ឃ្លាំងស្ដុកស្រូវចំណី នឹងជួយជំរុញការប្រើប្រាស់ពូជស្រូវសុទ្ធដែលមានផលិតភាពខ្ពស់ បង្កើនតម្លៃទីផ្សារ ដល់​អ្នក​ផលិត និង​កែច្នៃ

ភ្នំពេញ៖ ឃ្លាំងស្ដុកស្រូវចំណីចំណុះ ១០០តោន និងជាឃ្លាំងស្តុកស្រូវដំបូងបង្អស់ក្នុងស្រុកតំបែរ ខេត្តត្បូងឃ្មុំ ត្រូវបានសម្ពោធឱ្យប្រើប្រាស់ កាលពីពេលថ្មីៗនេះ ក្រោមអធិបតីភាពរដ្ឋមន្ត្រីក្រសួងកសិកម្ម ដែលឃ្លាំងនេះ ​គឺជាកម្មសិទ្ធិរបស់សហគមន៍កសិកម្មតំបែររុងរឿង ដោយ​នៅក្នុង​ពិធី​​សម្ពោធ​ឃ្លាំង​ស្តុក​ស្រូវ​ចំណី​ចំណុះ ១០០ ​តោន ក៏មានការ​បើក​ការដ្ឋាន​សាងសង់​ផ្លូវ​កៅស៊ូ​ប្រវែង ៩ ៧៧៤​ ម៉ែត្រ នៅក្នុង​សហគមន៍​កសិកម្ម​តំបែរ​រុងរឿង ស្ថិតនៅក្នុងភូមិ​ត្រពាំង​ឫស្សី ឃុំ​តំបែរ ស្រុក​តំបែរ ខេត្ត​ត្បូងឃ្មុំ ក្រោម​គម្រោង​ខ្សែចង្វាក់​ផលិតកម្ម​ដោយ​ភាតរ​បរិ​ស្ថាន​នៃ​ក្រសួងកសិកម្ម រុក្ខាប្រមាញ់ និង​នេសាទ​។

ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានលើកឡើងអំពីសក្ខីភាពជាក់ស្តែងដែលរដ្ឋាភិបាលបាន និងកំពុងគិតគូរដល់បងប្អូនប្រជាពលរដ្ឋ ដែលសមិទ្ធផលទាំងនេះ នឹងជួយឱ្យបងប្អូនមានលទ្ធភាព មានប្រាក់ចំណេញមាននិរន្តរភាពសេដ្ឋកិច្ច និងជីវភាពល្អប្រសើរ ហើយនៅអាណត្តិក្រោយ រាជរដ្ឋាភិបាលនឹងមានការដាក់មន្ត្រីជំនាញកសិកម្មតាមឃុំ នៅក្បែរបងប្អូនប្រជាណលរដ្ឋ ដើម្បីចូលរួមជួយលើបច្ចេកទេសកសិកម្ម និងដោះស្រាយបញ្ហាប្រឈមផ្សេងៗទាក់​ទងនឹងកសិកម្មឱ្យបានទាន់ពេលវេលា ឱ្យមានការចំណាយតិច ចំណេញច្រើន មានប្រសិទ្ធភាព និងនិរន្តរភាពសេដ្ឋកិច្ច។

ឯកឧត្តម ឌិត ទីណា បានមានប្រសាសន៍ថា ៖

“ចំពោះឃ្លាំងស្តុកស្រូវមានលទ្ធភាពស្តុកស្រូវដល់ ១០០តោន ដូច្នេះយើងអាចលក់ស្រូវស្ងួត ដែលទទួលបានតម្លៃខ្ពស់ជាងស្រូវសើម។ រីឯផ្លូវជួយសម្រួលដល់ការធ្វើដំណើររបស់បងប្អូនយើងឱ្យកាន់តែមានភាពងាយស្រួល និងជួយដល់ការដឹកជញ្ជូនកសិផលកសិកម្មឱ្យកាន់តែងតែរហ័ស ជាពិសេសជួយបង្កើនតម្លៃកសិផល។ នេះគឺការយកចិត្តទុកដាក់ឱ្យមានប្រឡាយទឹក សម្រាប់ធ្វើស្រែបានទាំងអស់គ្នា ព្រមទាំងការជំរុញការប្រើប្រាស់ពូជស្រូវសុទ្ធដែលមានផលិតភាពខ្ពស់ មានទីផ្សារ មានទំនុកចិត្តពីអ្នកទិញ និងមានតម្លៃស្រូវខ្ពស់។”

