបន់​ក្រុង​រណប ​និង​បុរី

ព្រឹត្តិការណ៍, អចលនទ្រព្យ

• 17/06/2024

សម្ដេច​ធិបតី​ ហ៊ុន ម៉ាណែត បានជំរុញឱ្យ​រៀបចំ​ និងអនុវត្ត​ឱ្យ​បានតឹងរ៉ឹង​​ចំពោះ​គម្រោង​ប្លង់​មេ​នៅក្នុងតំបន់​ក្រុង​រណប និង​តាមបុរីនានា​

ផែនការមេដឹកនាំរុស្ស៊ីបំពេញទស្សនកិច្ចនៅវៀតណាមបង្កប្រតិកម្មពីប្រទេសជាដៃគូពាណិជ្ជកម្មធំៗ

ព្រឹត្តិការណ៍, សេដ្ឋកិច្ច

• 17/06/2024

វៀតណាមបានធ្វើពហិកាមិនចូលរួមកិច្ចប្រជុំនៅស្វីស ប៉ុន្តែបញ្ជូនអនុរដ្ឋមន្ត្រីការបរទេសទៅចូលរួម BRICS នៅក្នុងប្រទេសរុស្ស៊ីទៅវិញកាលពីសប្តាហ៍មុននេះ

ទុនពីវិស័យមីក្រូហិរញ្ញវត្ថុជួយបង្កើនចំណូលដល់ប្រជាពលរដ្ឋ ជាពិសេសកសិករ

ព្រឹត្តិការណ៍, ហិរញ្ញវត្ថុ

• 17/06/2024

វិស័យមីក្រូហិរញ្ញវត្ថុបានបង្កើតផលិតផលឥណទានកសិកម្ម និងសេវាកម្មហិរញ្ញវត្ថុសម្បូរបែប ដើម្បីឆ្លើយតបនឹងតម្រូវការរបស់ប្រជាកសិករ និងសហគមន៍កសិកម្មនៅតាមមូលដ្ឋាន

រដ្ឋមន្ត្រីកសិកម្ម ៖ ការចិញ្ចឹមត្រីតាមបច្ចេកទេសត្រឹមត្រូវធានាបានសុវត្ថិភាព គុណភាព និងរសជាតិមិនចាញ់ត្រីធម្មជាតិឡើយ

ព្រឹត្តិការណ៍, សេដ្ឋកិច្ច

• 17/06/2024

រដ្ឋមន្ត្រីក្រសួងកសិកម្មបានលើកឡើងថា ការចិញ្ចឹមត្រីអនុវត្តតាមបច្ចេកទេសត្រឹមត្រូវ អាចធានាបានសុវត្ថិភាព គុណភាព និងរសជាតិមិនចាញ់ត្រីធម្មជាតិឡើយ

ក្រុមហ៊ុនលំដាប់ពិភពលោក BOSCH នឹងមកសិក្សាពីលទ្ធភាពបើករោងចក្ររបស់ខ្លួននៅកម្ពុជា

ព្រឹត្តិការណ៍, សេដ្ឋកិច្ច

• 17/06/2024

ក្រុមហ៊ុន BOSCH លំដាប់ពិភពលោកដែលមានបុគ្គលិកជិត ៤៣ ម៉ឺននាក់ នឹងមកសិក្សាពីលទ្ធភាពបើករោងចក្ររបស់ខ្លួននៅព្រះរាជាណាចក្រកម្ពុជា ។

សហភាពអឹរ់ុបមានផែនការដាក់ពន្ធបន្ថែមជិត ៤០ ភាគរយលើរថយន្តអគ្គិសនីនាំចូលពីចិន

ព្រឹត្តិការណ៍, អាជីវកម្មថ្មី និងនវានុវត្ត

• 17/06/2024

សហភាពអឺរ៉ុបមានផែនការដាក់ពន្ធបន្ថែមលើរថយន្តអគ្គិសនីដែលនាំចូលពីចិនចន្លោះពី ១៧,៤ ភាគរយទៅ ៣៨,‌១ ភាគរយ ខណៈដែលអត្រាពន្ធបច្ចុប្បន្នមាន ១០ ភាគរយ

ធនាគារ វីង បើកសម្ពោធសាខាថ្មីក្នុងក្រុងកំពង់ឆ្នាំង

ព្រឹត្តិការណ៍, អត្ថបទពាណិជ្ជកម្ម

• 14/06/2024

សេវាធនាគារដ៏សម្បូរបែបរបស់ធនាគារ វីង ឥឡូវនេះបានពង្រីកទៅដល់ក្រុងកំពង់ឆ្នាំងហើយ ដើម្បីជួយសម្រួលប្រជាជនក្នុងខេត្តនេះជាមួយនឹងតម្រូវការសេវាហិរញ្ញវត្ថុប្រចាំថ្ងៃកាន់តែប្រសើរ

៤០ឆ្នាំក្នុងនាមជារោងចក្រពិភពលោក តែមិនប្រាកដថាអាចបន្តភាពជោគជ័យក្នុងទីផ្សាររថយន្តអគ្គិសនីនោះឡើយ

ព្រឹត្តិការណ៍, សេដ្ឋកិច្ច

• 14/06/2024

រថយន្តអគ្គិសនីរបស់ចិន មិនប្រាកដថាអាថវាយឡុកទីផ្សារពិភពលោកបានជោគជ័យដូចជាទីផ្សារផលិតផល និងទំនិញរបស់ខ្លួនដែលធ្លាប់ធ្វើបានជាង៤០ឆ្នាំនោះឡើយ