សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងតាមប្រភពពី FX Street បានលើកឡើងថា មាសបានបន្តឡើងថ្លៃបន្តិច ខណៈដែលវិនិយោគិនកំពុងរង់់ចាំមើលទិន្នន័យសន្ទស្សន៍តម្លៃអ្នកប្រើប្រាស់របស់អាម៉េរិក ហើយទីផ្សារសំខាន់ៗនៅអាស៊ីភាគច្រើនចំថ្ងៃឈប់សម្រាក។
ទន្ទឹមនឹងនេះ តម្លៃមាសឡើងថ្លៃបន្តិចរហូតដល់ ២ ០២៣ ដុល្លារក្នុងមួយអោន មុនពេលដែលទិន្នន័យសន្ទស្សន៍តម្លៃអ្នកប្រើប្រាស់ (CPI) របស់សហរដ្ឋអាម៉េរិកនឹងត្រូវបានបង្ហាញ។ លើសពីនេះ ប្រាក់ដុល្លារអាមេរិកកំពុងត្រូវបានវាយតម្លៃទាប។ កាលពីសប្តាហ៍មុន ប្រាក់ដុល្លារអាមេរិកបានរក្សាស្ថិរភាពប្រឆាំងនឹងគូប្រជែងសំខាន់ៗរបស់ខ្លួន បើទោះបីជាទីផ្សារកំពុងកាត់បន្ថយការរំពឹងលើធនាគារកណ្តាលអាមេរិក (Fed) ក៏ដោយ ដោយសារតែទិន្នន័យដ៏រឹងមាំរបស់សហរដ្ឋអាម៉េរិកបានបញ្ជាក់ពីភាពធន់នៃសេដ្ឋកិច្ច។
ឥឡូវនេះ ទីផ្សារកាត់បន្ថយការព្យាករណ៍សល់ត្រឹម ១៦ ភាគរយប៉ុណ្ណោះពីលទ្ធភាពដែលធនាគារកណ្តាលកាត់បន្ថយអត្រាការប្រាក់នៅក្នុងខែមីនា។ លើសពីនេះ ការព្រួយបារម្ភអំពីការធ្លាក់ចុះនៃសេដ្ឋកិច្ចរបស់ប្រទេសចិនក៏បានជួយធ្វើឱ្យតម្រូវការប្រាក់ដុល្លារអាមេរិករស់ឡើងវិញផងដែរ ប៉ុន្តែការកើនឡើងបន្ថែមទៀតនៃប្រាក់ដុល្លារអាម៉េរិកនៅតែមានកម្រិតដោយសារតែការកើនឡើងហានិភ័យលើភាគហ៊ុនសកល។
យ៉ាងណាមិញ តម្លៃមាសត្រូវបានមើលឃើញថា អាចនឹងធ្លាក់ចុះបន្តិចវិញចំពេលមានការបញ្ជេញទិន្នន័យ CPI របស់អាម៉េរិក និងបន្ធូរបន្ថយភាពតានតឹងភូមិសាស្ត្រនយោបាយអ៊ីស្រាអែល-ក្រុមហាម៉ាស។ បន្ថែមពីនេះ គេរំពឹងថា ការជួញដូរនៅលើទីផ្សារមានភាពធូរស្រាលជាងមុនក្នុងអំឡុងពេលម៉ោងជួញដូរនៅអាស៊ី ដោយសារចំថ្ងៃឈប់សម្រាកនៅក្នុងប្រទេសចិន ហុងកុង ជប៉ុន កូរ៉េខាងត្បូង សិង្ហបុរី តៃវ៉ាន់ វៀតណាម និងម៉ាឡេស៊ី៕
Account
Security
Favourite Content