ឯកឧត្តមរដ្ឋមន្ត្រី បាន​បញ្ជាក់ថា​វត្តមានឃ្លាំង​ថ្មីនេះ នឹងអនុញ្ញាតឱ្យកសិករលក់ស្រូវស្ងួតដែលមានតម្លៃខ្ពស់ ហើយក៏ជួយបង្កើនចំណូលដល់អ្នកផលិត និងកែច្នៃផងដែរ។ ឯកឧត្តមក៏ជឿជាក់​ថា ឃ្លាំងស្ដុកស្រូវនេះនឹងជួយជំរុញការប្រើប្រាស់ពូជស្រូវសុទ្ធដែលមានផលិតភាពខ្ពស់ ទីផ្សារ និងទំនុកចិត្តពីអ្នកទិញបន្ថែមដែរ។ 

លោក ហេង ពិសិដ្ឋ ប្រធានមន្ទីរកសិកម្មខេត្តត្បូងឃ្មុំបានបញ្ជាក់ថា វានឹងជួយបង្កើតមុខរបរ និងបង្កើនចំណូលដល់សហគមន៍ តាមរយៈការកែច្នៃ ហើយបើបានកែច្នៃខ្លះ គឺល្អ គឺគាត់មិនបាច់ទិញអង្ករពីស្រុកដទៃ ដោយឃ្លាំងស្ដុកស្រូវចំណី នឹងជះផលវិជ្ជមានដល់សមាជិកសហគមន៍ ១៥០នាក់ ដែលពួកគាត់នឹងប្រឹងប្រែង ដើម្បីឱ្យ​ជីវ​ភាព និងសមាជិកសហគមន៍រីកចម្រើន។

មន្ទីរកសិកម្ម រុក្ខា ប្រមាញ់ និងនេសាទខេត្តបន្ទាយមានជ័យ បានឱ្យដឹងថាគិតត្រឹម ខែមិថុនា ឆ្នាំ ២០២៣នេះកសិករខេត្ត បន្ទាយមានជ័យ សម្រេចបង្កបង្កើនផលដំណាំស្រូវវស្សា បានប្រមាណ ៨៤.៥ភាគរយ លើផែនការ ប្រចាំឆ្នាំ២៦ម៉ឺនហិកតា ក្នុងឆ្នាំ២០២៣នេះ។ ក្នុងនោះ ភាគច្រើនត្រូវបានបង្កបង្កើនផលស្រូវ មិនប្រកាន់រដូវដូចជាស្រូវសែនក្រអូប និងស្រូវអ៊ីអ៊ែរ និងស្រូវស្រង៉ែ និងស្រូវកណ្តាល ​ដូចជា ស្រូវសូម៉ាលី, ម្លិះ, និងផ្ការំដួលជាដើម។

មន្ទីរកសិកម្ម រុក្ខាប្រមាញ់ និងនេសាទខេត្តបាត់ដំបង បានឱ្យដឹងថា រដូវបង្កបង្កើនផលឆ្នាំនេះ អាកាសធាតុ និងរបបទឹកភ្លៀង អំណោយផល បានធ្លាក់ស្រោចស្រពរាយប៉ាយល្អ បង្កលក្ខណៈ ដល់បងប្អូនប្រជាកសិករ ក្នុងខេត្តបាត់ដំបង ដាំដុះបានលឿន ទាន់ពេលវេលា ព្រមៗគ្នា។ ល្បឿនការងារបង្ក បង្កើនផលស្រូវរដូវរស្សា ឆ្នាំ២០២៣ នេះ ប្រជាកសិករ បានសម្រុកចុះភ្ជួររាស់ដាំដុះ ដំណាំស្រូវ លើផ្ទៃដីសរុបទូទាំងខេត្តបាត់ដំបង សរុបចំនួន ៧១ ៧១៧ ហិកតា ក្នុងនោះ ស្រូវស្រាល កសិករអនុវត្តបាន ចំនួន ៦៣ ០៣៤ ហិកតា ស្រូវកណ្តាល ធ្វើបានចំនួន ១.៤៥២ ហិកតា ប្រភេទស្រូវធ្ងន់ ចំនួន ៦ ៨៥៨ ហិកតា ស្រូវឡើងទឹកដាំដុះបានចំនួន ៣៧៣ ហិកតា ព្រមទាំងស្រូវក្រអូប មានចំនួន សរុប ៣៩ ៥៤៤ ហិកតា ។

