សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ៖នៅថ្ងៃទិវានៃក្តីស្រឡាញ់ ទី១៤ ខែកុម្ភៈ ឆ្នាំ២០២៤ ខាងមុខនេះ ក្រសួងកសិកម្ម រុក្ខាប្រមាញ់ និងនេសាទ បានអនុញាតឱ្យមានការដាក់តាំង និងលក់នូវបន្លែអាហារសុវត្ថិភាព សរីរាង្គ នៅបរិវេណក្រសួង ដើម្បីផ្តល់ជូនសេចក្តីស្រឡាញ់ផ្នែកសុខភាពជូនប្រជាពលរដ្ឋខ្មែរ តាមរយៈការគិតគូរលើសុវត្ថិភាពចំណីអាហារ។
បន្ថែមពីនេះ ក្រសួងក៏បានលើកទឹកចិត្តដល់ប្រជាពលរដ្ឋខ្មែរឱ្យចូលរួមគាំទ្រផលិតផលរបស់ខ្មែរ ដែលជាស្នាដៃរបស់កូនខ្មែរ និងជូនបាច់បន្លែ អាហារសុវត្ថិភាព និងសរីរាង្គ ដល់អ្នកម្តាយ និងគ្រួសារជាទីស្រឡាញ់ទាំងអស់គ្នាផងដែរ។
“ថ្ងៃ១៤កុម្ភៈ” គឺជាថ្ងៃមួយ ដែលយុវវ័យជាច្រើនតែងតែចាត់ទុកថា ជាថ្ងៃពិសេសរវាងគូស្នេហ៍ ដែលផ្តល់នូវភាពផ្អែមល្ហែមជាមួយគ្នា ដែលកន្លងមកធ្លាប់បានហៅថ្ងៃនេះថាជា “ថ្ងៃបុណ្យសង្សារ” ជាដើម។ ដោយសារការយល់ច្រឡំ ទើបកន្លងមកយុវវ័យបានធ្វើរឿងផ្តេសផ្តាសដែលនាំឱ្យប្រាសចាកពីប្រពៃណីរបស់ខ្មែរ។
យ៉ាងណាមិញ ថ្ងៃ១៤កុម្ភៈនេះ ជាទិវានៃសេចក្តីស្រឡាញ់ ឬថ្ងៃ Valentine‘s Day។ ក្តីស្រឡាញ់សម្រាប់ថ្ងៃនេះ មិនមែនផ្តោតសំខាន់តែទៅលើគូសង្សារនោះទេ ប៉ុន្តែជាការបង្ហាញក្តីគោរពស្រឡាញ់ចំពោះឪពុកម្តាយ ក្រុមគ្រួសារ សាច់ញាតិមិត្ត បងប្អូនជាដើម។ ដូច្នេះកុំឱ្យមានការយល់ច្រឡំចំពោះថ្ងៃទិវានៃសេចក្តីស្រឡាញ់១៤កុម្ភៈទៀត៕
Account
Security
Favourite Content