ដោយឡែក ការងារបង្កបង្កើនផលស្រូវវស្សា ឆ្នាំ២០២៣ គិតត្រឹមថ្ងៃទី២០ ខែមិថុនា នៅទូទាំងប្រទេស អនុវត្តបានលើផ្ទៃដី ១ ១៨៩ ៥០៣ ហិកតា ស្មើនឹងប្រមាណជា ៤៦,១២ ភាគរយ នៃផែនការ ២ ៥៧៩ ១៨១ ហិកតា មានសន្ទុះលឿនជាង ការងារបង្កបង្កើនផល ក្នុងឆ្នាំ២០២២ ដោយសារមានអំណោយល្អ ពីកត្តាអាកាសធាតុ និងមកដល់ពេលនេះ ការងារភ្ជួររាស់សាបព្រោះ នៅតែមានសន្ទុះលឿន ដោយសារភ្លៀងធ្លាក់ជោកជាំ និងក៏មិនមានកន្លែងណា ខ្វះទឹកនៅឡើយដែរ៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

គម្រោង​វិនិយោគ​ពាក់ព័ន្ធនឹង​អគារ​ជាប់គាំង​​នៅខេត្ត​ព្រះសីហនុ​ទទួលបានការលើក​ទឹកចិត្តផ្នែកពន្ធដារ​ ៨ ​ចំណុច​សំខាន់ៗ

ព្រឹត្តិការណ៍, អចលនទ្រព្យ

• 19/06/2024

រាជរដ្ឋាភិបាល​បានលើកទឹកចិត្ត​ផ្នែកពន្ធដារ​ជាច្រើន​ដល់​វិនិយោគិនណាដែលមានបំណងមក​វិនិយោគ​នៅខេត្តព្រះសីហនុ ជាពិសេស​លើ​គម្រោងអគារ​ជាប់គាំង​

ទីផ្សារប្តូរប្រាក់រុស្ស៊ី MOEX ផ្អាកការជួញដូរជាប្រាក់ដុល្លារ និងប្រាក់អឺរ៉ូ ដោយសារទណ្ឌកម្មពីសហរដ្ឋអាមេរិក

ព្រឹត្តិការណ៍, អាជីវកម្មថ្មី និងនវានុវត្ត

• 19/06/2024

ទីផ្សារប្តូរប្រាក់រុស្ស៊ី Moscow Exchange (MOEX) បានផ្អាកការជួញដូរជាប្រាក់ដុល្លារ និងប្រាក់អឺរ៉ូចូលជាធរមាននៅថ្ងៃព្រហស្បតិ៍ ដោយសាររតនាគារសហរដ្ឋអាមេរិកបង្ហាញពីទណ្ឌកម្មថ្មីមកលើប្រទេសនេះ

សភាពាណិជ្ជកម្មកម្ពុជា និងសហព័ន្ធធុរកិច្ចសិង្ហបុរី ជំរុញទំនាក់ទំនងពាណិជ្ជកម្ម និងការអភិវឌ្ឍសេដ្ឋកិច្ច

ព្រឹត្តិការណ៍, សេដ្ឋកិច្ច

• 19/06/2024

សភាពាណិជ្ជកម្មកម្ពុជា និងសហព័ន្ធធុរកិច្ចសិង្ហបុរី នឹងចុះ MOU ជំរុញទំនាក់ទំនងពាណិជ្ជកម្ម និង ការអភិវឌ្ឍសេដ្ឋកិច្ចរវាងប្រទេសទាំងពីរ

ប្រាក់ចំណូលរបស់អ្នកបម្រើការងារតាមផ្ទះរួមចំណែកផ្នែកសេដ្ឋកិច្ចយ៉ាងសំខាន់ និងជួយកាត់បន្ថយភាពក្រីក្រ

ព្រឹត្តិការណ៍, សេដ្ឋកិច្ច

• 17/06/2024

ប្រាក់ចំណូលរបស់កម្មករការងារតាមផ្ទះ រួមចំណែកមួយផ្នែកធំដល់សេដ្ឋកិច្ចយ៉ាងសំខាន់ និង បានរួមចំណែកកាត់បន្ថយភាពក្រីក្រនៅកម្ពុជា

ផលិតផលថ្មីរបស់គ្រឿងហ្លួង កាន់តែជួយគាំទ្រ និងផ្សព្វផ្សាយមុខម្ហូបខ្មែរ

ជំនួញ, ព្រឹត្តិការណ៍

• 17/06/2024

គ្រឿងហ្លួង សាបារា ត្រូវបានគេស្គាល់យ៉ាងទូលាយថាជាផលិតផលក្នុងស្រុកដែលត្រូវបានបង្កើតឡើងដោយក្រុមហ៊ុន Sabara Best Food សម្រាប់ជាគ្រឿងផ្សំរសជាតិទៅលើមុខម្ហូបបែបខ្មែរ

សម្ដេច​ធិបតី​ ជំរុញឱ្យ​​គិតគូរ ​និងអនុវត្តន៍ឱ្យបានតឹងរ៉ឹង​លើ​គម្រោង​ប្លង់មេក្នុង​តំបន់​ក្រុង​រណប ​និង​បុរី

ព្រឹត្តិការណ៍, អចលនទ្រព្យ

• 17/06/2024

សម្ដេច​ធិបតី​ ហ៊ុន ម៉ាណែត បានជំរុញឱ្យ​រៀបចំ​ និងអនុវត្ត​ឱ្យ​បានតឹងរ៉ឹង​​ចំពោះ​គម្រោង​ប្លង់​មេ​នៅក្នុងតំបន់​ក្រុង​រណប និង​តាមបុរីនានា​

ផែនការមេដឹកនាំរុស្ស៊ីបំពេញទស្សនកិច្ចនៅវៀតណាមបង្កប្រតិកម្មពីប្រទេសជាដៃគូពាណិជ្ជកម្មធំៗ

ព្រឹត្តិការណ៍, សេដ្ឋកិច្ច

• 17/06/2024

វៀតណាមបានធ្វើពហិកាមិនចូលរួមកិច្ចប្រជុំនៅស្វីស ប៉ុន្តែបញ្ជូនអនុរដ្ឋមន្ត្រីការបរទេសទៅចូលរួម BRICS នៅក្នុងប្រទេសរុស្ស៊ីទៅវិញកាលពីសប្តាហ៍មុននេះ

ទុនពីវិស័យមីក្រូហិរញ្ញវត្ថុជួយបង្កើនចំណូលដល់ប្រជាពលរដ្ឋ ជាពិសេសកសិករ

ព្រឹត្តិការណ៍, ហិរញ្ញវត្ថុ

• 17/06/2024

វិស័យមីក្រូហិរញ្ញវត្ថុបានបង្កើតផលិតផលឥណទានកសិកម្ម និងសេវាកម្មហិរញ្ញវត្ថុសម្បូរបែប ដើម្បីឆ្លើយតបនឹងតម្រូវការរបស់ប្រជាកសិករ និងសហគមន៍កសិកម្មនៅតាមមូលដ្ឋាន

រដ្ឋមន្ត្រីកសិកម្ម ៖ ការចិញ្ចឹមត្រីតាមបច្ចេកទេសត្រឹមត្រូវធានាបានសុវត្ថិភាព គុណភាព និងរសជាតិមិនចាញ់ត្រីធម្មជាតិឡើយ

ព្រឹត្តិការណ៍, សេដ្ឋកិច្ច

• 17/06/2024

រដ្ឋមន្ត្រីក្រសួងកសិកម្មបានលើកឡើងថា ការចិញ្ចឹមត្រីអនុវត្តតាមបច្ចេកទេសត្រឹមត្រូវ អាចធានាបានសុវត្ថិភាព គុណភាព និងរសជាតិមិនចាញ់ត្រីធម្មជាតិឡើយ

ក្រុមហ៊ុនលំដាប់ពិភពលោក BOSCH នឹងមកសិក្សាពីលទ្ធភាពបើករោងចក្ររបស់ខ្លួននៅកម្ពុជា

ព្រឹត្តិការណ៍, សេដ្ឋកិច្ច

• 17/06/2024

ក្រុមហ៊ុន BOSCH លំដាប់ពិភពលោកដែលមានបុគ្គលិកជិត ៤៣ ម៉ឺននាក់ នឹងមកសិក្សាពីលទ្ធភាពបើករោងចក្ររបស់ខ្លួននៅព្រះរាជាណាចក្រកម្ពុជា ។